Ýalňyzlyk barada ballada
…Arada milli kitaphanada Ahmet Bekmyradowyň makalalaryny yzarlap ýörşüme “Sowet edebiýaty” žurnalynyň 1986-njy ýyldaky sanynyň 4-nji nomeri elime düşdi, dogursy ýalňyşmasam şol 4-5-6 edilip goşlyp tikilen öýtýän. Meni ilki bilen özüne çeken zat ýaş şahyr ady bilen berilen Şiraly şahyryň goşgulary boldy. Şahsyýet hökmünde-de, şahyr we ýazyjy hökmünde-de hormat goýýanym üçin “ýaş” diýilýän döwürdäki “galam işledişi” meň üçin gyzyklydy…
….öňümde otyran dört sany gyzyň gürrüňinden ýaňa okan zadyňy alybam boljak däldi, içimden: “behh, beýlede adamlar bolar ekenow diýdimde, žurnaldan gözümi aýyrmasyzdan, ruçkany stola üç gezek urdym:
-tyrk, tyrk,tyrk
-gyzlar dym-dyrs boldylar. Geň galaýmaly ruçgaň sesi “ÝUWAŞŞŞ” diýen duýduryş bolyp aňlarynda galan bolmalyda elbetde…
.. Arhiwden okan goşgym bolsa şeýleräkdi :
Şiraly Nurmuradow hakynda
şu wagt okadym(0%, 0 adam)
tanaýan(0%, 0 adam)
gowy görýän şahyrm(100%, 2 adam)
kimaý ol?(0%, 0 adam)
behh gowja ýazýan eken(0%, 0 adam)
Arhiwiň ýagdaýy
● Doly tekst
● 2/2 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 8 maý 2012 ý. · Asyl sahypany gör ↗
Teswirler 2
Belki, seň boýnuňda
Ol beýik ýazyk,
Düşünýäň,
Ökünýäň,
Ýüzüňem aşak…
Belki meň ýalňyşym kükregim ýaryp,
Durun huzuruňda, ýeňsämi gaşap….
Bu ne ýalňyz hasrat,
Bu ne täk düwün?
Eýsem bu gün gözlemekmi kärmiz?
Ine bildigemdä kimiň päkligin,
Ine, tapdygamda günäkäri biz!
Birimiz “perşde”
Birimiz “şeýtan”
Bar, şeýle hem eken,
Şeýle-dä ine!
Ah nireden gelip awuly peýkam
Sanjylyp dur ýüregimiziň göwsüne?
Ýürek dymýar şeýle agyr purstda,
Ýigrenç bilen söýgüň arasy ýakyn…
Kerbela çölüne dönen gursakda
Şehit ölen söýgüň mazary ýatyr
Ajy derman kimin ýuwduldy lebiz,
Geçir söýgüm zat goýmadyň uýmaga,
Ant içip,
“Söýýän” diýip ýetişdigem biz,
Otly gitdi…
Ýetişmedik söýmäge!
Köçede duş gelseň sowulýaň biryani
Başym alyp çykaýynmy şäherden?
Şeýdip bu gijede bir özüm barýan-
Aýak sesim diňläp ýatyr Bäherden.
Bu gije kalbymda harasat gopýar,
Oýlar çyra üýşen çirkeýler ýaly…
Gökde topar ýyldyz maňa göz gyrpýar.
Ýekelige gyjyt berýän mysaly.
Başymyz ýalaňaç söýgüň öňünde-
Adyl hökum täzeledi keşbimiz.
Men bilmedim:
Nädip syndy
Bir günde
Şunça ýyllap diken söýgü köşgümiz?...
Haýsymyz günäkär?
Parhy ýok bu gün.
Synamyzda başga derdiň azary:
Ot ýaly ýürekde-
Çigişen düwün.
Kerbela çölünde-
Yşkyň mazary.
👍