Kimi adam bar daşynda lybasy ýok, kiminde lybas bar içinde adam ýok...
Güljemal han, Nesibe Hatun, Karkara bagşy, Tatýana tekinskaýa, Hatyja walidemiz...edil şu wagt aklymdaky edermen aýallar. Bary hem durmuşa çykan. Her biri öz zamanasynyň "utanç-haýa, ýeriň däl, hakyň ýok" geplerini, daşyň arasyndan çykýan inçe çaýyr mysaly dogry ýöne ýerinde ulanylmaýan bu sözleri ýaryp gaýduwsyz wakalarda atlaryny taryha ýazdyranlar. Ol döwiriň üfläňde ýyrtylyp gitjek, gury gepi bilen berkidilen "erkek" gyryndylary öz gury geplerinde ulap galan boş ýer bolup galdy.
Uly özgerişliklerde, söweşlerde bular çuwalda gizlenýän wagty Beýik Hatunlar mert ýigitler bilen bir hatarda atlaryny taryha ýazdyrdylar. Goýun ýaly ýuwaş görmäge öwrenişen aýal maşgalalaryna meňzemeýän hatunlara palçyk oklamak bilen halkyň ünsini öz nalajedeýinliklerinden sowup kä wagt watan üçin, kä wagt ojagy üçin, kä wagt namysy üçin, kä wagt bütin aýallar üçin, kä wagt hususy söz haklary üçin agyr ädim bilen ýeri oýup giden Hatunlaryň "ýerliksizliklerine" gönikdirjek boldylar. "Ýüz berseň depäňe çykýa bular" ýaly kemsidiji sözleri bilen zenanlara daban ýanynda orun bermekde özlerini hakly görkezjek boldylar.
Başarmadylar !! Hakykat we adalat barybir öz bilenini okady. Merdi namardy eleginde eledi.
Her iki jynsdakylaryň hem geregini gyryndysyndan, haýyrlysyny şermendesinden edil bürünji daşyndan mäşi keseginden aýyklan ýalyjak edip geçmişe sürip goýberdi. Hakykat ne hak iýer ne-de hakyny iýdirer. Özini erkeklik dünýäsiniň gaýtalanmajak eseri hökminde görýän boş taňkalaryň ady bolsa itiň spisogynda-da geçmedi. Zalymlaram ýatlanmakda olardan ýokarda boldy duryberdi. Bir zady welin hijem ýatdan çykarmady hakykat. Aýal maşgala-da adam; Erkeklere "erkek" bolany üçin aýallaryň depisinden basyp olaryň adamlygyny depgilemek hakyny bermedi.
Hiç kimem beýleki birinden üstin däldigini, Hersiniň öz ýeriniň bardygyny görkezen hakykat biziň diňe ynanjymyz, amallarymyz bilen terezä salynjakdygymyzyň subutnamasyny Mukaddes Kitapda jürt-kesik beýan etdi. Belki, amal derejesinde, uruşda gaýduwsyz söweşen Nesibe Hatun "näme işiň bar uruş-da jenjelde erkekler barka, öziňem maşgalaly aýal, utan, bar git, ärli heleýe meňzäňok" diýen "erkek sergezdan(lar)yndan" müň gat beýik mertebä eýedir !! Belki käbir ýagdaýlarda terbiýesinde kökli Erkekleriň saýasynda Zenan taryha geçendir. Beýleki tarapdan Zenanlara äsgermezlik edýän terbiýäniň çüýrik miwelerine garamazdan aýallara ata münmek utanç hasaplanan zamanasynda Watany duşmanlaryndan goramak üçin söweşlerde duşmanyň dilinde gaýtargy bermegi oňaran aýallara böwet däl-de goltgy bolan hakyky Erkekler köp bolandyr-da olar jeňe gatnaşandyr. We ady taryha geçendir. Ýa-da bulam bir sebäp.
Ol ýerde Hakykat şu - Watan hemmämiziň barlygy - Ony goramak hemmämiziň borjy: garry adam, kiçi adam, goç ýigit, agsak ýigit, ýaş gelin-u gyz, ärli-çagaly aýal, gartaşan aýal....tapawudy ýok ýüreginde watany barlygynyň parçasy ýaly görýän hemme kimiň borjy. Watan biziň arymyz, namysyz, barlygymyz. Muňa akyl ýetirýän kişi beýlekisiniň öňine böwet bolmaz gaýtam ýolyny arçap berer.
Watan baradaky Bi hakykat şeýle wagty her bir kişiniňki boluşy ýaly Bir aýalyň hem ýene bir barlygy onyň namysydyr : Näme üçin onda aýal maşgalaň abraýyna-namysyna kölege düşürjek erkekmi gyzmy bellisi bolmaýan bir nadanyň sözlerinden goranmak Onuň üçin bir borç bolmasyn !!!
Aýal dilini gylyç edip topulan wagty hakly bolmaýan "montana erkegini" hakly, aýaly bolsa nähak görkezip utandyrjak bolýan Pisiň taryhdaky ol hatunlara böwet bolmaga çalyşan bok garyn erkeklerden näme tapawudy bar. Bir "erkegiň" aýaly kemsitmegini dogry, aýalyň çykyşmagyny bolsa ýalňyş hasaplap we öziçe akyl hem berip bilýän gyryndyny öz aýal göbekli ýakynlaryna şeýle hitap edilen wagty göreli-dä !!! Şeýle ýagdaýda öz hemjynsyny gorap aýal maşgala gümiňi tap günä sende diýip bilmese sansyz şagalyň-da ondan has manyly azgyrylýandygyny aňladar !!!
Abraý biziň barlygymyz, maşgalaly bolanymyz üçin iki esse barlygymyz. Hakyky ýa-da wirtualnyý ýerde bolsyn tapawudy ýok.
Hiç kimiň towygyna tok diýilmeýän wagt biri gelip ýüregiňi bulasa bolmaz. Ýiti sözler bilen yrz duşmanyna gaýtargy bermek iň tebigy hakym bolup duryşy ýaly gapdaldan sokulýan ýene birilerine hem agyz paýyny berip biljek güýjimiň bardygyny gizlemen.
Hakyky durmuşda beýle ýagdaý bolanda nagt hasaplaşmagy başarýan, emma welin şu ýerde gerekli gaýtargyny ýazyp ýazmamakda islegsiz hereket etdim. Bärde müň gepiň bir herekediň ornyny tutyp bilmejegini bilýän !!
Iki günden soň şu meseläni gozmagymyň ýene bir maksady bolsa : gyzlaryň terbiýelerinden başlap mährem meselerine çenli söz oklamagy özüne ýörelge edinen käbir "erkekleriň" wyždanyna seslenmek. Ýokardaky ýazanlarymyň hemmesi özleriniň erkeklik sypatlaryny täzeden gözden geçirmekleri üçin itelge. Dogry sözleri ýalňyş şekilde ulanmak siziň erkek mertebäňizi nä dereje gyzyňkylardan üstin saklap bilýändigiňizi öz nazaryňyza öz dykgatyňyza ýetirmek. Düşünen düşünsin. Islän düşünip düşünmezlikden gelsin. Islän öz pişesini dowam etsin. Islän oý-pikire batsyn.
Barybir Biz Zenanlar Hijem Eýesiz Bolmadyk we Bolmarys !!! Gerek Ýerde Käbir erkeklerden has Erkek Boldyk we Bolarys !!! Ol Käbir "erkekler" bolsa müň ýazsyn - müň çyzsyn ; Bize täsiri aňry gitse degnamyza degeni bolar ; Maksat masgaralamak, ynjytmak sebäbi ; olar ilki Öz ygrarlarynyň çatlaklaryny tämir etmeseler ýazanlary gury owaz gury ýazgy bolup galar mydama-da.
Gyzyň namysy-terbiýesiniň asyl gönezligi olara eýe çykyp çykmamakdadygyny, ýalňyşy bar bolsa uslybyna görä ele alyp bilmelidigini, özi nähak bolsa ýalňyşyny boýun almagy başarmalydygyny islän bilsin islänem maňa parhy ýok diýsin. Barybir hakykat we adalat öz bilenini okar. Her kim özini oňarsyn gepiň geltesi. Wessalam.
Arhiwiň ýagdaýy
● Doly tekst
● 41/41 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 7 maý 2012 ý. · Asyl sahypany gör ↗
Teswirler 41
Ýokarda sanan edermen aýallaryň arasyndaky Güljemal hany doly tanaba baramok, ýöne ata çykmak bilen edermenlik etdimi etmedimi şoňa şüpheli garaýan. Ol erkekler çykmasa dagam aýal çykmaly bolar diýen wersiýa soňky çykan nemeräk gepmikä diýýän. Bilemok belki meniň bilmeýän başga edermenligem bardyr-da...
Karkaraňam kinosyndan belli bolşy ýaly saz çalyp aýdym aýtmak isleýär. Kakasy atjak diýende-de öz isleginden ýüz döndürenok. Eger meniň bilşim dogry bolsa bu herekedem gaty bir edermenlik hasap edip baramok.
Aýtýanlarym ugrunda bar bolsa, ýokardakylaryň ýerine 12 çagany adam edip ýetişdirip, soňam ýekeje kitapda ýa kinoda ady agzalmadyk enelerimizi agzap geçmegi has dogryrak hasap edýän.
nerden nereye diyleni shu bolsa gerek. yone yazan zatlarynyza goshulyan.
Temadaky maksat gahryman ayallary yada olan nahili gahrymanlyk görkezenine unsu chekmek dalde:
esasy unsu chekmek islenen zat: erkek men diyip Ayal kemsitmek(ayala el galdyrmak erkeklik hasap edilmeyan bolsa, sho logika göra buda erkeklik hasap edilmeyan bolmaly), beytme diyen oglanlarada Kusok'lay diyip olankyny yalnysh görkezen bolmak yaly zatlar
Logika:
1. Erkek ayaldan diyishleri yaly beyik bolyan bolsa, olan ayal bn den bolup on derejesine chenla peselmegi, olaram ayal etya dalmi? Eger bu sheyle bolsa, onda butayda ayal erkek bn agyz denedigi bolanok. Ayal vs Ayal dawasy bolya :-D
2. Ayalyn tarapyny almak diyishleri yaly kusoklyk bolyan bolsa, ine bir mysal, özem in betindn: dieli siz, discodan bir kuntu snimat etdiniz, kwartira alyp gelyakaniz. Dworun oglanlary mun degya. Siz name ederdiniz? Kusok bolyanlay diyip loh yaly duryanizmy yada Blyaa yaninda men bakam nadip degip bilyanizowmy? :-D butaydada virtualda shahsyda yazship yören, tanysh gyzyna, tanamayan bir virtual krutoy oglan agza degya. Sizem online, gyz bilya, gyz tanysh, gyzyn ussunden betindn prkol tutya. Kusok bolyanlay dp duryanyzmy? :-D
3. Bir gyzyn arkasyny alsan shony yrjak bolyamyshyn :-D ay borlay bula dine kinolarda bolyan zat yazbam oturjakdal bu hakda :-D
4. Hic kim özne cekmesin, men shahsiyetler barada dal, dine shu dushunjeler barada öz pikirimi aytdym :-D
:-D şu smaýlygy nädip goýýaňaý, Psih?
Agentda köp goyup inni endik bolupdyr :-D
👍
sagja bol awtor, şu sanowdakylaň taryhda näderejede şahsyýet bolyp kemala gelenligi hakda belki has içginiräk duryp geçeris, belki umuman erkeklerden kömek almazdan özleri daşy ýaryp çykandyr, belkem?....
umuman uýajygym näme diýmek isleýän bolsaň siziňki DOGRY, DOGRY, DOGRY, we ýene bir gezek DOGRY. emma taryhy delil getirip, göýäki öňki erkekler şol sanalan aýallar bolmanda çuwalda gizlenip ýatan ýaly etmek,... aý bilmedimdä eger jedel edesiň gelse olam dogry bolsyn. Uýam kimdir birini öz pikiriň bilen ylalaşdyrmak üçin, taryhdan 1taraplaýyn delil gözlemeli dälmikän diýýän, göwnüňe degen bolsam bagyşla, ýöne türkmen zenany ata çykyp dälde, ojagynda otyryp ýetendir nämä ýeten bolsa, ýagdaýa görä edilen 1, 2 hereketden netije çykarmak.......
Mundan üýtgeşik netije bolubam bilmezdi 😆. Bar oglanlaryň aýagyna köz basylana dönen ýaly teswirleri dagyn. KÄBIR erkekler diýenim hem janlaryna ýakmadyga meňzeýä. Indi, onyň alyhezretleri jenap erkekler gyzlar barada ýazýanlaryňyzyň biziň sweramyza nähili täsir edýändigini şkuraňyzda barlap gören bolsaňyz gerek. häli intäk ýokarda eddil siziňki ýaly çuňňuram ele alynmady köp zatlar. by the way mowzygyň asyl sebäpkärleri okamandyr ýaly. okasynlar. şol nikdan ýa-da başga maskadan islänini ýazyp bilerler men şol öňki garryja Banumama 😆
@ V-Fashvon, erkekler bolmasa dagym...sözi (pikiri) nirden aldyň. 12 däl 13-15-17 çagaly eneleriň gahrymanlygy aýra tema. bärik degişli däl.
@ Unknown_agza saňa-da 5y*ak diýilen wagty göribirs. sessiz galyp başarsaň saňa bitli telpek
@ PSIH, bir diýilmedik zat küntidi, indi şermende-de diýip goýber. şundan başgasy ýazgyma dogry analiz.
@ 1merdan, hmmm 1-2 hereket, olam ýagdaýa görä. Ýok. Doganjan. Ol-a siziň Aýdanlaňyz, Aýtjaklaňyz Bary Dogry. Jedel gözleýän adam ýok bärde. taryhdaky aýallary delil getirmekden maksat olaryňam üstini basan erkekler bolandygyny aýtmak onda-da ol erkekleriň däl-de şol aýallaryň adynyň bize çenli gelip ýetendigini görkezmekdi.
Men bilýän sen bu mowzugy şol ýokardaky gahrymanlary ýatlamak üçin açmadygy. Mowzuk mysal berýän, kakdyrýan, diýjegi diýýän erkekleriňe özümiň degişli däl bolanym üçin ýokarjygyny teswirledim. Gelibem indi iç ýangyjyňa bar oglanlaryň aýagyna köz basylana dönen diýip ýazýaňmy?
Banu, bir hili sen mowzugyňda, teswiriňde ýalňyşy ýazgarjak bolýan däl-de, öz aryny aljak bolýana meňzeýäň..
Meniň ejem şu saýta girýän bolsa we ejeme edil size söwülşi ýaly söwülen bolsa, ejemiňki ýalňyş bolsa-da men ejeme söwenleri çynym bilen ýigrenerdim WE ejemiňki dogry bolaýanda-da, ejeme gaýdyp şu saýta girme diýip haýyş ederdim.
@banu o taydaky mysalda sizi göz önune tutmadyma men :-D In uc noktasindan örnek berdim dineje. Yagny, daje shon yaly ayalada arka bolmaly yeri bolya, munda erbet zat yok diyjek boldum :-D yalnysh dushunupsiniza
V-fashvon, biri bir gün 1 kitap okapdyr diýýä...soň 10 kitap...soň 100 kitap...ahyrynda penjireden daaryk seredip hiç zada düşünmedim diýýämişin. men bolsa saňa sypaýçylyk bilen hiç zady düşündirip bilmedim diýeýin....
*daşaryk
mundan üýtgeşik jogap bolubam bilmezdi
indi aýal maşgala barada anyk pikirim, gynansakda aýal maşgala häzir erkek bolup dogulýar, seniň bilen deň işleýär, deň iýär, deň ýatýar, aýlyk alýar,kirä näme maşyn ýuwýär, gaz peç, tok peç bişirýär, çagalaňa sadik seretýär, bolony şol, öz erkejigiň üns bermese bermän geçsin, zato işdäki erkekler, ha-ha-ha hi-hi-hi, saňa üns berýäler, omuzlaňy gysyp gitsenä, her geçen, eşek bolsada seredip gecýär, gowja mäkiýan dp, ynha ýa aýal maşgalnyň ýoklygy üçin erekek ýök, ýa erkekleň ýok bolany üçin aýal ýök, öýdäki maşgalalaň ojaklary öçýär, ozallar aýal maşgala erkeki bir döwüm getrisede şat bolýan halyna indi, maňyz iýjek, ýa manyzy berýäni tapjak, bilmedimaý bulaň haýsy günäkärdigini, ýöne gadym wagytda aýal maşgala ata çykan bolsa ony aýal dp harlamandyrlaram öz damagyndan gorkmasa, o döwrleriň aýaly betä, men `bilşime görä Sülgün han, liçna nökerleri bilen gidip, kankretno piratlaýar ekeni, ýöne muža gaty ýuwaş ekeni, şoňa garaman , öňündäki çaýyny sowatmaýar eken, häzirki madamlar edil kölegäň ýaly, seň bilen senemene gidýär, sadaja pikirim
men şahsy pikirimçe feminizm, kapitalist sistema,ylym-bilimin özgermegi we tehnologiyanyn ösmegi yali meseleler bn gynansakda ayal maşgalalaryn hak hukukygyny beygeltmekten öte olary öz idealary we gurulan sistemada arzuwlary üçin ulanylyp zynylyan bir zada öwürdi. gynansakda şeyle. Yaradan her zadyna we jandaryna wezipeler berya we olaryn abrayi,yetmeli kamil derejesi şol berlen wezipelere eyermek we olary doly berjay etmek bn baglanyşykly. gije gündiz daşarda gezip yören kakadan mahrum we işlejek,kariyeram diyip hasyrdyklap yören ene mahrinden mahrum çaga nahili derejede kamil bolyp biler?
Önler öyde ayal maşgala hanym,soltanym,hanymependi yaly sözler bn yüzlenip, sylag hormaty elden goybermandirler.emma ol hanymlar,soltanlar hem şol diyilyan iltifatlara layik ekeni. iki bölek jem bolanda bir bütin orta çykya. egerde durmuşda oynamaly rolymyzy bilmesek, erkeginki yalnyş,sen mana şey diydin, menem hak hukugym,gapyl yum agzyny,sen depame çykyan wşm yaly narazylyklardan hiçhaçanam dynyp bilman geçers.
doggrryyy
monitora köp seredip gözüm agryýar, üstesine dem alman boşluksyz we paragrafsyz ýazylan ýazgylary okamak gözüme agyr düşýär, nebsimem bahanasyny tapýar da
temany sonuna cenli okasym gelmeday.dine ata chykdy-da, edermenlik gorkezdi.. Bu temanyn achmagyn sebabem hol aradaky oglanlar bn sogusheninmika diyyan.
nace prejudice etmejek bolip okadym welin shonda da ashakdaky pikirler kellame geldi.