Gacha bashlady (Magtymguly Pyragy)

Imdi bildim zamananyn azganyn,
Yamanlar yagshydan gacha bashlady.
Gayta bedasyllar asylzadadan,
Pisent etman, tore geche bashlady.

Ryya boldy kopun okan namazy,
Tanry hich birinden bolmady razy.
Pygamber ornunda oturan kazy,
Para uchin elin acha bashlady.

Shalarda galmady hokmi-adalat,
Bir pul uchin mufti berer rowayat.
Bil: bu ishler - nyshanayy kyyamat,
Zalymlar bitoba ote bashlady.

Pakyrlar horlanyp, yuzun sarardyp,
Kim toresin tapyp, rengin gyzardyp.
Zalymlar mazluma syrtyn gabardyp,
Gamchysyndan ganlar sacha bashlady.

Alymlar sozune amal bolmady,
Mynapyrlar Yaradany bilmedi.
Sopular pirinden taglym almady,
Dunya uchin dinden geche bashlady.

Bir para sopular "Sopy men" diyer,
Soramaz zalymlar tagamyn iyer.
"Bizi yagshy kishi diysinler" diyer,
Her ishikde halka gura bashlady.

Garryga aylandy biz goren yashlar,
Dolandy ayaga biz goren bashlar.
Bimahal yuk baglap indi argyshlar,
Ahyryet kastyna goche bashlady.

Akyl bolan gamda yuregin ezip,
Derdinin dermany soraglap gezip.
Zamananyn pisat bolanyn yazyp,
Panydan bakyya goche bashlady.

Kazy bolan bir jogapda durmady,
Gije mahnet tartyp, kitap gormedi.
Sherigat ugrunda dogry yormedi,
Nebs uchin imansyz ote bashlady.

Magtymguly aydar barha yol tany,
Bash gun synamaga iberdi seni.
Senden ozal oten jananlar kany?
Her kim nobatyndan ote bashlady.