Türkmeniñ garyndaşlyk atlary.

Türkmen öz atasyna kaka, däde diýer. Türkmen öz dogmasyna ogul diýer. Oglunyñ dogmasyna agtyk diýer. Agtygynyñ dogmasyna çowluk diýer. Çowlugynyñ dogmasyna ýuwluk diýer. Ýuwlugynyñ dogmasyna gowluk diýer. Gowlugynyñ dogmasyna ýatlyk diýer. Türkmen kakasynyñ dogmasyna dogan diýer. Eger dogany özünden uly bolsa aga diýer. Eger özünden kiçi bolsa ini diýer. Eger dogany zenan mashgala bolup özünden uly bolsa, ejeke diýer. Eger özünden kiçi bolsa bajy ýada uýa diýer. Türkmen ejesiniñ kakasyna baba diýer. Ejesiniñ ejesine bolsa mama diýer. Ejesiniñ erkek doganyna daýy diýer. Daýysynyñ aýalyna hem daýza diýer. Ejesiniñ aýal doganyna daýza diýer. Ejesiñiñ aýal doganynyñ çagalaryna çykan diýer. Türkmen durmusha çykan aýal doganynyñ çagalaryna ýegen diýer. Türkmen öz zenanyñ aýal doganynyñ ýoldashyna baja diýer. Aýalynyñ kakasyna gaýynata diýer, aýalynyñ ejesine gaýynene diýer. Türkmen zenany adamsynyñ uly erkek doganyna gaýynaga diýer. Kiçi erkek doganyna ýüwürji diýer. Adamsynyñ kiçi aýal doganyna baldyz diýer. Türkmen gyzynyñ adamsyna köreken, giýew diýer. Türkmen gelin alan ýerine ýada gyz çykaran ýerine guda diýer. Türkmen atalary dogan bolsa doganoglan diýer. Atalyrynyñam atalary dogan bolsa dolanan diýer. Eger babalary dogan bolsa babadash ýada arkadash diýer. Türkmen bularyñ hemmesini umumylykda birleshdirip garyndash diýer.

Hany indi shular ýaly garyndashlyk ugruny sanap bilýän dile baý halk bashga nirede bar. Bu iñ bärkijesi. Shonuñ üçinem biziñ türkmen dilimiz iññän gadymdan bäri söze baýdyr. Her bir zadyñ ady biziñ türkmenimizde gadymylykdan ulanylyp gelinýändir. Öz türkmen dilimize mydam hormat goýup ony hasam baýlashdyrjak bolalyñ eziz doganlar!