Durmuşymyň bir güni (Kakdyrmaşak, süsdirmeşek)
Bu gun irden oýandym. Daň indi agaran eken. "Ýagmyr sepeläpdir-ow, Çatmadan geçipdir, keçäniň gapdallary öllenipdir. Ýekeniň ustine palçyk kemiräk goýuldymyka. Aý dert boldy şuda..."
Jorabymyň ökjesi nirädir gidipdir, ýok... Oturyp dikdim. Geýinip daşa çykdym.
Sazak döwüp ot ýakdymda, taňkany suwdan dolduryp oda goýdym. Onýança surini barlap gelmek isledim.
Ýerinde...
Soň ýene çatma dolandym. Çaýy demläp bir-iki käse çaý içdim. Agşam gijä galyp gelenligim üçin naharam bişirmändim. Bu gun günortanlyk iýmek üçin çörek, 3-4 kartoşkadan başga hiç zat tapmadym.
Çörekdir kartoşkany, baklaşka salynan çaýy horjuna atdym. Horjunam eşege atdym, 300 goýun bilen ýola duşdik. Jubimden playerjygymy çykaryp, nauşnigide gulaga dakdym: "Tebigatyň özem serhoş, maňa serhoş diyme läläm..." Şu Öwezgeldi aganyň kasetasyny 2 aýdan bäri diňleýän. Arman batareyka çydadanok, ertir täze batareýka gelse hez edip diňlärin ýene... Nauşnigem öňkimden gowy ses çykarýar. Öňki nauşnigim eşekden duşjek diýip gaňňa ildirip üzdiripdim. Soň oba baranymda goňşynyň sone eriçssonmy teliniň bozulan nauşnigini beripdi. Şony çatypdym, bir birine degip aýtman galmasyn diýip gowy edip paket bilen oradym. Daşyna sapagam oradym, entägä aýdýar.
Bu gun men ýeke. Şärigim oba gitdi iýer-içere produkta getirmäne. Erte gelmeli... Täze tamdyr çöregi geler, wah...
Goýunlary otlyja ýerde sakladym, eşegide duşaklap goýberdim . Indi gunortanlyga çenli bir sazak duýbunde ýaplanaýyn...
Kakam beren "montana" sagadyna seretdim, 12:38. Ot ýakyp kartoşkany bişirýänçäm 1 bolar. Ot ýakyp, köz bolaryna garaşdym. Oturşyma pikire batypdyryn: Men bu dünýäde näme üçin ýaşaýan??? Geň sorag, bu soraga özümden başga hiç kim jogap berip bilmez. Ýöne kyn ýeri şu soraga özümem jogap tapyp bilemok.
Aýjerenem menden dändi. Magsadyň menden nämesi artykka, ol meni taşlap oňa barar ýaly. Jorasynyň sözüne ynanmandym, duşuşyp duranyny gözüm bilen görüp soň biwepalyk mesgeninde öý guranyma düşündim. Haý sizemä, kimiň jubisi galyň bolsa şoňa süýkenýäňizdä... Magsat indi Turkiyada okayar. Ol erte geljegi bar, işe girer, derejesi göteriler, maşynly bolar... A men... Men boljagym boldy indi şol çopançylyk bilen öterin...
Ýok beýle däl, men olaryň ýetip bilmedik bagtyna ýeterin. Allam her adamy öz jübüdi bilen ýaradan, maňada kimdir gyzyny berer-äää...
Pikir edip otyrşyma ot ýanyp gutaranynyda duýmandyryn. Kartoşkalary köze gömdum...
Goýunlar garnyny doýuran bolmaly köpüsi eýýäm bagryny ýere berişip ýatyrlar. Bu gün irden gaýtmak isledim. Goýunlary gaýtardymda goşa dolandym.
Bu gün ýene nahar bişirmäge elim barmady. Çörek bilen ýalaňaç süýji iýip ýataýmak pikri geldi. Garnymy doýuryp ýene suw goýdum. Naran şampun gutyň düýbinde bir kelle ýuwarlyk şampun galypdyr. Ýuwunyp süpürindimde kellä goýup ýatýan çäkmenimiň aşagyndan baýram kremini aldym. El-ýüzüme kremi çalyp ýerime geçdim.
Alla tagala bu gunki beren asuda gününe şükür aýdyp uka gitmek üçin gözlerimi ýumdum.
RuDe_boy 13.04.2012
Arhiwiň ýagdaýy
● Doly tekst
● 36/36 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 9 maý 2012 ý. · Asyl sahypany gör ↗
Teswirler 36
Bu oýlanma näme hakdadygyna düşünendirsiňiz. Kän agzalarymyz şeýle başlaýar: Asuda London (ýada Kanada, Istambul, Indoneziya)köçesinden gidip barýan. Iphoneni alyp sennheiser nauşnigini gulaga dakdym. Palan aýdym (meselem: Rihanna, Jay-Z, Mohombi) aýdyp dur. Aýagymda palan firma keta, egnimde palan..... Garaz şol oýlanmalaryň masgara görnüşi bu meniň ýazanym!
gownum yetday, sagja bol awtor. Maladis 😆 😆
Respect arman men Täji agan sûrisine goshupdym da goýunlarmy bolmasa menem sho towereklerde bolmalydymda 😆
Respect arman men Täji agan sûrisine goshupdym da goýunlarmy bolmasa menem sho towereklerde bolmalydymda 😆
Dost sho alan naran shampun gutormadymaý ? Baýram kremini ýakynda alypdyn öýtýän?
ooooooy naushniklije chopan)))
goz ongune getirmek kynrak, ertir.coma giryan chopanlar geljekdede kop bolsun
Rude gowja yazypsyn. Haladym gaty gowy bolupdyr.
Aý indi kassete playerem çopana dogry gelerä. Aýdyp bilerdim ipod diýip gelişmezdidä.
munyñ goriplik bolyamy indi?
dost men munynda masgara gornush gormedim. adaty bir copanyn gechiryan guni. a yone sen name u.n masgara gornushi diyip yazypsyn. diyjek bolyan zadyny acygrak diyay. yogsa her kim her durli pikir eder
Nätdiňaý Fernando... Göriplik edýän adamada meňzeýän öýdýän. Ynam bilen soradyň. Bul ýöne prikol hemde täze stil. Göriplik eden adam bärde saýtda oturman gijelerine şol iphonelije oglanlary pyçaklap, ýada gorkuzyp, urup iphonesini alyp yzyndanam reşotka girerdi...
Aý bolýala özüňizçe düşüniberiň. Esasy meni tanaýan dostlaryma prikol bu.
men diñe sorag berdim...
Mena haladym, gaty gowy bolupdyr Rude, tuweleme
haladym dostjan paylashanyn ucin sagbol
He-he... Gaty gördüñizmi?
Halamadyma yagdyrypsyñyz. Yokarda yazdyma meni dushunyän dostlaryma diyip. Siz dördiñize yada Fernando kakdyryp yazmadym. Umumy degishli. 🙂
Gowy tarapam bar...
😆
tüweleme.men haladym.birinji teswire go$ulýan!
Gowy yazypsyň, şäheriň dört diwarlarynyň içinde otyran çagym, şeýle asuda, arassa we sada tebigatymyzy we durmuşy ýatladanyň üçin köp sagbol.
çöle gidesim geldi...ýalañaç süýjiñ nämaý? 😆
Wiii... Ol tegelek ya suyrije gyzyl, gök sary suyjiler barda yashlyk döwrümiz, arzan elyeterli bahadan... Shol süyji. 🙂