Bir bulgur süýdüň HAKY

      Howard ýeter-ýetmez maşgalanyň çagasydy, okuw çykdaýjylaryny tölemek üçin gapy-gapy aýlanyp, ownuk-uşak zatlary satýardy. Şol gün hiç zat satyp bilmänsoň, onuň garny gaty açdy. Ol indiki kakjak gapysyndan garbanar ýaly bir zatlary haýyş etmegi ýüregine düwdi. Öýüň gapysyny açan ýaş gelni görende welin utandy. Iýer ýaly bir zatlar soramaga derek, diňe: "Bagyşlaň, bir bulgur suw berip bilersiňizmi?" diýip bilipdir. Ol zenan oglanjygyň aç bolmagynyň ahmaldygy hakynda oýlandy we uly bulgurda süýt getirdi. Oglanjyk süýdi ýuwaş-ýuwaşdan, howlukman içenden soňra: "Size minnetdarlygymyň çagi ýok, näçe bermeli?" diýip, ýaş aýalal ýüzlendi. Aýal: "Siziň maňa bergiňiz ýok!" diýip mähirli ýylgyryp, sözüni dowam etdi: "Ejem, bize eden ýagşylygymyzyň jogabyna garaşmaly däldigimizi öwretdi".Oglanjyk: "Kop sag boluň, Size tüýs ýüregimdenminnetdarlyk bildirýärin" diýdi. Howard öýüň öňünden daşlaşyp ugranda, özünidiňe beden taýdan däl, eýsem ruhy taýdan hem güýçli duýýardy. 
     Birnäçe ýyldan soň ýaňky zenan örän seýrek duş gelýän kesele sataşdy. Lukmanlar eýgermänsoň aýalyň hassalygy bilen baglanyşykly barlaglary geçirmek üçin, ony merkeze ugratdylar. Professor Howard Kelly barlag geçirmek üçin getirilen hassanyň haýsy obadan gelenini eşidende tolgundy. Ýüzüne ýygyrt düşen hem bolsa, özüne mähir bilen bakan aýaly ilki görenden tanady. Onuň janyny halas etmek üçin bolsa, elinden gelen kömegi etdi. Uzak dowan eden bejergiden soňra, hassa sagaldy. 
     Lukman iş otagynda hassanyň bejergi töleglerini gözden geçirdi we ýüzüne nämedir bir zatlar ýazylan kagyzjygy töleg kagyzynyň ýanyna birikdirip, bukja saldy. Ony hassanyň ýatan otagyna iberdi. Bukjany eline alan aýalyň elleri titreýärdi, açmaga gorkýardy. Ol hassahana töleglerini asla töläp bilmejegini we galan ömrüne şu tölegi tölemek üçin işlemeli boljakdygyny çaklaýardy. Ol ahysoňy bukjany açdy we töleg kagyzyna birikdirilen kiçijik kagyzy okady. 
     Kagyzda ýeşle ýazgy bardy: "Hassahana tölegleri mundan ençeme ýyl ozal bir bulgur süýt bilen hasaplaşylandyr".  

"Nesil" gazeti