Näşükir aýal.

Gijesi bilen uklaman, göwni çökgun halda geçdi. "Belki wraç ýalňyşandyr?!" - diýip oýlady. Ýerinden turup stol ustindäki gijesi bilen birnäçe gezek okan kagyzyna göz gezdirdi. "Ýok, ýalňyşmandyr. Özümi-özüm köşeşdirenimden ne peýda... Şu ikisini ulaltýançam ne-ne azablary gördim, indi üçünjisi dogulýarmy? Indi adama meňzäp ýaşaryn diýipdim..."

Aşhana baryp ertirlik taýýarlady. Şo ýerden durup ärini çaýa çagyrdy.
Äri oturan ýerinde ukysyrap, ýakar-ýakmaz ertirlik edinip otyrdy. Bir wagtdan murreýip oturan aýalyna gözi duşdi:
 - Parahatçylykmy?
 - Howwa parahatçylyk! Tiziräk iýip-iç, bu oturyşyňda işiňe gijä galmarsyňmy?!
 - Bu otyryşyňa-a parahatçylyga meňzänok!
 - Hmmm... (azyrak saklanyp pikir etdi, aýtmasa bolmaz, barybir aýtmaly) - Şu diýsem men ýene göwreli.
 - Çynyňmy? - begeneninden äriniň gözleri elek-çelek boldy. Juda gowy... Çaga oýnatmanyda küýsäpdim özi.
 - Sen çaga bilen oýnamany aýtýaň, men ony nädip ulalytmak hakda gaýgy edýän. Iki çagany ulaltýan diýýänçäm bolarym boldy, gijelerine uklaman... Indi özume geldim diýende ýene gynalmagy islämok, aldyryp taşlatjak...
 - Näme??? Iki dunýädede rugsat bermen. Şu çagany bize Hudaý berdimi, onda janynam goý Hudaý alsyn! Ikisini nädip ulaldan bolsak üçünjisinäm şeýdip ulaldarys.
 - Ýogeeeý şeýlemi??? Saňa aýtmak aňsat, gijelerine uklaman, sallançak uýräp çykaňokda!
 - Kelläň ýerindemi? Men sallançak uýresem maşgalany kim bakar? Boldy men rugsat bermeýän muňa, gep gutardy, nokat.
Äri gahar edip ýerinden turdy. Içerik girip geýinip çykdy. Gapy agzyna baranda ol eýýäm birneme köşeşipdi:
 - Öýde ýeter-ýetmezçilik bar bolsa aýt, gaýdyşynyma getireýin!
 - Abort uçin pul taşlap git!
 - Bes et diýdimä... Agşam gurleşeris.
Äri çykyp gitdi.
Ol otyrdy-otyrdyda, aglasy geldi. "Rugsat bermezmiş. Hoo-oowwa, indi rugsat sorap otyrdym"
Şo wagt Ejesi alyp beren altyn bilezikleri ýadyna duşdi. "Ärim alyp bermedik olary, satanym bilenem yňk diýip bilmez" 
Ol kellesine gelen pikirden begendi. Özi eden kararyny derrew bitirmekçidi, agşama gurruň goýmakçy däldi. Çagalary ýatan otaga girdi. Iki ogly suýjije uklap ýatyrdy. "Olar oýanýança gaýdyp gelerin"

Birinji eden işi bilezikleri zergäre baryp pullamak boldy. Soň aýagyny eline layp keselhana ylgady.
Operatsiýa taýýarlaýan şepagat uýalaryny görup pikir etdi: "Ýa aldyrtmasammykam... E-ee, ýok..."
Onuň ýadyna azaply günleri ýadyna duşdi. Biraz wagtdan soň goýberilen narhozyň guýjine gözleri ýumuldy.

Näçe wagt ötenini bilenok. Gözlerini açanda özüni ysgynsyz duýdy.
 - Boldumy? - zordan sorady şepagat uyasyndan.
 - Howwa, boldy. Özuňize geleniňizden soň gidip bilersiňiz.
 - Men häzir gitmekçi
 - Ýogeý, ýene bir azajyk ýatyň.
 - Öýe barmasam bolmaýar jigim. Meni taksa mundirip goýberiň!
Çagalary oýanyp aç oturandyr, tiziräk barmaly. Ol özini erbet duýýar, başy aýlanýardy. Şepagat uýasynyň kömegi bilen köçä çykyp taksa otyrdy.
 - Näme boldy uýam, ýagdaýyňyz ýokmy? - sorady gepe çeper görunen suriji.
 - Ýok, indi ençeme gowulaşdym - eden işinden begenip ýylgyryp jogap berdi.
Menziline ýetdim diýende taksi durdy. Maşynlar geçip bilenokdy. 
 - Bagyşlaň, beýläk ýöräp biljek däl. Ýol probka. Barmaly ýeriňiz daşmy? - diýip sorady.
 - Ýakyn galdy, minnetdar, bu ýanyna pyýada bararyn. Pul uzadyp surujiden sorady: - Näme boldyka?
 - Bilmedim, megerem ýangyn bolandyr.
"Ýangyn" sözini eşidip ýuregi howsalandy. Ýöremänede ýagdaýy galmady. Huşyndan aýrylaýjak ýalydy. Maşynlaryň arasyndan ötip köçelerine aýlandyda uzakdan öýlerinden çykýan gara tutuni görüp çyňkyryp goýberdi. Ot öçürijiler ýangyny söndiripdirler, öýuniň gapdalynda "tiz kömek" maşynyda durdy.

Öýi ýanyna nädip ylgap gelenini özide duýman galdy. "Tomaşaçylar"yň arasyndan geçeninde, dogtorlar ustine ap-ak mata ýapylan iki sany kiçijek jesedi maşyna ýuklemäne göterip barýardylar.