12-nji aprel - täze türkmen elipbiýiniň döredilen günüdir! Siziň ähliňizi bu baýramçylyk bilen gutlaýan!!!
Şu gün, 12-nji aprel, türkmen diliniň elipbiýiniň döredilen günüdir. Türkmen diliniň täze elipbiýi garaşsyzlygymyzy gazananymyzdan kän wagt geçmänkä, 1993-nji ýylyň 12-nji aprelinde kabul edildi. Täze türkmen elipbiýi latyn elipbiýiniň esasynda düzülendir. Mundan ozal biz 1940-njy ýyldan bäri orslaryň elipbiýi bolan kirillisa elipbiýini ulanýardyk. Ondan öň bolsa, ýagny 1929-1940-njy ýyllar aralygynda, ýagny 11 ýyllap biz latyn elipbiýini ulanypdyk. (Muňa mysal edip, Aşgabat şäheriniň merkezinde ýerleşýän Lenin bagynda Lenin babanyň bir elini salgap duran heýkelini görkezse bolar. Siz häzirem şol heýkeliň ýanyna baryp, onuň nagyşly binýadynda şol döwürde ulanylan latyn elipbiýinde ýazylan ýazgylary görüp bilersiňiz. Leniniň heýkeli 1927-nji ýylda açylypdy). 1929-njy ýyldan öň bolsa türkmenler arap elipbiýini ulanýardylar. (Belki-de, pars elipbiýi hem bolup biler, emma men arap elipbiýi diýip eşidipdim).
Käbir adamlar 1993-nji ýylda täze türkmen elipbiýine geçenimizde latyn elipbiýini kabul edenimiz üçin närazy boldular. Sebäbi, olaryň pikiriçe biz kiril elipbiýinden daşlaşmaly däldik. Olar ähli ylym ojaklarynyň kitaplary kiril elipbiýinde ýazylan diýip tassyklaýardylar. Emma, men welin, beýle pikir edemok. Sebäbi täze türkmen elipbiýine geçip, latyn elipbiýini kabul etmegimiz bize iňlis, nemes, fransuz, ispan, italýan, portugal we ýene-de birnäçe Ýewropa we Amerika materiklerinde geplenýän dilleri aňsatlyk bilen öwrenmegimize uly ýardam etdi. Hatda doganlyk türk halkynyň elipbiýi hem latyn elipbiýindedi. Bu bolsa, biziň ozalky SSSR-den ymykly ara açandygymyzy aňladýardy. Bu bolsa, düşünen adam üçin, bahasyna ýetip bolmajak baýlykdyr.
Siziň üçin türkmen kirillisasy gowumy ýa täze türkmen latyn elipbiýi?
Täze türkmen latyn elipbiýi!!!(95%, 40 adam)
Orsdan galan kirillisa elipbiýi!!!(4%, 2 adam)
Arhiwiň ýagdaýy
● Doly tekst
● 62/62 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 7 maý 2012 ý. · Asyl sahypany gör ↗
Teswirler 62
Hany, indi yzyny siz dowam ediň!
howwa. dogry. aydanlaryn bn ylalashyan.sag bol.
oruslankydanam harp bormay ozumizinki gowy
häzirki türkmen latyn elipbiýi gowy.bilemok yashullar rus elipbiyini gowy goryan bolmagy ahmal
sagbol teman üçin!
Dünya boyunça komputerlere türkmen elipbiysi barmyka.
Gutlayan
Dogry, wagtynda närza bolýan ýaşulyrak adamlar bardy elipbiý çalyşýandygy üçin. Ýöne öňki ýaşuly şuňa meňzeş zatlara adamlaryň uly üns bermegine sebäp bolupdy. Diňe elipbiýi däl, millileşdirip boljak hemme zady millileşdirmek barada hereket bardy. Bir döwür edara işgärlerinden türkmen dilini hökman bilmekligi talap edilýärdi öýdýän. Ýöne şol döwüriň hiç zada düşünmeýän çagalary indi uly adamlar boldular, şol döwrüň närazy ýaşulylarynyň köpüsi hem dünýäden gaýtdylar. Netije maňa-da ýaraýar, ýöne bu ses berlişigiň wagty bir iki müçe geçen bolaýmasa.
bizin turkmen dilimiz betlay
Siziň pikiriňizçe, men ses berilşigi nähili gurnamaly ekenim?
Türkmen dili gaty çylşyrmlymyka diyân... Hazirki wagtda arassa turkmen dilinde gürleyan az-azmyka diyan...
Ene dilim
Hallaryń neneńsi,
Taplaryń niçik
Eziz ene dilim, mähriban dilim?
Gel, söhbet edeli açykdan-açyk,
Eziz ene dilim, mâhriban dilim .
****
Ÿüz müñ öwüşginden öwürlen desse,
Şahyra-şygyr sen, gürrüñçä- kyssa,
Ak säheriñ nury ÿaly arassa-
Eziz ene dilim, mähriban dilim.
****
Sen meniñ gazabym, sen meniñ näzim,
Ÿüregimden gaÿnap çykÿan owazym.
Babalardan miras galan ÿalñyzym-
Eziz ene dilim, mähriban dilim.
****
Halaldan halal süÿt emeniñ dili,
Eÿ, ynsabyñ dili, ynamyñ dili,
Uzalmasyn saña ÿamanyñ dili,
Eziz ene dilim, mähriban dilim.
****
Dañyñ çygy, säherleriñ süÿdi sen,
Sallançakda meÿmireden hüwdi sen,
Doñ kalby eredip bilÿän jady sen,
Eziz ene dilim, mähriban dilim.
****
Iñ agyr günlerde batamda oÿa,
Öz dilimde nalyş etdim Hudaÿa.
Seni zaÿalasak-özümiz zaÿa,
Eziz ene dilim, mähriban dilim.
****
Söÿÿän,söÿÿän diÿip dilime alman,
Harlansañ- aglaÿan, gülleseñ- gülÿän.
Ÿaşaweri hernä, saralman, solman,
Eziz ene dilim, mähriban dilim.
sagbol, sizem gutlayan, men 1-nji klasa gidemde taze elipbiyinden basladyk kitaplar bolman yaman kosenerdik
Bu biziň barypýatan ýaltalygymyzdan habar berýär.
Awtory kimkä?
Awtory: Berdinazar Hudaÿnazarow .
Hä! Ol Türkmenistanyň kasamyny ýazan adammy?
Gutlaýan.Türkmen elipbiýi dolulygyna1996-njy ýylyñ 1nji ýanwarynda kabul edildi(eger men yalnysmayan bolsam)
Ene dilim -eziz dilim zybanym,
gözümiñ garasy,agy bar sende...
Hawa öytyan 🙂 ( 100% bilyan dâldirin...)
Sawýer aga sagja bol. Hudaýnazarow kasamyñ awtorymy?