Böregiň taýýarlanyşy

Borek

Hamyry: Bir nahar çemçesi duz, bir ýumurtga, 500-800 gr un (adam sanyna laýyklykda üýtgäp bilýär) we suw

Eti: Adam sanyna ya-da hamyryňa göräräk möçberde et, yokarky ölçeg üçin 600-700 gr et ulanyldy. 2-3 sany sogan, duz we burç. Eti we sogany et maşyndan geçirmeli, duz we burç sepip, ýarym käsejik suw guýup garmaly.

Ilki bilen etini tayyarlasaňyz gowy bolar. Çünki böregiň hamyry biraz gatyja bolmaly. Eger hamyryny ilki taýýarlap, etini taýýarlaýançaňyz goýsaňyz ýumşar. Hamyryny taýýarlamak üçin ulurak bir jamyn düýbüne bir nahar çemçesi duz (türkmençilikde bir çöreklik duz hem diýilýär) guýmaly we bir kaseden sähel artygrak sowuk suw guýmaly. Suwy aýlap duzyny eretmeli we yumurtgany goşmaly. Yumurtgany hem suw bilen garyşdyryp, mylaýym suw goşmalyda, uny garyşdyrmaly. Bekje tutup hamyryny etmeli, mumkin boldugyndan gatyja bolmaly hamyry.

Hamyr we et doly taýyn bolanyndan soň, hamyry bölüşdirmek ýeňil bolar ýaly, kiçirak 4-5 bolege bolüşdirmeli. Her bolegini aýratynlykda ýaýanyňda, indikiler gatamaz ýaly üstüni ýeňilräjik mata bilen ýapmaly.

Ýaýanyňda hamyr mümkin boldugyça ýuka bolmaly. Ýeterli derejede ýaýylandan soň, isleg boýunça maýdajyk dörtburç boleklere bölüşdirmeli ýa-da stakany basyp, tegelek şekilde etmek isleseňiz ulanylyp biliner. 
Biraz sabyrly bolmaly, böregi taýýarlamak biraz maýdarak bolany üçin uzak wagty alyp biler.

Ähli börekler bükilenden soň olary üç görnüşde bişirip bolýar: ýönekeý suwda, çorbada ýa-da ýagda.
Suwda: Suwa bir ýa-da iki kubik gök-önümli bulýon atmaly we gaýnatmaly. Gaýnap duran suwa böregi atyp, takmynan 10-15 minut gaýnatmaly. Böregin taýýar bolmasy gaty uzak wagt alanok.

Çorbada: Sogan, bolgar burç, pomidor we kartoşkany maydajyk dograp gaýnatmaly. Tagamyna laýyk duz atmaly we böregi atyp 10-15 minut gaýnatmaly. (10-15 minut maksimum)

Yagda: Saajy yag bilen doldurmaly we gyzdyrmaly. Gyzyp duran yaga börekleri atyp, gowurmaly. Börekleri az-azdan atmaly, şonda hersi gowy bişer. Gyzaryberende çykarmaly we taýýar.

Hormatlamak bilen Ayjagaz we Bibijan 🙂 

Işdäňiz açyk bolsun!