Söýgi sistemasy 3

Şagyzy bir näçe wagtlap zenanistleriň galasynda bolansoň gitmäne karar berdi. Bu wagtyň içinde gowy dostlar edindi. Dostlary şagyzyna, gitmänkä “Saňa tokaýda ýeke ýolagçylyk etmek howpludyr, emma isleseň şu eşigi geýip bilersiň. Bu eşigi geýseň erkeklerden tapawudyň bilinmez. Saňa hiç kim degmez, azar bermez.” diýp zenanistleriň önümi bolan eşigi geýdirdiler. Şagyzy şeýlelik bilen ýoluna dowam etdi. Tokaýda üýtgeşik galalar, üýtgeşik adamlar bilen tanyş boldy. Emma içindäki söýgi arzuwyny dyndyryp bilmedi. Bu duýgyny gidermek üçin “söýgülisini” gözledi.

Bir gün ýolda görnüşde ýaş oglan ýöne gürrüňleri ak sakgally dädeleriňkä meňzeş, sözleri ýaşyndan uly birine gabat geldi. Onuň bilen söhbetdeş bolmak gaty gyzyklydy.
Ş: “Salam, eý oglan. blum”
O: ”Walam, eý gyz.”
Ş: “Ewwaý, meniň gyz ekenimi nirden bildiň?”
O: “Diňe gyzlar gürleşende dil çykaryp gülýär. We eý oglan diýp gürleşýär.”
Ş: “Bäh, bolýadaýt. Walam näme diýmek bolýar?”
O: “Salam näme bolsa, walam şonuň jogaby bolýar.”
Ş: “Görýän weli, gaty akylly görünýäň. Saňa bir sorag sorap bilerinmi?”
O: “Ylmyň başy sorag soramakdyr, soraber. Ýöne aşa gitme. Her zadyň aşasy başyňa beladyr.”
Ş: “Içimde bir duýgy bar, hiç gidenok. Özem ajygýan ýaly, şol birini, hiç tanamaýan birini küýseýän. Şol adamy garaşyp ýörkäm, şoldur öýdüp birine aldandym. Soň köp gözledim emma tapmadym. Bize berlen söze görä, men ony göremden tanamalymyş. Onda näme üçin aldandym?”
O: “Wah çagaa, seret körpe. Garaşýanyň, gözleýäniň ak atly şazadadyrda. Ýöne bu döwürde at münýän adam az. Maşyn münýälera. Ak Kamri lisiçkaly çyraçy birinä bilýän, isleseň ýerini salgy bereýin.”
Ş: “Ýokhow. O däldir. Men çyraçylary halamok. Meniň gözleýänim, hyýalymdaky şazada sada biri bolmaly.”
O: “Onda özüň bilýäň. Ýöne soragyňa gelsek. Ol seni aldan gara şazada, h@ker bolýar. Seniň çipiňe wirus bulaşdyryp özüni ak edip görkezendir. Soňam soňynda bir hatjagaz taşlap gitdi gerek? “
Ş: “Howwa, hut edil şeýle boldy. h@ker näme bolýar? ”
O: “Näresse. Bildima. Anyk h@kerdir. H@ker sistemany pozýan, bulaşdyrýanlar bolýar. Etika, estetika diýlen zatlary diňlänoklar. Adamlara zyýan ýetirýäler. Adamçylyklary pes da. Oň ýaly adamlardan daşrakda duraweri. Hat ugratsa açmagyn. Açyp okasaňam, gök bolup ýazylan ýerine eliňi degmesin. Degse göni sistemany bulaşdyrýar. Näçe gyzlar şeýdip aldandylar da. Hatyň owadanlygyna, sözleriň edebiýatyna gözleri gidip aldandylar. Bular söýgüsiz terbiýe alan, çagalykda söýgä doýmadyklar. Şol trawmalaryny nädip ýeňjegini bilmän şeýdýärler.”
Ş: “Bäh, onda men nädip olardan goranmaly? Öz şazadamy tanamak üçin näme etmeli?”
O: “Bu meselede men entäk ýaş bolýan. Sen gowusy ak niýetli h@kerleriň piri Zakirbege git. Şu ýoldan göni git. 1 hepdelik ýol. Bir şähere bararsyň. Şäheriň ady ALTyGaLa'dyr. 6 sany galasy bolmaly. Merkezdeki galada Zakirbeg otuýar. Goraýjylar almajak bolsa, ak sakally ýaş oglan ugratdy diý. Menden başgada beýle sakal ýok.”
Ş: “Bolýa onda. Sag boluň.”

Şeýdip şagyzy ýoluna dowam etdi...

Hökman biri bardyr diýen pikir nirden çykdaý wapşeto?
Dünýädeki adamlaryň sany 7 milliarda ýetýär. Belki şondan dünýäde edil hyýalymdaky ýaly biri hökman bardyr diýen pikir güýç alýandyr. Onça adamyň içinde biri bolaýmala diýp pikir edýändirler. Adam sany 7 müň bolsady, muňa ynanmak kyn bolardy elbetde. Ýada beýle dälmikä? Bilmedim absurd soragyň jogaby hem absurd bolýarda.