Bir gülälek näçe durýar???

Howa sowuk. Bahara meňzänok.
Ýigit bazara şaýlandy. Baýramda her gezekki ýaly bägul dälde gülälek satyp almagy ýuregine duwdi. Bazaryň başlanan ýerinde bedrä salynan owadan gülälekler durdy. Ýigit bedräň ýanyna ýakyn baryp:
 - Eýesi kim? - diýip sorady.
 - Häzir geler! - diýip, gapdalda süýt-gatyk satyp oturan mama jogap berdi.
Ýigidiň ýanynda ýene bir garry adam durdy. Ol garry ýigidiň unsini çekdi:
Egninde köne pasonda tikilen plaş bardy, hemme ýeri tikilib ýamalan eken. Jalbary hem köne ýöne gowy edip utuklenen, aýakgaby gowy edip ýaglanan bolsada köp ýyl hyzmat edeni bildirip dur. Garrynyň ýuzini ýygyrtyk basan, ýöne gözlerinde  haýalylyk görunýärdi. Biçäre sowukdan gögerip giden, şondada gul satyjynyň gelerine garaşyp durdy. 
Ýigidiň garra rehmi geldi. Gowy synlap durup onuň alkaş, bomuj däldigine, ýaşaýyşda kän kynçylyk görenine, garyplygyndan çekinýändigine göz ýetirdi...
Gul satýan aýal bedräniň ýanyna geldi. Ýigit bir ädim öňe ýördi, utana-utana garryda bedre tarapa ädim taşlady:
 - Gyzym, bir sany gülälek näçe durýar?
 - Ýok bol bu ýerden ýaramaz garry. Näme dilegçilik etmäne geldiňmi? Siziň derdiňizden ýaňa bazarda durar ýaly bolmady - gygyrdy gülçi aýal.
 - Maňa bir sany gül gerek, näçe durýar?
 - Bir sany??? Indi sen bilen maýdalaşyp oturmagyma wagtym ýok. Güm bol!
 - Sen gülüň näçe durýanyny aýt gygyrman - diýdi garry ýuwaşlyk bilen.
 - 500 manat.
Garry jubusinden 400 manat pul çykardy:
 - Mende 400 manat bar, belki 400 manada berersiň - sorady garry çekinip.
Ýigit garrynyň gözlerinde şu wagta çenli erkek gözunde görmedik gaýgyny, derdi, utanjaňlyk-çekinjeňligi gördi.
 - Häzir! - gulçi aýal masgara edýän ýaly tyrjaýyp bedre içinden bili döwulen gülälegi berdi. Garry güli dik tutdy ýöne duranok. Deň ýarymyndan şahajygy döňwulen gülälek gyşaryp durdy. 
 - Maňa seret, edýäniň näme? - ýigit özuni duşbije edip görkezsede bu ýagdaýa çydap durup bilmän gülçi aýala  gygyrdy. Haýbatlanyp duran gulçi aýal birden ejizlenip mysapyra dönen ýaly boldy.
 - Garaşyň... Duruň!!! - ýigit ugramana şaýlanan garrynyň ýeňinden çekdi: Eý akmak heleý, satýan gülüň hemmesi näçe durýar?
 - Aaaa... mmm...
 - Näme lal açdyňmy jogap ber. Durşuna näçe bolýar?
 - 30 muň bolsa gerek - aýal sandyraýan bedenini gizlän bolup jogap berdi. Ýigit jubisinden üç sany on muňligi aýalyň aýagyna zyňdy. Bedredäki gülleri alyp garra uzatdy. Garry bu hoşamatlygy kelle çaýkap garşylygyny bildirdi. Gözlerinden ýaşyny gizläp bilmedi. Ýigidiňem gözlerinden gahary bilen goşulyp ýaşy görundi. 
 - Ýöruň - diýip ýigit bir elinde gül, bir eli bilen garrynyň elinden tutup shirinlik satylyp duran hatara bardy. Bir sany tort satyn alyp garra uzatdy:
 -  Ýaşuly, men pulum bar, 30 müň jubime agyrlyk edenok. Siz bolsa döwülen gülüňiz bilen aýalyňyzyň ýanyna barsaňyz gelişmez,  bu gun baýrama!!! Ine bu gülleri, torty alyp baryň. Aýalyňyzy meniň adymdanam gutlaň!
Garryň gözlerinden ýaşlar akdy, akan ýaşlar ýuzini ýuwdy, dodagy titredi. Ýigit muňa çydap durup bilmedi. Ol elindäkilerini garra berip, gözuni ýeňi bilen artdyda, tiz-tiz gadam taşlap ugrady. Barşyna yzyndan garrynyň ahmyrly ses bilen aýdan sözlerini eşitdi:
  - Biz... 50 ýyldan bäri bile. Ol keselledi... Bu gun sowgat beresim geldi...