Hem kömek hem sogap!

Salam hormatly hormatlylar! Jan-saglyk ýerindemi? Bilşiňiz ýaly bu aý Pygamberimiz Muhammet Mustafa (sallalahu aleýhi we sellem) 'nyň doglan aýy. Mübärek aýlardan. Aýyň soňuna çenli men Pygameberimize (s.a.w.) 150000 salawat getirmeli. Belki hemmesini ýerine ýetirip bilmerin gorkusy bilen bu salawatlary paýlaşmak isleýärin. Kim Näçe salawat aljak bolsa haýyş ýazsyn! Ýöne hökmän ýerine ýetirmek şerti bilen. Bilmeýänler üçin gysgaça salawat: Allahümme salli ala seýýidina Muhammed.
Şu aşakdaky hadys bolsa sizi salawat getirmek üçin joşdurarmyka diýýän:

Allanyň Resuly (s.a.w.) şeýle diýdi: Bir gün maňa Allatagalanyň dört beýik perişdeleri Jebraýyl, Mikaýyl, Ysrafyl we Ezraýyl (Aleýhissalam) geldiler. 
Jebraýyl (a.s.) maňa şeýle diýdi: "Ýa Resulallah! Seniň ymmatyňdan biri saňa günde 10 gezek salawat okasa ertir kyýamat gününde men onuň elinden tutup, syraty guşlar ýaly geçirerin."
Mikaýyl (a.s.) diýdi: "Men o gula köwser howzundan gana gana içirerin."
Ysrafyl (a.s.) diýdi: "Ýa Resulallah! O guluň bagyşlanmasy üçin başymy seždä goýaryn. Tä Allataga o guly bagyşlaýança başymy seždeden aýyrmaryn."
 Ezraýyl (a.s.) diýdi: "Ýa Resulallah! Saňa günde 10 salawat edeniň ruhuny Pygamberleriň ruhuny alyşym ýaly alaryn" diýdiler.
Mundan soň Pygamberimiz (s.a.w.): "Bu nähili enaýylyk eý Rebbim! Bu nähili Rehimldarlyk eý Allam" diýdiler.
P.C. Kim alan bolsa Apreliň soňuna çenli hökmän ýerine ýetirmegi ýatdan çykarmasyn. 
Alla hemmämizden razy bolsun! Amin!