HTTU FK (Asgabat ş., Turkmenistan) (FUTBOL)

Hormatly Prezidentimiziň “Türkmenistan – ruhubelentligiň wesagdynlygyň ýurdy” atly şygary esasynda her bir edara, her bir okuw jaýy ýokardaky aýdylanlardan ugur alyp, sport ulgamynda täze-täze ösüşlere mynasyp bolýarlar.

Ýokary okuw mekdeplerinde Halkara türkmen-türk

uniwersiteti hem sport görnüşlerine köp üns berýän okuw jaýydyr. Uniwersitetiň futbol topary futbol söýüjileriň arasynda giňden tanalýandyr. Bu futbol topary 2003-nji ýylda döredildi. HTTU futbol topary çempionata gatnaşan ilkinji ýylynda 5-nji orny eýeledi (2005 ý.) Şondan soň HTTU futbol topary birnäçe üstünliklere eýe bolmagy başardy. Türkmenistanyň futbol boýunça Milli çempionatynyň üç gezek çempiony (2005, 2006, 2009 ý.ý.) hem-de uc gezek kümüş baýragynyň eýesi boldy (2007, 2008 ý.ý.) Türkmenistanyň Milli çempionatynda HTTU futbol toparynyň kapitany Berdi Şamyradow alty gezek (2004, 2005, 2007, 2008, 2009, 2010 ý.ý.) çempionatda iň köp pökgi geçiren oýunçy bolmaklyk bilen özboluşly rekord goýdy.

HTTU futbol topary Türkmenistanyň Kubogyny almak ugrundaky ýaryşynda dort gezek finala çykyp, uc gezek Kubogy eýelemegi başardy (2006, 2009, 2011 y.y. )Türkmenistanyň futbol çempionatynyň taryhynda 2005-nji yylda ilkinji gezek geçirilen “Naýbaşy” kubogynada mynasyp boldy. (HTTU-Merw 4-1)

2009-njy ýylda bu üstünligi gaýtalamagy başardy. (HTTU-Altyn Asyr 3-0). Türkmenistanyň Prezidentiniň Kubogyny almak ugrundaky halkara ýaryşynda dört gezek finala çykyp, bassyr üç ýyl (2007, 2008, 2009 ý.ý.) bu kubogyň eýesi boldy. HTTU futbol topary iki ýyl yzly-yzlyna (2006, 2007 ý.ý.) “AFK-nyň Kubogy” ýaryşyna gatnaşdy. Şonuň ýaly-da birnaçe gezek GDA ýurtlarynyň Arkalaşygynyň Kubogyny almak ugrundaky halkara ýaryşyna gatnaşyp, 2010-njy ýylda ýarym finalyna çykyp 2001-nji ýylda “Köpetdag” futbol toparynyň gazanan üstünligini gaýtalamagy başardy. Mundan başga-da Mýanmar döwletinde geçirilen “AFK-nyň Prezident Kubogy – 2010” atly ýaryşda

ýarym finalda oýnady.