Myşsalar hakynda umumy düşünje

Adam organizminiň hereket apparaty – süňkler, olaryň birleşmeleri we skelet kese zol-zol myşsalardyr. Adamyň bedeniniň yagdaýyny diňe myşsalar yütgedýär. Skelet myşsalaryň kömegi bilen beden dik ýagdaýda saklanýar süýşüp bilýär dem alyş we ýuwuduş hereketleri amala aşyrylýar. Skelet myşsalar agyz, döş, garyn we çapaklyk boşluklaryň döremegine gatnaşýarlar, olar içki organlaryň diwarlarynyň düzümine girýär.
Fiziki maşklar we zähmet myşsalaň ösmegine ýardam edýär.
Adam organizminde 400-600 myşsa bar.
Myşsa muskulus - organ hökmünde spesifiki formada, belli bir konstruksiýasy bar, diňe özüne mahsus bolan funksiýasy ýerine ýetirýär. Myşsalaň düzümine myşsa dokumasy, birleşdiriji (ýumşak we gaty) dokumasy, damarlar we nerwler girýär.
Her bir myşsada beden - venter, garynjyk- aktiw ýygyrlýan bölegi we uçlar - damar – tendo tapawutlandyrýarlar.
Muskulatura bilen birnäçe anatomiki döremeler baglydyr, olar myşsaň ýygrylmagyna ýardam hem yeňillik edýärler, şonuň üçin olara myşsalaryň kömekçi apparaty diýilýär (sinowial wlagalişe, sinowial halta, myşsalaryň bloky). Mysal üçin köp hereketi penje we daban süňklerde, fibroz kanallar emele gelýär, olaryň içinde damarlaryň sinowial wlagalişesi ýerleşýär vaginae synoviales tendinum. Wlagalişede aýratyn bir suwuklyk bar sinowiý, ol bolsa damarlaryň erkin hereketine ýardam edýär. Sinowial halta - sinowial suwuklydan doly haltajyklar - myşsalaryň köp hereketli ýagdaýynda sürtülmesini azaldýar.
Myşsa bloky trochlea muskularis - kitirdewük ortülen ternaw, onuň üsünden myşsa damary geçýär.
Fassiýa fascia - birleşdiriji dokuma plastinkasy. Fassiýa bir ýa-da birnäçe myşsaň gorag bardasy bolup durýar. Olar iki tüsli bolýar:
1. çuň f. Propria
2. ýüzleý f. Superficialis
Myşsalary formasy boýunça, olaryň funksiýalary boýunça, yerleşýän ýeri boýunça tapawutlandyrýarlar.
çeşme garagum zurn