Zeýkeş-aragatnaşyk ötüginiň gurluşygy 2015-nji ýylda tamamlanar.

Aşgabat şäheriniň häkimligi Ukrainanyň „Interbudmontaž“ gurluşyk assosiasýasy bilen Aşgabatda zeýkeş-aragatnaşyk ötüginiň gurluşyk işlerini tamamlamak boýunça goşmaça ylalaşyk baglaşdy. Taslamada gije-gündizde kuwwaty 300 müň kubmetr bolan lagym arassalaýjy desgalaryň, ýagyn suwlaryny akdyryjyny we beýleki desgalaryň gurluşygyny 2015-nji ýylyň oktýabr aýynda tamamlamak göz öňünde tutulýar.
Paýtagtyň lagym-aragatnaşyk ötügi we onuň bilen ugurdaş desgalar – çylşyrymly inženerçilik toplum bolmak bilen, ol şäheriň çäklerindäki ýerasty suwlaryň derejesini peseltmäge, akýan suwlary arassalaýjy desgalara gönükdirmäge niýetlenendir. Ýokary tehnologiki taýdan arassalanandan soňra bu suwlar Aşgabadyň töweregindäki baglary, seýilgähleri we gök zolaklary suwarmak üçin ulanylar.
www.turkmenistan.gov.tm