Gyzykly Gezelenç (ýa-da “G” harply hekaýa)

Garryçyrlaly Gurbandyr gelnejesi Gerek Garagumdaky garyndaşlarynyňka gezmäge gitmekçidiler. Gün günortana golaýlanynda gaýynenesi gelnine:

-Gyýw, gelin, Gün gijikmänkä gymyldaweriň! Gurbanyňam Garagumy gaty göresi gelipdir. Goşlaryňyzy galdyraýman gidip geliň. Gurbany gapdalyňdan gideräýme! Garagyn! Garagumlylaram geläýsinler!

Gerek gelneje:

-Gaýgylanmaň, gurgun galyň!

Gurbandyr gelnejesi goşlaryne göterip gitdiler. Gepiň gysgasy, gonaklar garyndaşlarynyňka golaýlaşanlarynda Geldini gördüler. Gurdan Geldä gygyrdy:

-Geldi, Geldi, gezmäge gelýäris, gelnejemem gapdalymda! Gaty goçalypsyň-la, gel-dä, garşyla-how!

Geldi garasa garryçyrlaly garyndaşlarydy. Gonaklara garşy gaýdyp görüşdi, goşlaryny göterip:

-Geliň-ä, geň göräýmeli! Gerek gelneje, gurgunçylymy? Garrylaram ganymatmy? Gurban, Görünýäň-ow, gelmel-ä!

Gurban:

-Göründigimiz geldigimizdir. Görkez-dä Garagumuň güläleklerini!

Geldi:

-Gyssanma, garagoljuk! Gapydan gireli-de garbanaly.

Geldiler gonaklary gowy garşyladylar.

Gaýnatmadyr gyzzyrmadan, gaýmakdan garbanýardylar. Geldi gözüniň gytagyndan garasa, Gurbanyň gaty gyssanýandygyny gördi-de:

- Gerek gelneje, guzulan guýunlary Garajanyň goşuna gowşurmaly. Gurbanyňam gumy gaty göresi gelýär, gidäýsin?! Gijämizi goşda geçirip, gün gijikmänkä geleris.

Gurbandyr Geldi goýun-guzylary gapdallap, goýun goşuna garşy gitdiler. Geldiniň güjügi gapdallaryndady.

Gün gaty gyzmanka goşa geldiler. Garaja gelenleri garşylady. Geldi getiren goýun-guzularyny, Gurban Garajanyň gapdalynda, goşda galdy. Goýun goşy, gumluk, Garajanyň gyzykly gürrüňleri Gurbana gaty geňdi.

Gijesini geçirip, Gün gabagyny galdyranda, Gurbandyr Geldi goýunlary giňişligine goýberdiler. Goýunlar-a giňişlige garbanýardylar. Gorbanam Garagumuň göm-gök giňişligindäki gülleri, gyzyl gülälekleri görüp geň galýardy. Guzujyklarddanam gözjagazy garajasyny goltuguna göterdi. Guzusy goltuklanan goýunam garbanmasyny goýup, Gurbanyň golaýyna geldi. Geldi goýnuň gabanýandygyny görensoň, Gurban goltugyndaky guzujygy goýderdi.

Gurban Goňurja gygyryp, gül-gülälekli giňişlige gitdi. Gurbanyň göwni göterilip, gygyrasy gelýärdi. Gyssanman göz gezdirdi. Geldem gapdalyna gelip, goluny galgadyp, gaýraky giňişlikdäki güýz günleri gyzarjak garpyzlaryň gämiklerini görkezdi. Geldi güne garady-da:

-Gurban, goýunlary gaýtar, gaty gijikmänkä gideli.

Gurban:

-Gaýdasym gelenok. Gijräk gidäýeli-de?!

Geldi:

Gyssanaly! Gerek gelneje-de garaşýandyr. Göresiň gelse, güýzde-de geläýersiň. Gyzaran garpyzlardan, gawunlardan gowy garbanarsyň.

Gurbandyr Geldi goýunlary Garaja gowşuryp, goşdan gelenlerinde, gelnejesi:

-Gurban, geldiňizmi? Gaty gowy. Göwniň göterlendigi gözjagazyňdanam görünýär. Gysymyňdaky gülälejikleri Gülnarjyga gowşurmakçymy? Gary gijä galmankak Garryçyrla gideli!

Gurban gözjagazyny galdyrman:

-Gelneje Gyssanmaýaly-la!

Gerek Gelneje:

-Goýaweri, Gurban, Garagumy goşa gün gördük. Güýzde-de gezmäge gelýaris. Garyndaşlar, gurgun galyň. Garaňka galman gideliň. Garryçyrla-da gün görnende gowşarys.

Garaz, Gurbandyr gelnejesi Garryçyrla geldiler. Gurban Garagumdan getiren gülälejiklerini gelnejesiniň gyzy Gülnarjyga gowşuryp. Garagumuň gözelliklerini görüp, Gurbanyň göwni göterilip, gözýetimi giňedi…