Türkmenistan finalda

Şu günler Nepalyň paýtagty Katmanduda dowam edýän AFK-nyň “Çagyryş” kubogy ugrundaky bäsleşikden şatlykly habar gelip gowuşdy.

Toparçalardaky duşuşyklary bir demde geç­megi başaran milli ýygyndymyz bäsleşigiň aýgytlaýjy duşuşygynda çykyş etmäge hu­kuk gazandy. Ýarym finalda Filippinleriň mil­li ýygyndysy bilen duşuşan milli ýygyndy­myz 2-1 hasabynda ýeňiş gazandy. Çekele­şikli geçen duşuşygyň 25-nji minutynda Fi­lippinleriň esasy hüjümçisi Fil Ýanghasban­dyň ilkinji bolup hasaby açandygyna gara­mazdan, soňlugy bilen oýnuň jylawyny doly derejede öz ellerine alan futbolçylarymyz ýeňiş getiren pökgileriň ikisini garşydaşyň derwezesine girizmegi başardylar. Ýygyndy­myzya ýeňiş getiren pökgileri hüjümçileri­miz Arslanmyrat Amanow (80) hem-de Gah­rymanberdi Çoňkaýew (86) öz atlaryna ýaz­dyrdylar.

Bu şatlykly habaryň yzysüresi gazetimiziň sport habarçysy Türkmenistanyň milli ýy­gyndysynyň baş tälimçisi Ýazguly Hojageldi­ýew bilen telefon arkaly söhbetdeşlik gura­dy. Söhbetdeşligiň dowamynda baş tälimçi­miz şeýle gürrüň berdi: “Ilkibaşda garşyda­şymyzyň taktikasyny öwrenmek üçin gora­ga köp üns berdik. Muňa garamazdan, bir­näçe amatly pursaty elden giderdik. Birinji ýarymda garşydaşymyz garşylyklaýyn hü­jümleriniň birini netijeli peýdalanmagy ba­şardy.

Başlangyjy 1-nji sahypada.

Şol sebäpli hem ikinji ýarymda esasy ünsü­mizi hüjüme gönükdirmek maksady bilen ätiýaçdaky hüjümçilerimiziň ikisini meýdan­ça goýberdik. Duşuşygyň ahyrynda biziň bu taktikamyz öz oňyn netijesini berip, futbol­çylarymyz oýnuň ykbalyny biziň peýdamyza çözen pökgüleri tora girizdiler. Şeýlelikde, bassyr ikinji gezek “Çagyryş” kubogynyň fi­nalynda çykyş etmäge hukuk gazandyk. Fi­nalda bolsa Palestinadan 2-0 hasabynda üs­tün çykan Demirgazyk Koreýa bilen duşuşa­rys. Ýadyňyzda bolsa biz 2010-njy ýylda-da bu ýaryşyň finalynda Demirgazyk Koreýa­nyň milli ýygyndysy bilen duşuşypdyk. Şol sebäpli-de olaryň oýny bize nätanyş däl. Ýe­ňiş gazanmak üçin tagallalarymyzy gaýgyr­marys”.

Ildeşlerimize 19-njy martda oýnaljak bu taryhy duşuşykda uly üstünlik arzuw edýäris!

“Çagyryş” kubogynyň ýeňijisiniň 2015-nji ýylda Awstraliýada geçiriljek Aziýa çempio­natynyň final bölegine gatnaşmaga hukuk gazanjakdygyny ýatladýarys.

Toparçadaky oýunlar barada

Palestina bilen deňme-deň (0-0) oýnan türk­men futbolçylary toparçadaky soňky duşu­şygynda ýer eýesi Nepaldan 3-0 hasabynda üstün çykmagy başardy. Ildeşlerimiziň doly artykmaçlygynda geçen oýnuň 7-nji minu­tynda Elman Tagaýew hasaby açdy. Soňra oýnuň 79-njy minutynda ýer eýeleriniň oýunçysy Biraj Maharjan ýalňyşlyk bilen to­py öz toruna girizdi. Bu goldan 10 minut soň Guwanç Hangeldiýew 3-nji pökgini ne­pallylaryň toruna girizip, duşuşyga soňky nokady goýdy. Şeýlelikde, 3 oýunda 7 oçko toplan Türkmenistanyň milli ýygyndysy to­parçada ilkinji orny alyp, ýarym finala çyk­magyň hötdesinden geldi.

Toparçalarda oýnalan duşuşyklaryň netijeleri:

“A” toparça: Türkmenistan-Maldiw adalary: 3-1, Palestina-Nepal: 2-0, Türkmenistan-Pa­lestina: 0-0, Nepal-Maldiw adalary: 1-0, Türkmenistan-Nepal: 3-0, Maldiw adalary-Palestina: 0-2.

“B” toparça: D.Koreýa-Filippinler: 2-0, Hin­distan-Täjigistan: 0-2, Täjigistan-D.Koreýa: 0-2, Filippinler-Hindistan: 2-0, D.Koreýa-Hindistan: 4-0, Filippinler- Täjigistan: 2-1.