Gezelenç: Mary - Baýramaly (trafik!!!)
Salawmaleýkim hormatly agzalar!
Köpden bäri Aşgabadyň daşyndaky şäherlere, obalara çykmandym. Garaz her ýyl şol bir Gyzylsuw diýäýmeseň, başga üýtgeşik bir baryp görýän ýerim ýok.
Ilki bilen bu blogda taryhy ýadygärlikler hakda aýdyp bermekçi däl. Ýagny olara aýlanmaga gynansak hem hiçhili el degmedi. Mary, Baýramala hem maşyndan düşüp aýlanan ýerim kän bir bolmady. Ýagny suratlaryň köpüsi hem maşynda düşürilendir. Ýöne käbir gyzykly eşiden zatlarym hemem suratlar bilen paýlaşaýyn diýdim.
Ilki bilen sagat 8-de Mara gonduk. Ondan soň Maryda belli bolan, "Şapak" kafemi restoranmy garaz şol ýerde ertirlik edineli diýdik. Ýalňyşmaýan bolsam geçenki gezek Ertirleriň/Teswirleriň duşuşygy hem şol ýerde geçirilipdi öýdýän. Restoranyň içini, hyzmat berişini, naharlaryny, bahalaryny haladym. Esasan köp kafelerde bolşy ýaly türk naharlar. Naharlary süýji. Söz ýok. Ýagny arsyz edilýän Merdemde bişirilýän naharlarça bar. Ýöne bahalar olaryňkydan 3 esse arzan diýsemem ýalňyşmaryn. Soňam ünsümi çeken zat, otyran ýeriňden ofisant çagyrylýan bir knopkajyk goýupdyrlar. Knopka asyl Hytaýdan gelipdir ýalňyşmasam. 🙂
Ondan soň, asyl gelmek maksadym bilen meşgul boldum. Ýagny Marydaky, Baýramalydaky Özen Bilim Merkezine programmany düzmek, ýerleşdirmek, bärdäki mugallymlara, administrasiýa azajyk düşündirmekdi. Bu işler azalandan soň, Baýramala gitdik. Mary-Baýramaly ýolyny bu gidişde ýatyp geçirdim. Şonuň üçin maňa başda 3-4 sagatlyk ýol ýaly geldi. Ýöne bir günde 3 gezek Baýramaly-Mary arasy gatnap bolýanyny görip ýalňyşanyma düşündim.
Baýramaly hakda bolsa, bärde hiçhili birýere aýlanyp görmedim. Ýagny ne restoranyny, ne başga zadyny gördim.
Umumy aýdaňda, üns beren zatlarym, iki ýerde hem täze swetoforlar ulanylypdyr. Ýagny hemme ýerde diýen ýaly täzesi gurulypdyr. Aşgabadyň heniz köp ýerlerinde täzeki swetoforlara geçip bilmeýändiklerini bilemsoň, bärde eýýäm ol basganjaklary geçipdirler.
Ikinji halan zadym, täze gurulýan duralgalary, ýagny ostonowkalaryň hemmesini telekeçilere beripdirler. Ýagny Aşgabatda podwoýskide ýa beýleki ýerlerde gurulan täze duralgalaryň hemmesinde gazet-jurnal satýan bolsalar, bärde şolaryň ählisi hususy. Ýagny birisi foto-studio edipdir, birisi komerçiski edipdir, birisi morožna satýar garaz ýaşaýjylar üçin gaty amatly bolupdyr. Aşgabatda hem şu systema geçmeklerini içimden isledim welin, meň islänim bilen mesele çözülmeýär.
Ýene-de bir aýratynlygy, olam her ýerde "Ätiýaşlandyryş şaýlary" diýen ýazgy. Ýagny bir köçäň ugrunda 400-500 metrden hökman bir maşyna degişli reklama, magazin ýa-da başga birzat görmek bolýar. Herkim maşynyň şaýyny satýan ýaly. Asyl hem ýaşaýyş jaýlaryň aşagy köpüsinde magazin. Aşgabatda başlap bärde filýallaryny açanlar hem kän. Kompýuter ugrunda. Täze Dünýä, Watan Kompýuter we ş.m magazinler hem kän. Garaz gysgaça aýdaňda telekeçilik gowy ösüpdir we has açyk. Aşgabatdaky telekeçileriňki ýaly ýa gowy bolsun, ýa bolmasyn diýen düşünje ýok. Bu diýmek, plan jaýynda ullakan reklama asyp maşyn ýagyny, beýleki şaýlary satýanlary görmek bolýar. Aşgabatda bolsa hökman ors bazaryň ýanynda aýratynja bir ofisjagaz gerekdir, işgärler gerekdir garaz bu işi kynlaşdyryp hiçzadyň hem başyny tutmazlar. Bärde bolsa beýle düşünje ýok, bulam gaty gowy.
Ýene-de bir eşiden zadym, näçe dogrylygyny bilemok, ýöne bir marly oglan daşoguzlylara 2 müň dollar üçin maşyn getirme ýolyny öwredipdir. Daşoguzly doganlar hem bu ýoly öwrenip, özleri maşyn getirip ugrapdyrlar. Şondan beýläk, uje 1 ýyl bäri Mara Daşoguzdan gelip maşyn alýan ýokmyşyn. Ol oglany hem il içinde halanoklar we herkim sögünip ýörmişin. Gysgaça aýdaňda Maryda 6500 dollarlyk maşyny, Daşoguzda 6000-e alsaň bolýan ekeni. Garaz maşyn satmakda Maryň konkurendi döräpdir. Taksistiň gürrüňinden.
Garaz täze gurulan zatlar hem azlyk edenok. Atçylyk toplum gurulypdyr, Baýramalyda hem häzir gurulyp otyr. Täze ýaşaýyş jaýlar gurulypdyr. Iň bärkisi köpüsiniň täze ýa-da köne jaýdygyny hem bilip bolanok. Ýagny köp jaýlaryň daş-keşbini hem timarlapdyrlar, "oňat" bolupdyr. Täze gurulýan ýaşaýyş jaýlar hem eşidişime görä 30 ýyllyk kredit şeklinde berilýär. Ýagny belli bir firmalar bilen şertnama baglaşyp öz ýeriňden täze jaý saldyryp puluny kredit bilen üzüp bilýän ekeniň. Bu hem gaty gowy bolupdyr. Ýagny boş ýeriň bolsa, köne plan jaýyň ýanyndan ullakan täze bir jaý saldyryp bilýäň, pulunam 30 ýyllap üzýäň. Kwartira arendalary 1mln, 2mln manat ekeni. Ýagny 3 komnat kwartiralary 3mln manada arkaýyn alsaň bolýar. Şäheriň merkezine ýa-da moda ýerlerine görä üýtgeýändir welin ortaça baha şol.
Gysgaça aýdaňda şular. Bu gezekde kän bir aýlanmak, has içgin gyzyklanmak nesip etmedi. Indiki gezekde has giňişleýin bir blog ýazaryn diýip umyt edýän. Aşagyna çenli okanyňyz üçin minnetdar.
Arhiwiň ýagdaýy
● Doly tekst
● 73/73 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 1 maý 2012 ý. · Asyl sahypany gör ↗
Teswirler 73
gowy suratlar. Hytaylylar kop oydyan maryda ishleyan.
fotigin gowy eken (:
osish ozgeris bar. onkiligem. gawy zat. suratlar gowja eken, tm'a gidesim geldi.
tuweleme 🙂)
bir iki teswir goshmakchy,
Gecen yyl tomus, awgust towerekleri, prezident Hojayusup Baba (Bayramalyda) gelipdi, shon on yany nace aylap Mary Bayramaly arasyndaky yollary, ws towerekleri onarypdylar. Kawagt sheyle sebapler bilen butin shaher tazelenyar.
Birem Mary sowda osen soz yok kawagt ozumem hayran galyan, asyl yonekey dowlet/hususy ishinde ishleyanler hem yanyndan kici/uly sowda hem edayeli diyip sowda giryaler. (asyl Marynyn adamlary ata-baba sowda edip gelen yalnyshmasam yupek yolyn tasirem barmyka diyyan).
Nahili programa gurdynyz?
kaspersky obnowlyat etdik 😆
oyun edyan, bu barada ginishleyin son bir yazaryn.
he he kasperskiy üçin mara gitmage gerek yoga😆bolya yazarsynda.
ONATDYRLAY menin MARYM 🙂👍
gayylardan dolylay
shol gayylar gelinalyjylardada kan gun berenok
bukulyp duranlaram bar
ay anarda cendenasha koplay
owadan yerler eken gidip gelen yaly boldum
olaram gazanc etmeli-a 😆
Maryma doneyin
masgaralay ol gayishniklerin bolup durshy
Senem maryda gayyişnik bolup gör olary yüzüne sylaymasan.
bolmaly etmesin. bolsamam beydip bukulyp adamyn hakyny iymezdim
😆😆
Baýramylynyň her garyşyny surata alypsyň. Maryň diňe airaport bilen Şapak arasyndaky käbir ýerleri alaýypsyň. Owadan astanowkalamyzyňam birje suratyny goýaýmaly-daaa
owadan astanowkan birinin surata bardy welin... ya ol Bayramala degishlimi
Enemlere-mamamlara gidip gelen yaly boldum 😊
Ekzamenlere chenli kanikul welin, gunde shu bloga girip durarynda. Kanikulda mamamlarda gezip geldim diymek uchin
😎
Oran onat suratlar bolupdyr
Marydan garyndaşlyk açaymaly boldy😆 Owadan yerler ekeni.👍
agajan gayylary kan surata alypsyn welin yygnap gidaymesinlerow 😆
sagja bol awtor baýramaly han barada goşaýyn garşy bolmasaň
Baýramaly han Marynyň hökümdary bolypdyr. Ol Maryda gajarlaryň agalaryny berkleşdirmek ugrunda görüşipdir. Salyr we saryk türkmenleri bilen hem belli bir derejede hyzmatdaşlyk edipdir. Baýramaly hanyň döwürinde Maryda ekrançylyk, hünärmentçilik we söwda ep-esli derejede ösüpdir. Şaýylar bilen sünnüleriň göreşleriniň ýitileşmegi netijesinde Baýramaly hanyň Buhara emirligi bilen aragatnaşyklygy ýaramazlaşypdyr. 1785-86 njy ýyllarda Şamyrat Welnamy Buharadan Mara iki sapar ýöriş edipdir. Ilkinli söweşde Baýramaly han(1785) wepat bolypdyr. Soňra onuň ogullary, garyndaşlary we Mary şäherinde ýaşaýan müňlerçe gajarlar Buhara sürülik äkidilipdir. Köne Maryny suw bilen üpjin edýän Soltanbent galasy sakçynyň dönüklik etmegi netijesinde weýran edilipdir. Şäher suwsyz galyp, ýurtda açlyk-gedaýçylyk başlapdyr.
Şamyrat öz ogly Din Nasyr begi Mara häkim edip belläpdir. Baýramaly han ölenden soň, Maryda gajarlaryň agalygy synyp başlapdyr we1807-nji ýylda tekeler gajarlaryň iň soňky bölegini Maşada göçüripdirler. Şondan soňra welaýat doly suratda türkmen taýpalarynyň eline geçipdir.
Baýramaly şäheriniň demirgazyk-günbataryndaky köne Marynyň galyndylarynyň bir bölegi hem Baýramaly han galasydyr. Baýramaly han galasy diýip atlandyrylsada, ol galany Baýramaly han saldyrmandyr. 15-nji asyrlaryň birinji ýarymynda Abdylla han galasy salynypdyr, ikinji ýarymda bolsa (Teýmirleriň döwürinde) Baýramaly han galasy salynypdyr hem-de bu iki gala utgaşypdyr, bilelikde bolsa Baýramaly han galasy diýip atlandyrlypdyr.
Türkmenistanyň ylymlar akademýasynyň
“ENSIKLOPEDIÝA” neşirýaty
Aşgabat -1992
wi bar eken. intipisläp seretmeseň görinenogam. Kemine köçedäkiler ondanam owadan. Şolary görern öýtdim.
Mekdeplere kompyuterler gelende ýörüte Ashgabatdan gelip düzip gitýäler. Antivirus Kasperskinem hakyky lissensiýasy satyn alyp
Banu siz Marydanmy?
Howwa. Hä?. (adminiň temasyny fludlamak nähili duýgyka 😆)
Yoldas kapitan (milise baslyk) indiki ay oylenmeli welin...
Entek doly sozuni jemlemanka kapitan:
-alay oglum, radar apisgede durandyr 😆
(degisme)
Bag gorse bukular, masyn gorse topular (matal) 😆
Hich, ýöne sheýle gyzyklandym! (floodlamak dälmyka diýýän, beren soragym azajygam bolsa Mara degishli. Shu temada Ýewropa futbolunuñ gürrüñini etsem ýada biri bn käýishsem onda bashga gep)
Paltaraski köchde täze gurlan 3 domuñ öñündäki astanowkañ täzelejek bolup könesini ýykdylar, ýarpy gurlushygy edilgi, 2 aý bärä sho durshulygyna dur.
Kemine köchesindäkileri barsyny täzelediler
shu Mara gitmek niyetim bardy, Agajan, senin goyan suratlaryndan son shu tomus nesip bolsa aylanjak. thanx🙂
Ýol Polisýasy :-)
tanys koceler, paylasanyn u/n sagbol
Gaydanyma 4 gün boldy bir barsan gaydasyn gelenok.Sagbol awtor gyzykly tema
men 2009 yylda bayramala barypdym toya aylanyp gorupdim
men 2009 yylda bayramala barypdym toya aylanyp gorupdim
men 2009 yylda bayramala barypdym toya aylanyp gorupdim
Wow sagbol agajan,oyumem jyklap galypdyr,baran yaly boldym!
Wow sagbol agajan,oyumem jyklap galypdyr,baran yaly boldym!
👍
Agajan, «yagny» sozuni aşa kop ulanypsynay 😆 yagny, garşa-garşa yagny bolup dur 😆
bu yerlere ishin dushup gitdinmi ya-da dineje gezelenc?
sorayanynyn sebabi Maryda bu yerlerden has gowy yerler bar gezmek ucin. 🙂
meselem: menin in gowy goren yerimin biri Murggapdy, Murgabyn tebigaty oran gowy eken. sho yerlerden jay alyp yashasym gelip gidipdi. 🙂
sorayanymyn*
👍👍👍
Bet
sagbol Agajan temana.Mary taraplarada aylanyp gormeli nesip bolsa.
Gozel marym sendn aylanayn edil gidip gelen yaly boldum awtor sagjabol
Берекелла Агажан! 3 йыл бари горемокдум Марыны, айланан ялы болайдым. Миннетдар.
Aylanayyn gowek ganymyn daman yerinden,Marym biz seninki sen bizinki, bu shirin janym gurban sana! Admin sagja bol !👏👍
Suratdaky EVKUR magazin menkidi agajan bazara cenli aylanypsyna, inni gelsen aylan hokman.
Suratdaky EVKUR magazin menkidi agajan bazara cenli aylanypsyna, inni gelsen aylan hokman.
mara barsañ öýe bar diýsene 😆
suratlar owadan
banu maryn ichinin suratlaram kop ekena,ichinde gezip yorsen hakykam kan bir bildirenok eken dashyndan suratdan seretsen has owadan yerlerem bar hemem gyzykly maglumatlar🙂yone kop yerlerine aylanmansyn yada suratlaryny goymansyn.garaz sag bol agajan oz obamy gordum LG magazinin yanlarynda yasayan menem yokarrakdaky surat🙂
gayylar hakykam gowy etyaler shol goyulan belliklerden gaty surmesen sana azar beryan yok,surmeli normadan sursen.indi maryda gije ichip munup gayyn ussunden surmek moda olaram kowalan bolya yetip bilmanem yzyna gaytyalar yetselerem 10gunki durjak pullaryny alyalar.garaz gije 11den son kan duryan yok saklasalaram yashulyrak bolaymasa kan gayy sylanybam barylanok🙂
yalan diyip minus goyjaklaram bardyr yone hemmesi etyandaldir arasynda chyrachylyk etyanleri🙂
Yene taze osuslere tarap one! Nesip bolsa sanlyja wagtdan Mary welayatymyz tanar yaly bolmayar.
yaltanman dusurdinmay shu suratlrary
Dost sagja bol suratlan uchin menem oz Maryma aylanyp gaydan yalak boldym Sheydip taze binalan suratlaryny goyup dursanyz biz uchin yagny dashary yurtlarda okayanlar uchin has gowy bolya 👍
birnäçe belläp geçmeli mesele bar
1. Daşoguzda maşyn arzanlanmyş diýdiň welin, çyn bolsa ýaman gowy bolardy... öýe geleli 3 gün boldy, häli maşyn satylyp duran ýer görmedim bärde... aý belki-de ýerini bilýän däldirin...
2. suratlaryň birinde eşek araba bar ekeni... duýgulandym... türkmenistanda eşek galan däldirem öýtdim... esasanam maryda eşek görmek has duýgulandyryjy...
3. mebel 3D diýýän ýeri bet!!! 😆
Sag bol Agajan, Mary nomer gözüme yssy görünýär🙂
Gowy bolupdyr. Agajan suratlaryňy ulanmaga alandyrn.
https://www.facebook.com/pages/G%C3%B6zel-Mary/123987819085
Sag bolun suratlarynyza,temanyza welaýatymy görüp ýûregim giñäp gitdi
sagja bol...entegem ertir.com dan umyt bardygyny görkezidn..yene bir gezek sag bol..
wahhh.aytmasana...
fotogralar cok guzel canim 🙂 ellerine saglik.
Maryda taze chaga dunya inen wagty doglush shahadatnamasyna ady, familyasi we wezipesi TELEKECHI diyip yazilyar yatmadan chykarman!!!