DÖWÜR ŞEÝLE DÖWÜR (Remix)

DÖWÜR ŞEÝLE DÖWÜR (Remix)
(Mekdep ýatlamalarymdan...)

I. Ýigit näme soltanmyň sen sotowoýyň beýle gymmat,
Her sepoçkaň berre guzy, sagat poçti bir bedew at,
Laptopjygyň bahasyna alyp boljak on iki sygyr.
- Iller alýar menem aljak, döwür şeýle döwür.

II. Dostjan näme perwaýsyz sen, artyklyk edýärmi dişiň?
Ýigrimä-de ýetmänsiň-ä, ýaňy bir on alty ýaşyň.
Iň bolmanda bir gün ýuwaý, berme dişe beýle jebir.
- Döwre görä ýuwmak gerek, döwür şeýle döwür.

III.A-how, abi, bu nä boluş! Ýeňsäň saçy iki gujak,
Yunus beyin kiçi ogluna sallaçagam ýasap boljak,
Aman abi göräýmänka derrew dellege ýüwür.
- Moda şeýle, moda uýýan, döwür moda döwür.

IV.Men-ä seni tanamadym, gözleriň örän nätanyş,
Göm-gök iki halka gidýär gözden aşak ýarty garyş,
Düýn bir razborkajyk boldy, ýumruk ýagdy gübür-gübür,
- Urup urlup durup galdyk, döwür agyr döwür.

V.Durla, Meredow gardaş, kagyzyňy atma kişiň aşagyna,
Boýun alaý bildirip dur, seredip gör daşlygyna,
Kopýa däldigi çyn bolsa, näme barka, için çöwür.
- Wah, jan hocam, gaýrat ýokdur, döwür şeýle döwür.

VI.Şahyr gardaş şygyrlaryň setir sany çykdy çenden,
Ýaryşlara katılımın azalýar-la günbe-günden,
Ýazýan zatlaň arasynda ne goşgy bar ne-de şygyr.
- Şygyr-pygyr ýatdan çykdy, döwür şeýle döwür.

VII.Omzy bilen bir hocany itip geçdi daýaw oglan,
Koridora sygaňokmy edep-tertip bilen oglan,
“Bir harp öwreden hocana gul bolnarmyş tutuş ömür.”
- Ol diýýäniň köne adat, döwür täze döwür.

VIII.Täze ýurduň aýnasynda bezenip dur Gurbanmyrat,
Koridorda abileriň haly serýär çekip azap,
Hany derrew toparlanda, haly serişmäge ýüwür.
- Belletmenden aýlanaýyn, döwür şeýle döwür.

IX.Kän otagly ýurt gurupsyň, Şahin hocam berekella!
Ýöne bu artyk dälmi 80 sany bezzat kellä?
Bular gadyr bilermikä, etseň et weli sen göwün.
- Bilmeselerem etmeli, döwür şeýle döwür.

X.TOYOTA’ly, ŽIGULI’li köp duşupdyň uly ýolda,
Bu gün bolsa girişimizde ýalpyldap dur ýaşyl BMW,
Bir başyňa, tüweleme, munça rul, munça tigir.
- Satman alýas, satman alýas, döwür şeýle döwür.

XI.Aman, näme howlugýarsyň, eradamy serrehbere?
Ýa-da müdir yrsaraýarmy bu gezegem ýersiz ýere,
Bäş-üç ýyldyr, bu-da geçer, saňa düşen etmek sabyr.
- Sabyr-takat tükenmänkä, döwür üýtgesinle döwür.

XII.Şahin hocam aýaklaryň kesildi-le gapymyzdan,
Ozallar-a tä ýatýançak el düşmezdi depämizden,
Siz gideli yatış ýokdur, bolupdyrys keçjal gyňyr,
- Ne yapayım, el degenok döwür şeýle döwür.

XIII.Apteçkamyz takrap ýatyr, doktorymyz uklap ýatyr,
Analginden başga derman haçan aljak sayın müdür,
Goşgy ýazyp, tankyt edip bizar etdiň wagyr-wagyr.
- Zat bermeseň zat berlenok, döwür şeýle döwür.

XIV.A-how, Nury, düýn dälmidi öz abiňe wepaň hakda,
Güp-güp edip gant deregne, ant içýärdiň tokga-tokga,
Indem programa gelmän, bahana ýagdyrýaň zagyr.
- Işim bitdi, andym ýitdi, döwür şeýle döwür.

XV.Alaýt, şahyr, bu goşgyň-a kaşa boldy garym gatym-gatym,
Ýary türkçe, ýarysy-da türkmençe-le ýazan hatyň,
Üýşmeleňde kempirlerem etmez munça gümür-ýamyr.
- Döwre görä düzmek gerek, döwür şeýle döwür.

(Ol günlerem geçip gitdi, hamala düýn ýaly. Wagt ýaman tiz geçýär adamlar...)