Kitap okamak üçin EPUB formaty we Gollanma Kitaphanasy

Şu mowzukda size EPUB formaty maslahat bereýin diýdim...EPUB formaty barada näme bilýäňiz? EPUB - bu iOS we Android dolandyryş ulgamy bar bolan ykjam telefonlar we planşetler üçin niýetlenen format diýip aýdylsa-da, ony şahsy kompýuterde ulanmak hem mümkin. Mysal üçin, iOS-da iBooks ýa-da Stanza ýaly, Android-de "Moon reader" ýa-da "Aldigo reader" ýaly "applicationlary" ulanyp EPUB formatly kitaplary okap bolsa, şahsy kompýuterlerde Adobe Digital Editions (mugt) ýaly programmanyň kömegi bilen okap bilersiňiz. (Adobe Digital Editions programmasyny Adobe kompaniýasynyň resmi saýtyndan alyp bilersiňiz).EPUB formatynda harpy ulaldyp kiçeltmek ýaly funksiýalar bardyr. Şeýle hem penjiräni "minimize" edeniňde harplar şol penjirä ýene-de dolupjyk durýar. Diýiljek bolýan zat, mysal üçin şu wagt PDF formatynda okalýan kitaby "minimize" etseňiz, onda ýa-ha sahypanyň bir bölejigi görner, ýa-da harplaryň ululygy kiçeler. EPUB-da bolsa sahypa dolulygyna görnüp, harpyň ululygy hem şol durşuna galýar. 

iBooks-da ine şeýleräk görnüş bolýar:

Gollanma Kitaphana: Bütin dünýäde ähli dillerde diýen ýaly islendik kitaby islendik formatda tapyp bolýan hem bolsa, biziň ene dilimiz türkmen dilinde kitap ýok diýen ýaly. Ine, ýaňy ýakynda Gollanma Kitaphanasyna iki sany çeper eseri 3 formatda (PDF, EPUB, JAR) ýerleşdirdik. Şu ýere basyp görüp bilersiňiz. Eger kim-de kim bize Kitaphanany baýlaşdyrmaga kömek etjek diýse, onda gollanma.com saýtynyň administrasiýasyna ýa-da şu ýerde maňa ýazyp bilersiňiz.

P.S. Kitaplary elektron görnüşe geçirmekde köp kömek edýän Sawyer (Ýusup Berdiýew) atly agzamyza minnetdarlyk bildirýäris.

Gollanma.com hakda pikiriňiz...

Haladym(78%, 18 adam)

Halamdym(0%, 0 adam)

Edilmeli iş kän(21%, 5 adam)

Nämä gerek şonuň ýaly saýtlar(0%, 0 adam)