Ata söýgüsi

 Goja öz ogly bilen eýwanda söhbet edip otyrka,
bir garga gelip, olaryň penjireleriniň öňüne gondy. Gözleri kütelişen goja
oglundan: "Bu näme?" diýip sorady. Ogly: "Garaga" diýip
jogap berdi. Birhaýukdan kakasy oglundan ikinji sapar: "Bu näme?"
diýip sorady. Ogly: "Kaka, men saňa ýaňja aýtdym ahyryn, ol- garga"
diýip, jogap berdi.

   Birhaýukdan soň goja ogluna ýene ýaňky
soragyny berdi. Ogly: "Bu garga, GARGA diýän" diýip, kakasyna nägile
jogap berdi

Az salymdan goja
şol bir soragyny dördünji ýola gaýtalady. "Kaka, näme üçin saňa ençeme
gezek garga diýip aýdanymdan soň, ýene şol bir soragygaýtalap dursyň?! diýip,
ogly atasyna gatyrgandy.

  Oglunyň bolşuna göwni ynjan goja sesini
çykarman, öz otagyna girdi-de, ogly dünýä inen gününden bäri ýöredip gelýän
gündeligini alyp çykdy. Oglunyň eline berip, gündeligi bir çetinden okamagy
haýyş etdi. Gündelikde şeýle ýazgylar bardy: " Bu gün guşluk wagty üç
ýaşly oglum bilen sekide oturkak, penjiräniň öňüne garga gondy. Oglum menden
bassyr ýigrimi üç gezek onuö nämedigni sorady. Men ogluma şonça sapar onuň
gargadygyny aýtdym. Ol maňa şol soragy ýigrimi üç gezek hem bolsa, men oňa her
saparda-da mähir bilen jogap berdim. Oglumy gujagyma alyp ogşadym. Men bu
jogaby ýüz gezek gaýtalamaly bolsam, ýadajak gümanym ýokdy"