Döwlet howpsuzlygymyz sorag astynda
Mundan öňki blogumda bitaraplykdan ýüz öwrüp biljegimiz barada pikirimi beýan edipdim. Käbir okaýjylar ýazanlaryma düşünmedi, käbirleri bolsa pikirimi biderek hasaplap gowy zatlary oýlamagy maslahat berdiler.
ABŞ goşunlary Owganystan çekilmäge taýýarlyk görýär. Nesip bolsa ýene iki ýyldan dolulygyna çekilerler. ABŞ Yrakdan çekiljekde regiona parahatçylyk geljek ýaly bolup görnüpdi. Ýöne tersine syýasy we dini polýuslaşma başlady. Demirgazykda Kürt awtonomiýasy yrakly türkmenleri hem içine aljak Kürdistan respublikasyny döretmäge synanyşýar. Günortada bolsa şaýy-sünni söweşleri bolýar.
Owganystandan çekilse regiona parahatçylyk gelermi? Ine şu ýerde gowy pikir etmek kynrak bolýar. Çünki talybanlar häzirlikçe kän hereketsiz görünse-de soňlugy bilen herekete geçmegi mümkin. Üstesine olar Özbegistandaky terroristik Yslam Hereketi bilen aragatnaşyk saklaýarlar. Ol hereketiň maksady bolsa Hazar we Hytaý arasynda Yslam Halyflygyny döretmek.
Şunlukda ABŞ aradan aýrylsa talybanlar Türkmenistana hem aralaşmak islärlermika diýip gorkýan. Şeýle bolsa ýurdumyza terrorizm howpy abanar. Hökümetimiz munuň öňüni almak islese Orsýetiň başlangyjyndaky Ýewraziýa birleşigine goşular. Netijede bitaraplykdan ýüz öwürmegimiz güýçli ähtimallyklardan biridir.
ABŞ BILEN DUŞUŞYKLAR
Geçen hepde bolsa howpsyzlyk maksatly birnäçe başlangyçlar boldy ýurdumyzda. Raşit Meredow Hillary Klinton we Obamanyň howpsuzlyk boýunça maslahatçysynyň kömekçisi bilen duşuşdy. Gepleşikleriň esasy temasy regionda döräp biljek terrorizme garşy göreşdi. Ýagny hökümetimiz 2014-den soňky bolup biljek wakalary çaklaýar we howpuň öňüni almana synanyşýar.
'Güýçli döwletler syýasatyny 50 ýyllyk plana görä ýöredýär' diýip meşhur bir şahsyýetiň sözi bardy. Owganystandan çekilýän ABŞ elbetde özüne peýdaly birzatlaryň planyny düzeni köplere mälim. Hökümetimiz şeýle planda ejir çekenleriň arasynda bolmak islemeýärler. Şol sebäplem Berdimuhamedow 'ABŞ-TÜRKMENISTAN SYÝASY ÝAKYNLAŞMASY' temaly täze maksatnama taýýarladypdy. Meredowuň sapary şu maksatnamanyň çäklerinde geçdi.
Görnüşe görä Türkmenistan 2014 soňunda Orsýet bilen däl-de ABŞ bilen hyzmatdaşlyk etmäne we bitaraplygy gorap saklamaga niýetli.
Meredow ABŞ-da esasy energiýa firmalary bilenem duşuşyklar geçirildi. Pikirimçe Meredow, nebit şereketlerine ýurdumyzda käbir hukuklary bermek arkaly ABŞ-da lobby hereketlerini amala aşyrmagyny gazanmana synanyşýar. Olara ýurtda paý berilse ABŞ-nyň syýasatynyň biziň zyýanymyza bolmazlygy üçin täsir edip bilerler.
Saparyň soňky gününde Aşgabatda Döwlet Howpsuzlyk Geňeşiniň Mejlisi geçirildi. Bolýan wakalar bir-biri bilen baglanşykly we ählisem howpsuzlyk maksatlydygy ünsden gaçmaly däl.
Beýleki bir tarapdan Eýran bilen hyzmatdaşlyk
Düýn, hökümetimiziň beýleki bir ýokary derejeli agzasy, Ministrler Kabinetimiziň baş sekretary Hojamuhummet Muhammedow bolsa Eýranyň prezidenti bilen duşuşdy. Täjigistanda bolan duşuşykda Ahmedinežad hyzmatdaşlygy ösdürmek üçin hiç bir zadyň päsgel bolmaly däldigini aýdypdyr. Şeýle hem Eýranyň Gürgen şäherine çekilýän demir-ýol ýylyň ahyryna tamamlanjak eken.
Haýsy polýusa ýakynlaşsak peýdaly bolar?
Orsýete, Ýewraziýa birleşigine goşulmaly(38%, 18 adam)
Amerika, Bitaraplygymyzy saklamaly(61%, 29 adam)
Arhiwiň ýagdaýy
● Doly tekst
● 71/71 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 1 maý 2012 ý. · Asyl sahypany gör ↗
Teswirler 71
<
blockquote>Garrincha:
mekdepde okan hukuk sapagynyz bilen bu tema
dushunerin diyseniz yalnyshyanyz gadyrdan agzalar,
beyle temalara dushunmek uchin konstitusiya ya
bolmasa kanunnama, hukuk sapagy beyle zatlary
dushundirme, munyn uchin derin siyaset bilmeli,
syyasaty bilyan adam beynisini biraz zorlasa ozi hem
dushunya derin siyasete! Ooooool turkmen kanallarda
dinlan biz bitarap yaly sozlere ynanman. Arkamyzda
BMG bar diyilse ona hem ynanman BMG komek edyar
yone her 50yylda bir gezek komek eder.
@nurcu, namow terrorizma garshy goreship bileris
diyyanmi shu esgerler bilen, bizde gulluga gidende
dembl bilen ofiser komandirlera gulluk edilyar,
awtomat atmany hem owretmeyar idilli! Terrorizma garshy
bey diymow dost beyleki milletlerin esgerlerinin bizden namesi uytgeshikmishin kalashniginem bombasynam bileris bashymyza dushse yone dushurmesin Allajan beydip ozumizi ozumiz kemsitmalinlay.
gowy yazyp bilmedim welin dushunersinizda.
goldayan. agam!
Kime janyny ynanjagyny bilenok.
name diyip otyrsynay..?ona-muna yakynlaşmakdan önürti halkyn bilen yakynlaşmaly...halka ynam bermeli.gorky bilen hiç yerde gidip bolmaz..islesen hemme yere yakynlaş...Amerikanlara wapşe bizi tananok..orslaram bizi gören yerinde sikjek bolup bahana gözleyaler(syyasylar name karak alandada muny dine halklar çözyar)..şonun üçin bilimli,intelligent,öndengörüji,üytgeşik ugurtapyjy pikirlenmage ykyply adamlarymyzyn köpelmegi üçin ylym-bilim ulgamynda ösmeli...ynha,şeyle bolan yagdayynda suw öz gitjek ugruny tapar,inşallah...
Hak aydyan
Awtor senden örän öňat fantastika kinolarynyň senaristi çykar. Aýdýan zatlaryň özüň ynanasyň gelen zatlardan ybarat. Aslynda bolsa beýle zat ýok. Ýazan zatlaryňda ýekeje ýeri ünsimi çekdi olam:
****Düýn, hökümetimiziň beýleki bir ýokary derejeli agzasy, Ministrler
Kabinetimiziň baş sekretary Hojamuhummet Muhammedow bolsa Eýranyň
prezidenti bilen duşuşdy.***
diýip ýazypsyň welin örän gödek ýalňyşdyň. Duşuşygy geçireniň ady BAYMYRAT HOJAMUHAMMEDOW bolaýmasyn ýene bir gezek gowja okap gör nirden alanam bolsaň habary.
Men dogrudan awtorun yazan temasyna pikirimi yazmakcy 'kop temada teswirler sona baka uytgap ugrayar' teswirleri okamadym
1 koprini gecincan 'eshege' dayi diy (shuna menzeshrakdi)
2 turkmenistanda hormatly prezidentimizden bashga rashid meredow edyan ishini bilyar we ishinde'de bet. men sho adama ynanyan
3 Amerikany hic halamok. haysy dowlete giripdirda o dowleti gorapdyr, asyl amerikadan goranmaly , russiya sygynmaly, somurgejilikde amerikadan has ynsaply 😉
4 we nesip bolsa aydanlaryn hic biram bolmas we bir gun geler biz hem 50-60 yillik planlar edip bashlarys we guycsuz dowletlet bize sygynar.
Men dogrudan awtorun yazan temasyna pikirimi yazmakcy 'kop temada teswirler sona baka uytgap ugrayar' teswirleri okamadym
1 koprini gecincan 'eshege' dayi diy (shuna menzeshrakdi)
2 turkmenistanda hormatly prezidentimizden bashga rashid meredow edyan ishini bilyar we ishinde'de bet. men sho adama ynanyan
3 Amerikany hic halamok. haysy dowlete giripdirda o dowleti gorapdyr, asyl amerikadan goranmaly , russiya sygynmaly, somurgejilikde amerikadan has ynsaply 😉
4 we nesip bolsa aydanlaryn hic biram bolmas we bir gun geler biz hem 50-60 yillik planlar edip bashlarys we guycsuz dowletlet bize sygynar.
Osmek uchin hokman uly osen dowletlere bagly bolmak gerek dal. Menem bashda sheylemika diyyadim weli, Malaysiya Tayland yaly yurtlaryn taryhyny okamson oz bashynada osup boljagyny gordum. Bary yogy 40 50 yilin ichinde, hich kime bagly bolman, ne Hytay, ne US, ne bashga yurda, Malaysia tuwi ekip yoren yurtdan gaty osen yurda owruldi. Singapur, Koreya bilen den bolmasada sholar bilen gidiship bilya.
Begli birinin elini tutjak bolsan chalt osersin, yone gowylyk bilen kan yamanlygam getirya. US yapyshsana yurdyn ichinde, dinini, kulturany, edebini chuyredip gider. Ashgabatdaky US councils baryp goray, shonda yash 15 16 17 yashly chagalan kellesine guyyan, owredyan zatlaryny gorersin.
Orslara bole meneye gowy Amerikoslara gora. Chechenler, Tatarlar erbet yashanok orslara bagly bolupda.
Aýdýan zatlaryň belli bir derejede dogry. Halka ýakynlaşmaly hem-de demokratiýalaşmaly. Şeýdilse içki howplaryň öňi alynýar ýöne halka ýakynlaşmagyň daşarky howpdan goranmaga kömek etmeýär ýa-da täsiri juda az.
Men şu ýerde daşarky howpdan goranmak barada aýtdym. Türkmenistan energiýa serişdelerine baý ýöne gaty ejiz. Üstesine örän dawaly regionda ýerleşýär. Amerika Yrakdan çykany bilen ol ýere parahatçylyk gelmändi. Gaýta diňe Yrak däl, bütin Orta Gündogar şaýy-sünni polýuslaşmalaryna sezewar boldy. Owgandan çekilenlerinden soň ol ýerem Yragyň gününe düşmegi gaty güýçli ähtimallyk. Üstesine bütin regiony hem asudalykdan mahrum etmegi mümkin. Talybanlar başda Owganda döredi soň Pakistana aralaşdy. Pakistanyň goşuny güýçli bolsa-da öňüni alyp bilmedi.
Biziň ejiz goşun terrorizme garşy göreşmäge ukypsyzmyka diýýän. Şol sebäplem iki polýusdan biriniň ýanynda bolanyň ýagşyrak bolmaly.
1. Enşalla aýdyşyňyz ýaly gowy kinolaryň senariýasyny ýazmak nesip eder. Aýdýan zatlarym meniň doly ynanýan zatlarym däl, çaklaýan zatlarym. Ýekeje ýerem bolsa ünsüňizi çekenine begenýän. 🙂
2. Gödek ýalňyşmadym, ýöne siz biraz ýalňyşýaňyz. Duşuşygy Baýmyrat Hojamuhammedow däl-de Hojamuhammet Muhammedow geçirdi.
B.Hojamuhammedow Ministrler Kabinetiniň Başlygynyň nebit-gaz boýunça maslahatçysy. H. Muhammedow bolsa Ministrler Kabinetiniň Başlygynyň iş dolandyryjysy. Ahmedinežad bilen Baýmyrat Hojamuhammedow däl-de Hojamuhammet Muhammedow duşuşypdy. Ynha habar şu ýerde. 🙂 Muhammedow bu wezipesine saýlawlardan soň bellenildi.
Sag bol welin aýdýanlarym ykdysady ösüş barada däl-de döwlet howpsuzlygy baradady. Käbirleri bakna bolmak diýip düşünipdir.
Ýene 2 ýyldan Owganystana asudalyk gelse ne ýagşy. Ýöne eger çaklaýşym ýaly içki söweşler başlasa biziň ýurdumyza hem täsiri bolmagy mümkin.
amerikanlar bilen hyzmatdashlyk edip onarsan has
gowy, onarsang gowy onarmasang erbet! Yaponiya
ikinji jahan urshunda nahili yagdaya dushdi? Song
1950de amerikanlar bilen shertnamasy bar yaponiyan
harby howpsyzlyk barada, her 10 yylda bir tazelenyar,
olar harby howpsuzlygy amerika tabshyrdylar, hazir
yaponiyada dine imperatory gorayan esgerler bar
bolmaly buda nahili kop peyda getirya yurda:
esgerlere ediljek chykdajyny bashga zatlarda ulandy
yaponlar we seret tehnalogiyada ing ongdebaryjylan
hataryndady yaponiya sunami wakasy bolyancha!
Menin pikirim: USA'e yakynlashmak has gowy yone
bizin pikirimizin peydasy barmyka?
Ýaşuly Duşanbe şäherine gitmedik adam ol ýerde nähili duşuşyk geçirip bilýär? Seniň fantastiki eseriňe Azerleriň fantastiki habary goşant goşan bolmaly.
Kiçijik döwlet bolsaň, gaty kyn, şoň üçin bitarap bolup çetde oturanyňdan gowusy ýok. TM-niň ilaty az. Özem harbylar uruş meselelerinde juda ukypsyz.
Habary suratlar arkaly doly öwrenerin diýseň:
http://www.islamicinvitationturkey.com/2012/03/26/tehran-ashgabat-railway-to-benefit-region/
Gapdalymyzda Orsýet durka Amerika bilen flirt etjek bolsaň Gruziýanyň gününe düşäýmeseň? Birnäçe km ilerde janly şaýady dur.
Biziň pikirlerimiziň peýdasy bolarmyka diýýän. Geljekde işjeň raýat bolmak arzuwymyz bardyr her näme-de bolsa... 😎
Ol ýere gidip duşuşanyny habar agentlikleri aýdýar. Ýa-da jenap Muhammedow bilen gürleşdiňizmi?
Seniň görkezýän çeşmäň bir blog saýty. Meniňki bolsa Kawkaz we Merkezi Aziýa regionunda birnäçe ýyldan bäri žurnalistlik edýän agentlik. Oýlap gör-dä özüň haýysysy ynamdar?
Azerileri ýazgaryp ynamsyzlyk edýän bolsaň ine saňa çeşme: Turkish Weekly | Türkiýäniň Halkara Strategiki Gözlegler Merkeziniň žurnaly
Üstesine Türkmenistanyň hökümetinde Hajeh ýa-da Hoja Muhammedow atly wekil ýok. Hojamuhammet Muhammedow bar. Pars agentliklerine seretsem ähli ýerinde Hajeh diýip dur. Olar Muhammet adyny 2 gezek gaýtalamak islemän bolup bilerler.