GYZ WE NAMYS
Ýygnagamy-nämämi – paýtagta gelen
Üç başlyk dur myhmanhanaň öňünde.
Nahardan soň çilim. Mesawy gürrüň...
Ýuwaşja çekildi birniň ýeňinden.
Gaňryldy yzyna epeý ýaşuly,
Seretse – öňünde eýjejik gurjak.
Bäş surata ýetjek ýüzüniň reňki,
Dakynan jäjegem boýnun oňurjak.
“Daýy... näme.. size gyz gerek dälmi?..”
Üç äň birden aşak gaýtdy şalkyldap.
“Wah, jijim, seň ýalyjak alty gyzym bar,
Baraýsan, öňümden çykjaklar ylgap.”
“Wah, daýyny... Bir gijelik diýýän-ä...”
Çöwrül, Zemin! Ýykyl, Asman! Eý, Hudaý!
Gany doňan başlyk gürledi zordan:
“Sen, gyzym, iň gowsy öýňejik gidäý.”
Silkenjiräp gyz çekildi gapdala,
Bardy onda her gijäň öz hasaby.
...Indiki duşany şeý diýermikä?
Wah, deňmi-nä hemme kişiň ynsaby?!
awtor:Şiraly Nurmyrat
Arhiwiň ýagdaýy
● Doly tekst
● 21/21 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 11 maý 2012 ý. · Asyl sahypany gör ↗
Teswirler 21
Bää,
Durmushdan alnan, gowy tema, Allam sholan yuregne toba guysunda....
GEDAÝ
Otyr gedaý ýedi ýoluň üstünde,
Bir aýak tutuş ýok, bir aýak ýarym.
Hudaýaty ýaly otyr yranyp,
Gapdalyna atyp dişlän hyýaryn.
Gazetiň üstünde ýarsy iýlen nan.
Bir bitin zat – öňündäki papagy.
Adam derýasynyň bir kenarynda
Otyr göýä urşuň ýowuz sapagy.
Kim bilýä, belki, ol urşanam däldir,
Mümkin, bela soň inendir başyndan.
Edil guduzlan it daňylgy ýaly
Millet geçýä böwür berip daşyndan.
Kämahal bir bende oklaýa şaýy,
Ýaş-ýeleňler geçip gidýä ýylgyryp.
Ol ötünç soraýa ötegçilerden,
Utanjyndan ýere girýä ýygrylyp.
Ykbalyň hiç kime arzuw edemok.
Eýsem onuň kalbyndaky nämekä?
Onuň bary-ýogy bir arzuwy bar –
Turup gitjek, goşulyşyp märekä.
asly zangynda bolmasa natjek! manylyja tema.
manyly goshgular sag bolun okanynyza
hakykat golay bolmagy gaty ahmal
Her barmagyń deń bolmaÿshy yalam her hilli adam barda dunyede...
Gowy goshgy ekenen shahyr bu namysyz gyzy gaty gowy keshiplendipdir shu goshgy setirinde...
manyly gosgy eken
Her halkyn oz gowusam yetik erbedem
baxxxx,,,, cyndanam haladym, gowy yazylypdyr...👍
bu name how garrincha
@nisto, sana diymedim how smiligi, shol
senin goshgyndaky geroyina diydim ol smiligi
yalnysh dushunme sorry!
hahhaha okey
betje ekeni dost haladym
Çeper suratlandyrypdyr! 👍
Gaty manyly!
Gyzlar betcilik etmäñ bolemi!
Shojagaz gyzlara newsim agyrýar tenini satyp ýörlerow
Shojagaz gyzlara newsim agyrýar tenini satyp ýörlerow