Türkmeniň galyňy barada daşary ýurtlynyň nukdaý nazary.

Türkmenistanda nika baglanyşylanda berilýän pulyň mukdary gymmatlaýar
Öýlenjek oglanlaryň gelin boljak gyzlaryň maşgalasyna geçirýän tölegi dessury Türkmenistanda gitdigiçe artýar we elden ele geçýän pulyň mukdary gitdigiçe artýar.
Gelin üçin tölenýän "Galyň" diýip atlandyrylýan dessur, munyň resmi taýdan gadagan edilip saklanan Sowet režiminiň ýykylanyndan bäri göz görtele janlandy.

Galyň tölegi 10.000 Amerikan dollara çenli çykyp bilýär. Bir aksakalyň aýdanyna görä öýlenmek üçin iň ýokary tölegler ýokary bilimli, edara işgäri ýa-da el işi edip bilýän gyzlara berilýär.
Ýurduň demirgazygynda ýerleşýän Köne Ürgenç şäherinden 18 ýaşly Maral onuň ýoldaşy bolmaly oglanyň ony bir dostunyň toýunda görendigini we soňra bolsa öýlenmek üçin sawçy ugradandygyny aýdyp berdi.
Maralyň maşgalasy başda $10.000 talap edipdir, ýöne soňra $5.000 töwerek bir galyň almak we öý garnitury, öý enjamlary, eşikler we altyn şaýlary almak şertlerinde ylalaşypdyrlar.
Gelin bolmaly gyz bu ylalaşykdan hoşaldygyny we bir haryt ýaly duýmaýandygyny bildirdi.

Ol: "Men durmuşa çykmagy başarandygyma we gowy maşgala goşulýandygyma we meniň gelejekki ýoldaşym we onuň maşgalasynyň maňa bir satyn alynýan haryt däl-de adam ýaly daraşýandyklaryna örän hoşal" diýip belledi.
Käbir adamlar bolsa hakykatda munuň edil tersine ýakyn ýagdaý döreýändigini nygtaýarlar.

18 ýaşly Gyzylgül bolsa, özi ýaly käbir ýaş zenanlaryň deň-duşlaryndan az mukdarda galyň tölenilse özlerini "pesbaha" duýýandyklaryny belledi.

Ýurduň Günortasynda ýerleşýän Tejen şäheriniň ýaşaýjysy Annameret bolsa durmuş toýunyň tutulmagynyň oglanyň maşgalasy üçin agyr ýük bolup durýandygyny nygtady.
Annameret "Gyzyň bahasy gowy, şonuň üçin köp maşgala gyzy bolan wagty örän begenýär, beýleki tarapdan oglanyň öýlenmegi bolsa alada, bergi we gutarnyksyz pul gözlegi diýmek bolýar.
Aşgabadyň eteginde ýerleşýän Köşi obasynyň aksakaly Amannazar aga bu dessura ýürekden ynanýan adam bolup durýar we munuň maşgalanyň finans taýdan esaslanmagyň sebäpkäri bolup durýandygyny belledi. 70 ýaşyndaky bu goja özüniň gören durmuş toýlarynyň köpüsiniň galyň geçirilip edilendigini, munuň ýaşlaryň 
öz wadalaryna öň tanyşan bolsalaram, nika wagtynda tanyşan bolsalaram has ýürekden ýapyşmagyna sebäp bolup durýandygyny belläp geçdi.

Ol "Gelin puly maşgalany berkitýär we täze çatynjalaryň aýrylyşman galmaklaryna ýardam berýär" diýip belledi.

Resmi däl maglumatlara görä Türkmenistan dünýäniň iň pes aýrylyşma göterimine eýe bolup, resmileşdirilen aýrylyşmalaryň 1.000 maşgaladan 1 göterimden sähelçe köpräkdir.
Aşgabat şäherinden bir nika bilen baglanyşykly döwlet işgäri munuň agramly bölegini galyň dessuryna baglanyşykly edip düşündirdi.

Ol "Erkekler aýrylyşan wagtlary maşgalalarynyň galyň hökmünde beren pullaryny ýitirjekdigini we täzeden öýlenmegiň bolsa ýene pul çykdajy etdirjekdigini bilýärler" diýip belledi.
Ol, beýleki tarapdan bu dessuryň zenanlary halamaýan maşgalalarynda ýaşamaga mejbur edýän ýagdaýlarynyň hem bardygyny belledi.

Ol "Galyň, gyzlaryň has diýen ediji bolmagyna sebäp bolýar, sebäbi ol gyzyň ikinji gezek durmuşa çykmagynyň kyndygyna gözi ýetir duran bolýar" diýip belledi.

http://www.universalnewswires.com/centralasia/turkmenistan/viewstory.aspx?id=11637