KHDR bilen oýnalan 5 oýunda 5 penalty salyp bilmedik, ine biziň gowşak tarapymyz
Ýadyňyza düşýän bolsa 2010-nji ýylyň 27-nji fewraly türkmen futboly bilen gyzyklanýanlar üçin «gara» günleriň biri bolupdy. Şol gün gije sagat 21:00 töwereklerine çenli şeýle bir gowy nostreniýamyz bardy. Sebäbi Milli ýygyndymyz AFC Challenge Cup ýaryşynyň finalyna çykypdy (Taryhynda ilkinji gezek). Asian Cup 2011-e gitmek üçin birje ädim galypdy. Ýygyndymyzdan umyt etdik, Asian Cup 2011-e gideris öýtdük. Emma gynansagam, bu islegimiz bolmady. Esasy wagty we goşmaça wagty 1-1 gutaran oýny penaltylarda 4-5 utuldyk. Gynanypdyk. Ýöne başlangyç üçin AFC Challenge Cup-yň finalyna çykmak biz üçin uly üstünlikdi. Milli ýygyndydan närazy däldik. Nesip bolsa indiki gezek çempion bolarys we Asian Cup 2015-e gideris diýip umyt etdik..
Ine, şoool 2 ýyl mundan öň umyt edilen gün hem gelip ýetdi. Her iki ýyldan bir gezek gurnalýan AFC Challenge Cup 2012 ýaryşynyň geçen ýyl geçirilen saýlama oýunlarynda üstünlikli çykyş edip, final tapgyrynda çykyş etjek 8 sany Milli ýygyndyň biri bolduk. Nepaldaky final tapgyryň 8-14-nji mart aralygynda geçirilen toparçalardaky oýunlarda hem gowy çykyş etdik we toparçadan 1-nji ýer alyp 1/2 finala çykmagy başardyk.
Toparçalardaky oýunlarymyz:
Türkmenistan - Maldiwler 3-1
Palestina - Türkmenistan 0-0
Türkmenistan - Nepal 3-0
Beýleki toparçadan KHDR 1-nji, Filippinler bolsa 2-nji ýer alyp 1/2 finala çykmagy başardylar. 1/2 finalda hem erbet oýnamadyk we Filippinleri 2-1 utmagy başardyk.
Gezek 19-njy martdaky finala geldi. Bu gezek hem edil 2 ýyl mundan öňki final gaýtalandy. Finalyň ady: Türkmenistan - KHDR.
Bu gezekki finalyň diňeje ady öňki final bolman, hat-da bu finalda oýnuň gidişi hem edil mundan 2 ýyl öňki finaly ýatladypdy. Ýadyňyza düşýan bolsa, 2 ýyl mundan öňki oýnalan finalda biz ilki hasaby açypdyk we goly Berdi Şamyradow salypdy. Bu gezek hem edil şolar ýaly boldy. Hasaby ilki biz açdyk, özem 2-nji minutda, golumyzy hem ýene-de Berdi Şamyradow saldy.
Oýnuň birinji ýarymynda esasy goragda oýnadyk. 36-nji minutda hasaby deňletdik. Oýnuň 1-nji taýmy şol hasap bilen gutardy. Soň bar umydymyzy oýnuň 80-nji minutlaryna goýupdyk. Sebäbi biz bu ýaryşda salan gollarymyzyň poçti hemmesini 80-nji minutlarda salypdyk.
Garaşyşymyz ýaly 80-nji minutlar hem gelip ýetdi. 84-nji minutda Koreýler ştrafnoý ploşadkasynda biziň liderimiz Arslanmyrat Amanowy ýykdylar. Emin penalty berdi. Biz depmeli, oýun gutarmaga bolsa bary-ýogy 5-je minut bar. Şu oýuny görüp otyran ähli türkmenler penaltyň salynmagyny isledi. Sebäbi bu biz üçin örän wajypdy, beýle şans biziň ýygyndymyza hemişe ýetdirip duranok, biziň futbolçylarymyz şoňa düşünmelidi.
Bu mümkinçilikden peýdalanyp bütün türkmenleri aýaga galdyrmak Berdi Şamyradowyň paýyna düşdi. Emma.. ol bu mümkinçiligi peýdalanyp bilmedi. Bizi Asian Cup 2015-e äkidip biljek goly salyp bilmedi, penaltyny derwezäň daşyna depdi..
Aý bor, häzir nesip bolsa goşmaça wagtda ýa-da penaltylarda alaryslaý diýip otyrdygam welin biziň derwezämiziň öňünde penalty boldy. Bu penalty Koreýaly garşydaşyny ýykan Dawid Sarkisowyň günäsimi ýa-da umumy Milli ýygyndymyzyň günäsimi bilmedim, umuman top biziň derwezämiziň içinde gaýmalady. Şol 87-nji minutdaky gol bolsa, biziň Asian Cup 2015 umydymyza soňky nokady goýdy.
Biz eýýäm yzly-yzyna 2-nji gezek bu ýaryşyň finalynda ýeňilýäs, özem şol bir ýygyndydan. Dogry, bir zady erkekçe boýun almagymyz gerek. KHDR çyndanam güýçli ýygyndy, ony boýun alalyň. Olar soňky Dünýä çempionatyna gatnaşdylar, soňky Aziýa kubogyna gatnaşdylar. KHDR bizden bir basgançak ýokarda.
Emma biziň utulşymyza serediň. Birinde penaltylarda utulýas, birinde 85-nji minutda penaltyny salyp bilmän utulýas. Bize näme bolýar? Näme üçin iň soňky pursatda elimizdäki şansymyzy gidirýäs? Näme üçin?!
Nesip bolsa alarys, nesip bolsa utarys bilen ýene bir gezek elimizdäki mümkinçiligimizi gidirdik. Indi, Asian Cup 2015-e gitmek üçin elimizde ýene bir şansymyz bar, ýagny 2014-nji ýylda ýene bir AFC Challenge Cup bar. Asian Cup 2015-e gitmek üçin şol ýaryşda ýeňiji bolmagymyz ýa-da ýene bir gezek KHDR bilen final oýnamagymy gerek. Olam başardarmy, başartmazmy bilmedim.. Bize welin diňe birje zat belli, olam Asian Cup-a gatnaşmak mümkinçiligimiz üçin ýene-de 2 ýyl garaşmaly bolarys. Dogry, biz garaşarys, ýene garaşarys, ýöne haçana çenli? Ine bu bolsa bize näbelliligine galýar.
Temamyň soňunda bir maglumatjyk aýtmakçy:
Biz KHDR bilen taryhymyzda jemi 5 oýun oýnadyk. Şo 5 oýunda 5 gezek Koreýleň derwezesinden penaltyny salyp bilmedik.
KHDR-dan utulmagymyza kim günäkär?
Dawid Sarkisow(4%, 1 adam)
Berdi Şamyradow(48%, 12 adam)
Ýazguly Hojageldiýew(12%, 3 adam)
Hemmämiz günäkär(20%, 5 adam)
Hemmesi günäkär(16%, 4 adam)
Arhiwiň ýagdaýy
● Doly tekst
● 16/16 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 9 maý 2012 ý. · Asyl sahypany gör ↗
Teswirler 16
Duyn utan bolsadyk bu wagta yylgyryp, begenip gezerdik, indi iki yylda bir gowlashmarmyka, bizaray shu koreylardanam, 5 oyunda 5 penalti genay, ay yene yatlasan janyn yanyarda Berdini indi univerda gorsemem gaharym geleray, menca indi owrensaymeliday cykmayas biz sho aziya cupa
Wah derdimi gozgamasana Batyrjan, ýañyja ýatdan chykyp barýady.
Berdiniñ pinaltini urup bilmedigine shu wagtam ynanamok.
Ýeri bolýada...
Dogrudanam garashmak diyilyan zatdan erbet zat yokdyr. Umyt edeling nesibeli gun bardyr enshalla. Nesip bolsa bizing futbol komandamyzam yashyl tugumyzy al asmanda parladarlar. Gayrat eding oglanlar Sizden ynamymyz gaty uly.
Alyn onda nastroeniyanyzy galdyrayyn: MU 0-5 edip yenish gazandy
biz garasharys,olyanchak,gitjek yerimiz yok,indi shansymyz yene bar ekenda,shona chenli tff bashlygyny gum etmeli,we tejribe futboly soyyan adamy goymaly,hotya wagtlayyn bolsada meni goysalaram bolya,shu iki yyly natmeli weli etmeli gaty guychli depginde tayynlanmaly,sebabi yene bu yarysha kan guychli komanda da gatnashanok,tajigem,gyrgyzam flippinem yenip biljek guychde biz,yendigime ine,indiki gezek alarys diyaymesek name diyjek,yone berdem etjek bolup eden daldir weli,onda da penalty da aljyramaly daldi,uns bermelidi,dushunmelidi hazir shu gol butin komandamy ne tolko komandamy 7 mln turkmen halkymy begendirer buysandyrar dp dushunmelidi.yene shu tff degesim gelya shu 2 yylyn ichinde dashary yurtly trener getirip hotya asia chykaryp o yerde nahili netije gorkezsede shona chenli ussat trenerin eline berse gowy bolar,oglanlarda howes dorar
Bu bir komanda oyuny shonun ucin bir adamy gunakarlemek yalnysh bolap. Bizing hem gunamiz bardyr, biz hem yeterlik dereje goldaw beren daldiris ya trener gunakardir mojet federasia gunakardir. Geling gunakari gozlemalingde goyberen yalnyshlyklarymyzy duzetjek bolalyng.
Gurban Berdyyewi getirmeli Kazandan,bashga hich-haysysy gerekdäl!
5 oýunda 5 penaltyny sypdyrdy diýýänimi düşündireýin:
Ýadyňyza düşýän bolsa 2008-nji ýylda Aşgabatda Türkmenistan KHDR-y kabul edipdi. Şol oýnuň 2-nji minutynda biz penalty depmäge hukuk gazandyk. Penaltyny şol wagtlardaky kapitanymyz Goçguly Goçgulyýew daşyna depipdi. Haýýý diýip gynanyp ýetişmänkäk emin penaltyny täzeden depmeli diýip görkezme berdi (Koreýleň bir goragçysy irräk ylgapdyr). Goçguly penaltyny täzeden depdi we ýene-de salmady, pökgi ştanga degip daşyna gitdi. Şeýdip Goçguly bir oýunda iki penaltyny salyp bilmedi..
Beýleki iki penaltyny geçen gezekki AFC Challenge Cup finalynda oýundan soňky penaltylarda salyp bilmändik. Bizde Arslanmyrat Amanow hem-de Mämmedaly Karadanow penalty sypdyrypdylar.
KHDR-lylardan salyp bilmedik iň soňky 5-nji penaltymyzam düýnki Berdi Şamyradowyňky.
Umuman bizin yygyndymyza tejribe yetenok.Koprak dostluk oyunlary gurnamaly,ozem guychli komandalar bilen.Koprak sbor etmeli,zhelatelno dasharu yurtda.Koprak taze oyunchylary sborna chagyrmaly.Garaz etmeli ishe kan,elbetde bizin treneralrymyz we futbol federatsiyasynda ishleyan adamlar bu zatlary oz jugusinden pul chykaryp edip bilenoklar.Shu yokarda agzalan ahli zad uchinem pul gerek.Umuman,bizde entak sporta kan uns berlenokda garaz.
teman yarady dost. Hemme zady dogry aytyan.
Yoklay trenera degmeli dal.Bir zady bila dine Tm futbol yokary galmady.Tm futbol yokary galyan wagty,beyleki yurtlan futboly pese dusher oytyanizmi?Ozem trener PRO lisenziyany aldy.Tm-da PRO lisenziyaly dine 2 sany.Sadaja gerek zady Tff prezidentini yogyna yanmaly.WE YASHLARDA HOWES DORETMELI.mysal u.n: TV usti b.n tele peredachalary goybermeli.
Yoklay trenera degmeli dal.Bir zady bila dine Tm futbol yokary galmady.Tm futbol yokary galyan wagty,beyleki yurtlan futboly pese dusher oytyanizmi?Ozem trener PRO lisenziyany aldy.Tm-da PRO lisenziyaly dine 2 sany.Sadaja gerek zady Tff prezidentini yogyna yanmaly.WE YASHLARDA HOWES DORETMELI.mysal u.n: TV usti b.n tele peredachalary goybermeli.
name diyjegini bilman gahary gelyan smailik.
Türkmenlere geçdigi bolsun!
Bök türkmen!
Bah