Deňiz we guş….

Bu gün hem  Gün mydamaky ýaly ýagty nuryny çoýup dünýä
dogdy. Älemi nurly güneş ýagtyladýardy. Çagalar ýene şadyýan seslerini
daş-töwerege  ýaýyp, jykyr-jykyr gülüşip oýnap ýörler. Han-ha ýene ýüzi
nurluja mama agtygyny mekdebe äkidip barýar…  Begençlerini ýüzlerinden
aňsa boljak.. Deňiziň golaýynda yerleşdirilen, otyrmak üçin ýörite
tahtadan otyrgyçda-da ýene şol garryja daýy balyk tutup otyr. Ol hem
durmuşdan lezzet alýany salym-salym deňize bakyp ýylgyrmasyndan
mese-mälim..
Durmuş gülüp bakana, göýä ýylgyryp jogap berýän ýaly.
Gün ýagty nuruny adam,ýer saýlaman çoguşyna, durmuşdan lezzet alýan
adamlaram edil şeýle jogap berýär.

Men daş-töweregi syn edip
durşyma…. Deňize her gün gelýän guşlara, ak guwlara diň salyp seretdim.
Guşlar mawy, arassa deňizden hem owadanlygy bilen deňize öwüşgin çaýýan
ak guwlardan öz ara hoşaldylar. Deňiziň gapdalyndan geçip barýan
garryja, ýüzi nurlyja daýza we agtygyda, balyk tutup lezzet alýan
daýyjykda wagt bilen ol deňiz bilen arany açýar, ol ýerden daşlaşýar..
Emma,  deňiz we ak guwlar ýene iki-çäk galýalar we ýene deňiz guşlaryň
bark urup, ganat ýaýyşyndan we özüçe çykarýan mylaýym sesine doýmaýar.
Guşlaram mawy, arassa deňiziň tolkun atyp tans edişine, özlerini günde
näçe ýyllap görmedik myhmanyny garşylaýan ýaly hezzet-hormat goýyşyna,
päkligine doýmaýardy. Olar hat-da daş-töwerekden surata alýanlaryň
çykaran suratlarynda hem biledi….