Goşun serkerde Hasan we Janberk

 Çanakkale ýagny Osmanly imperiýasyň soňky söweşinde bolan waka bu waka...
 17-nji Meýdanyň serkerdesi Hasan beg goşyny bilen bile öňe barýardy. Ýoluň ugrundaky çeşmäniň kenaryndaky kiçijik oba baryp ýetenlerinde, çeşmäniň ýanyndaky bir waka Serkerde Hasanyň gözüne ildi. Endam jany gara gan içinde tüýleri dökülen bir it çeşmä suw içmäge gelipdi. Onuň bu ýagdaýyny gorenler ony daşlap çeşmä golaýlaşdyrmadylar. Hasan begi bu waka gaty gynandyrdy. Atyndan düşüp itiň ýaralaryna ganyna seretmän ony gujaklady. Göterip ony çeşmäniň ýanynaalyp gitdi. Haýwana suw içirdi, ýaralaryny arassalady, soňam garryny doýurdyda item ýanyna alyp ýoluna dowam etdi. O günden soň itini hiç ýanyndan aýyrmady Serkerde. Itine Janberk diýip at beripdi.
 Tiz wagtda gowylaşdy Janberkiň ýagdaýy we esgerleriň dosty ýalydy aralarynda. Tüýleri täzeden çykyp başlady Janberkiň. Esgerler serkerdesiniň näme üçin bu haýwany gaty gowy görýänini bilesi gelýärdi. Hat-da biri çydap bilmän sorady: "Hasan beg näme üçin bu haýwany beýle gowy görýäniz? Onuň öljek bolup ýatan ýerinden alyp bu günlere getirdiňiz?" Serkerdäniň jogaby özüne gelişjek şekildedi: "Kyýamatda Allah(j.j.)yň <<Näme üçin bu haýwana merhemet etmediň>> soragyndan gorkýan" diýdi.  Inä serkerde Hasan şeýle imany kämil bir adamdy.
 Söweş gittikçe güýjeýärdi. Çaknyşyklaryň birinde Osmanly goşuny Fransiýanyň goşunyny yza çekilmäge sezewar edipdiler. Söweş meýdançasy esgerleriň jesetleri bilen dolydy. Osmanly esgerleri bir tarapdan ölen esgerleri jaýlamak bilen meşgul, bir tarapdanam ýaralanan esgerlere kömek berýädiler. Hasan Begem esgerleriň arasyndady. Şol wagt bir fransuz esgerin çalaja gymyldanyny gördi serkerde. Ýanyna baryp oturjak wagty ýalandan ölen bolup ýatan Fransuz esger Hasan begiň döşüne hanjaryny sokdy. Serkerde ýere ýykyldy, döşünden akýan gany görüp esgerler ylgap geldiler. Hasan beg zordan çykýan sesi bilen esgerlerine: "Allah şaýadymdyr bu fransuza kömek etmek üçin ýanyna gelipdim diýdi.
 Şol wagt uzakdan elhenç bir ses eşidildi. Bu ses esgerlere tanyş sesdi. O Janberkiň sesidi. Janberk ylgap geldi we eýesiniň ýanyna çökdi. Serkerdäniň ellerini ýalap onuň turmasy üçin ýalbarýan ýalydy. Gurhan okatmak maksady bilen molla getirdiler serkerdäniň ýanyna. Hasan beg << La hawle wela kuwwete illa billahil aliýýul azim>> dogasyny 33 gezek okamagyny isledi mollanyň. Molla dogany okap otyrka Serkerdede yzyndan gaýtalaýardy. Ýüzüniň reňki solup, gözüniň nury ýitip başlapdy birden silkindi-de, ýanyndakylara "Meni aýaga turuzyň" diýdi. Esgerle serkerdeleriniň soňky isleginem ýerine ýetirdiler. Soňky pursatlaryny üsti-başy ganly ýaşaýan Hasan beg << La ilahe illallah, Muhammedün Resullullah>> diýip şahadatynam getirdi. indi gözleri gapdalyndakylary görenokdy. Bir daşyň suwa çümüp gidişi ýaly, gözleri bir ýere siňip gidipdi serkerdaniň. Şeýle ýagdaýda aýakda durka birde agzyndan şu sözler döküldi: <<Näme üçin zähmet etdiňiz ÝA RESULLAH>> Bu sözler Gahryman serkerdäniň soň sözleridi. Esgerler Serkerdelerini şu ýere jaýlamalydygyny bilip ýuwaşlyk bilen ýere ýatyrdylar, üstüne-de Osmanly baýdagyny örtdiler, göni gapdalyndanam mazary gazylmaga başlandy Hasan begiň. 
 Biz habary Janberkden alalyň. Oda eýesiniň üstüne örtülen baýdagyň aşagyna girip, ýatyrdy. Mazary gazyp bolan esgerler baýdagy aýyryp Hasan begi ene ýere bermek Janberki gyra kowjak boldular emma haýwan gymyldanokdy. Göterip gyra süýşüreli diýip, itiň ýanyna bardylar welin, gözlerindäki ýaşy saklap bilmediler. Janberk eýýam jan berip hossary Hasan beg bilen bu dünýä gözlerini ýumupdylar. Öňürti Hasan begi ýere berdiler, yzyndan Hasan begiň aýak ujundaky mazarada Janberki ýerleşdirdiler.