Encipher.it - Emailleri encrypt edip ugratmak (Gmail, Mail.ru)
Hatymyzy bukjaň içine salyp poçta arkaly ugradylýan döwürden uzaklaşyp, internet arkaly Dünýäň o çetindäki biri bilen göni habarlaşmagymyz mümkin bolan döwürde ýaşaýarys. Gaty bilesigeliji bolsaň, bukjany ýyrtyp içindäki haty arkaýynlyk bilen okap bolýar. Şonuň ýaly, internet arkaly digital görnüşde ugradylýan hatlaryň, wideo habarlaşmalaryň we ş.m. arasyna girip ele geçirip bolýar.
Wezipeli adamlar, wajyp meseleler barada pikir alyşyp hat ýazyşýanlar we ş.m. öz gürrüňleriniň üstüniň açylmagyny islemez. Aslynda hiçkimem islemez. Elbetde, "nämä geregaý, me, gerek bolsa kodumy bereýin?" diýýänlere gepim ýok. 🙂
Bu gezek emailleriňizi üçünji kişiler tarapyndan birugsat okalmaz ýaly encrypt edip ugratmagy düşündirmekçi.
Encipher.it - siziň emailleriňizi AES Encryption Algoritmasy bilen encrypt edip ugratmagyňyza ýaraýar. Hemme zat siziň internet browseriňiziň içinde edilýär.
Mozilla Firefox, Google Chrome we Internet Explorer browserlerinde işleýär. Barlap gören emaillerimiň içinden (Gmail, Hotmail, Yahoo, Mail.ru) diňe Gmail we Mail.ru-da dogry işledi. Chrome we Gmail-de düşündirmekçi.
Nädip ulanmaly?
1. Encipher.it saýta giriň we aşakdaky suratda bellenip görkezilen linki tutup, browseriňiziň bookmark-larynyň durýan ýerine goýuň.
2. Email ýazyp bolanyňyzdan soň, bookmark bölüminde goýan hälki linkimize basyň. Garşyňyza emaili encrypt etmek üçin gerekli bolan açarsöz ýazmagyňyzy soraýan penjirejik çykar. Ugradýan kişiňiziň okap bilmegi üçin oňa berer ýaly açarsöz ýazyp "Encrypt" düwmesine basyň.
3. Encrypt edip bolanyndan soň garşyňyza bir topar düşnüksiz yşaratlar çykar. Mundan soň emaili ugradyp bilersiňiz.
4. Kodlanan emailiňiziň alyjy tarapyndan okalyp bilmegi üçin onuň hem browserinde Encipher.it-iň linki bolmaly. Alyjy emaili açyp linke basan wagty kodlanan hatlary çözmek siziň goýan açarsözüňizi sorar. Açarsözi ýazandan soň hakyky ugradylan haty okap biler.
Mundan soň, başgalar tarapyndan görülmegini islemeýän wajyp hatlaryňyzy arkaýyn ugradyp, alyp bilersiňiz. Ýöne açarsözüňizi alyja bermegi unutmaň 🙂
Iň köp haýsy email serwisini ulanýaň?
Gmail(54%, 6 adam)
Hotmail(0%, 0 adam)
Yahoo!(0%, 0 adam)
Mail.ru(36%, 4 adam)
Başga...(0%, 0 adam)
Email näme zat? Iýilýämi?(9%, 1 adam)
Arhiwiň ýagdaýy
● Doly tekst
● 12/12 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 1 maý 2012 ý. · Asyl sahypany gör ↗
Teswirler 12
sagjabola
hotmail'da ugratýan islendik zatlary gorag kod bilen ugradyp bolýar, shol gorag kody aljy aýtmak hökman hem däl, habar baranda ol täze gorag kod bn alyp bilýär
sagjabol, gowja öwrenäýmeli sapaklar
Men düshünmedim, 3-nji adam e-mail haty nädip okap bilýär? Meselem men, bjumayew@gmail.com adresimden, nazarmailbox@gmail.com adrese hat ugratsam, shony ortada barshga biri tutup okap bilýärmi?
Turkmenistanda gmail acyp bolyamy.
Bardy-geldi, seň emailiň açyk galsa, ýa bolmasa koduň döwülen bolsa ýa-da ş.m. ýagdaýlarda men seniň emailleriňi dörjelesem, men şo ýerde 3-nji adam bolýan 🙂
Imenno shol bolmayada dost. Yokardaky programmany ozune ynamyn bolmasa ulansa bolar.
Imenno shol bolmayada dost. Yokardaky programmany ozune ynamyn bolmasa ulansa bolar.
<
blockquote>Bayram-Jm:
Imenno shol bolmayada dost. Yokardaky programmany ozune ynamyn bolmasa ulansa bolar.
Elbetde, biz ýalylaryň emailini kim näme etsin. Maksimum howpsuzlyk gerek bolan kişiler ulansa bolar. Herkim deň däl, emaillerini, beýleki hasaplaryny köpçülik internet salonlarynda ýatdan çykaryp açyk galdyryp gidýänem köp.
Esasy öz emailing gizlin soragyny ýatdan chykarmasang bolýar, parolyñy döwüp elingden alyp biljek ýok
Mening uchuna ing beti yandex.ru
Gmail bilen bolanok. Awtoryň özi hem düşünmändir bu programmaň näme edýänini. Ugradýan data-ňy enkript edýä, ýagny bulaşyk zat şeklinde iberýä. Muny gmail kökünde eýýäm haçandan bäri edýä. Üns berseň gmail-yň ardesinde https bardyr, http däl. Yzyndaky s harpjygy secure(goragly) many berýä. Bu ssl bilen enkript edilýän diýmek, ýagny 128bit algoritma. Bu haty okap bilmek, älemdäki milliardlarça ýyldyzyň arasynda gerek birini tapmak ýaly.(0.0000000000000001 şans). Inede screenshot: