Menzeshlik

Meňzeşlik

Garşyňda Aý sallanjyrap näz edýär,
Ýüzüň bilen des-deň bolup dur Aý hem.
Oň şöhlesi jemalyňa bäs edýär,
Nuruňy dünýäme dynma-da ýaý sen.

Ýylgyrşyňa meňzeş Aýyň şekili,
Gijäniň garasyn alypdyr gözleň.
Sen hut Aýyň ekiz taýy ekeniň,
Muny menden başga bilenok özge.

Gülüşiňde gül bar eken, mähriban,
Ýylgyr, garşymyzda dogsun Günüm-de.
Öňküden has nurly borsuň,
ähtimal,
Sen ýylgyryp ýörseň günüň-gününde.

Ýyldyzlar sen taýa ädýär ädimin,
Olar saňa tarap süýnmäge taýyn.
Men ýyldyzlar deýin süýnüp nädeýin,
Gaşymda ýylgyryp durka öz Aýym!