Çep tarapym agyrýar EJE!

 - Salam Ejejan, ýene men geldim! 
 - Alada etmäň sapakdan çykyp geldim. Ejelerem dädeler ýaly mekdebe barmasaň alada edýärmi, ýokmy bilmedim ýöne Bäşim "Mekdebe barmasam Ejem alada edýär" diýeninden soň sizem alada edýändirsiňiz diýip oýladym. 
Öten hepde mugallymym çep elime sarymsak, sag elime sogan bar - diýip aýtdyryp sag-çepimi öwretdi. Indi bilýän çepim haýsy, sagym haýsy tarapdygyny. Haýsy ýerim agyrýanyny indi anyk bilýän Ejejan. BILÝÄŇIZMI ÖTEN SAPAR GELENIMDE duşundirip bilmändim haýsy tarapym agyrýanyny! Ine Ejejan, şu ýerim çep tarapym agyrýar.
Duýun ir bilen Guliniň Ejesi saçyny örup beripdir, elinden tutup mekdebe äkeldi, jaň kakylanda ýaňagyndan ogşap "Gyzym baraý indi synpyňa" diýdiler. Agladym... Mugallymym "Näme boldy" - diýip sorady. "Ýykyldym, dyzym agyrýar" diýdim, aldadym Ejejan. Dyzym agyranokdy, çep tarapym agyrýardy, jyzzz eden ýaly bolup durdy.
Bu gun men hem Dädemden saçymy örup bermegini soradym. Örup berdi, ýöne Guliniň saçy ýaly gowy bolmady. "Mekdebe alyp baryň" - diýdim. "Işim köp" - diýdi. Gynandym ýene agladym Ejejan!
Hemme gyzlaryň joraplary ap-ak. A meniň jorabym kul reňk bolup giden. Zeýnep "Ejem ak hemde reňkli geýimleri aýry-aýry ýuwýar" diýipdi. Dädem bolsa hemmesini bir goşup ýuwýar. Dädem näme geýim ýuwmany bilmeýärmi Ejejan???
Uffff... Dädem her gun sumkama kak erik bilen çörek salýar. Gaty görmesin diýip hiç zat diýmeýän. Synpdaşlarym bolsa her gun somsa, korjik, buterburot getirýärler. Bilýän dädem maňa her gun somsa bişirip bilmeýär.
Giç bolup barýar, gitmeli. Dädem bilmeýär bu ýere gelýänimi. Bilse käýemez welin, alada eder öýtýän. 

Ejejan, kim siziň topragyňyzy pytratdy, gulleri ýolup taşlapdyrlar. Käýäň olara, degmesin siziň gulleriňize. 
Ejejan, ine bu idişe siziň topragyňyzdan bir gysym alýan. Bilýäňizmi Ejejan, her gezek gelenimde alan topragymy şu idişde saklaýan. Ustine siziň suratyňy goýup ýassygymyň ýanynda goýýan. Kä wagt şol suratyňyz bilen gurleşýän. Çep tarapym agyranda başga näme edeýin Ejejan!
Wiii ýadymdan çykypdyr. Mugallymymyz ertire "Eje hakda" duzme ýazyp gelmegimizi aýtdy. Men dädeme ýazdyraryn. Mugallymymyz bilip galsa käýär. Aý käýese käýärdä. Men sizi hiç haçan görmedik bolsam, siz hakda näme ýazaýyn Ejejan!
Bolýar Ejejejan, gijä galsam Dädem alada eder. Men gitdim.