Täze degishme :-)

Ataköpek bir gün Ependilere myhmançylyga barypdyr. Ependem ýaman gysganç adam eken diýä. Ataköpegiñ öñüne nahar-çaýy hiç goýar ýerde goýmandyr. Myhmanam: "hä indi saçak ýazylar, hä nahar-çaý äberiler" tamakinçiligi bilen gapa göz dikip oturan. Ependem ahyry bir sagat geçensoñ, Ataköpegiñ öñüne bir çäýnek çaý bilen kirläp giden pampazalary goýup, sypaýyçylyk eden bolupdyr:
-Ataköpek aga, hany çaý içiñ bakaly - diýip, çäýnegi myhmanyñ öñüne süýshüripdir. Ataköpegem çaý guýnup, ýañky pampazalardanam birki sanagny agzyna atyp, çaý içmäge bashlapdyr. Ýenede bir sagat geçipdir. Ola nahar eken, naharyñ ysam gelmese nätjek burnuna. Muña gahary gelen Ataköpek, Ependä ajyganny bildirjek bolup, eshitdiribräk pampazalary dishi bilen kytyrdadyp iýip ugrapdyr. Ependi seretse pampazalary gutaryp barýar. Myhmanyñ kytyrdadyp pampazalary ýuwdup durshuna gahary gelen Ependi:
-Myhman, pampazany kytyrdatman sorup iýmeli - diýip, sypaýyçylyk bilen içýakgyç ýüzlenipdir. Ataköpegem oñuñ näme diýjek bolýanyna bada-bat düshünip, olam sypaýyçylygy elden bermändir:
-Aý, biz bir çölüñ adamsyda Ependi aga. Süýji iýmäni nirde gören adam. Men bir ýolagçy kishi, "ýolagçy ýolda ýagshy" diýä. Men turaýyn sag-aman oturyñ Ependi aga - diýip, kirli pampazadan artyk zakgunam hödür edilmejegine göz ýetiren Ataköpek, syr bildirmän hoshlashyp öýüne gaýdypdyr.
Ataköpegem, Ependiñ bu eden "hezzet-hormatyny" içinde saklap ýören. "Bir günä seniñem bize aýagyñ düshäýedi-da" diýip gezip ýören. "At basman diýen ýerine ýüz basar" diýleni, Ependem bir gün ýoly düshüp Ataköplere myhman bolýar. Ataköpegem gelen myhmany gadyrly garshylap, ony töre geçirýär. Ependem shol wagt gaty ajygyp gelen eken. Ataköpek myhmana ýüzlenip:
-Ependi aga, häzir garashyñ biraz maña. Men iýer ýaly birzatlar getireýin - diýýärde, gapydan çykyp gidýär.
Ataköpek "geljek" diýip, hiç geler ýerde gelmändir. Ahyry bir sagat geçensoñ, eli çäýnekli hemde pampazaly jaýa girýär. Ýañky getiren çaý bilen pampazalaryny Ependiñ öñüne süýshürýärde, myhmana içýakgyç sypaýyçylykly ýüzlenýär:
-Alyñ myhman, çaý içiñ bakaly. Biziñ öýümizde süýjüni diñe "kytyrdadyp" iýmelidir. Tä pampazadan garnyñyz doýynça haýdadyberiñ Ependi aga...
😆