Nowayydan "katyllar"

Nowayydan "katyllar"

Äleme indiňmi – algy etjek bol,
Bergi edip gitmek ynsana geňdir.
Dünýäden işiňi bitirmän gitmek,
Hammamdan ýuwunman çykana deňdir.
Ýazýan adam oňarmasa kärini,
galamyny alyp döwmek lazymdyr.
Başyn iki bölüp döwedi ýaly,
Ýüzün syýa bilen ýuwmak lazymdyr.
Ýazan zatlaryndan bir tanap işip,
Elin daňyp, ilden kowmak lazymdyr.
Dünýäde kän bolýar adam nejisi,
şolardan üçüsi men üçin mälim.
Biri samsyk patyşa, biri husyt baý,
Üçünjisi bolsa – pul söýýän alym.
Sen asylly adam, akylly adam,
Deňsiz-taýsyz adam, il üçin doglan.
Seret, bary-ýogy iki setirde,
Sen hakda sözledim dört sany ýalan.