Asla terk etmeyaniñ gözleginde

Yagty jahana gelip, ilkinji gezek gözlerimi achanymda, bashujumda ejem bardy. Maña yylgyryp seredyan gözlerini gördüm, ilki. Yyly gujagynda mahrini duyup, süyji uka gitdim gör nache gezek. Asla onsuz yashap bilmerin öytdüm ilkiler. Soñsuza chenli onuñ bilen bolaryn, asla ayrylmaryn öytdüm.
Yalñyshypdyryn. Gün geldi, ykbal meni onuñ yanyndan alyslara ugratdy.

Soñra, kakamyñ merdemsi, ullakan eli yadyma düshyar. Gabarchakly, ishe werzish, öye chörek getiryar gojaman elli kakam... Onuñ yanynda özümi has ynamly duyyardym. Ol biziñ arkadagymyzdy.
Eger birden ertekilerdaki döwler birin-birin garshysyna chykaysa, kakamyñ olaryñ ählisi bilen söweship, ahlisini-de yeñjekdigine, bizi olardan gorajakdygyna chaga kalbym bilen ynanyardym. Chunki ol biziñ gözümizde sheyle bir güychlüdi. Yöne, yene yalñyshypdyryn. Ulaldygymsayyn onuñ hem yalñyshlyklarynyñ bardygyna göz yetirip ugradym.

Durmushda yz galdyryan wakalar birin-birin göz öñumden gechyar. Bir gezek operasiya bolupdym. Lukmanlar kakama munuñ öran howply operasiyadygyny aydypdyrlar. Ömrümde ilkinji gezek giren shol otagymda, turbajyklar bilen gurshalan bir stolda yatyrdylar. Beyhush dermany berlipdi. Men gorky ichinde, birnace sekunt soñra özümden giderime garashyp yatyrdym. Depamden inyan apet yshyk gözlerimi gamashdyryardy. Töweregime garanjakladym. Hic bir tanysh yüz yokdy.

Derman ysly otagda shprisleriñ we sowuk enjamlaryñ arasyndan mahir, yylylyk gözledim. Dostlarymy, yakyn garyndashlarymy, tanysh yüzleri görmek umydy bilen cyrpyndy ruhum, gitdigice agyrlashyan we yumlup ugran gabaklarymyñ arkasyndan. Gaydyp turmazlygym hem mümkin shol stolyñ üstunde yatanymdan olaryñ köpusiniñ entek habary hem yokdy. A, habary bolanlar name?

Birnacesi operasiyadan soñra halymy soramaga geldi, elbetde. Emma, has öñ... Shol pursatda?!
Pycagyñ ujyndaky ölümiñ nepesini yeñsamde duyan pursatym?...
Yok. Anyk bilyan, yanymda hirurglardan bashga hic kim yokdy. ' Bolubam bilmezdiler. Operasiya pursaty iceri girmeklerine rugsat edilmezdi' diyjeksiñiz. Emma barybir, bu meniñ kalbymy dilyan shol ajy hakykaty üytgetmeyar.

Yatlamalarym meni mekdep yyllaryma akidyar. Mekdep bosagasyndan ätlan ilkinji günümden bari wagtymyñ köpüsini bile geciren, bile aglap-gülen dostlarym bardy. Öz mashgala agzalarymyza hem acmadyk syrlarymyzy paylashardyk biri-birimiz bilen.
Biri-birimize sheyle bir öwrenishipdik welin, okuw yyly payawlanda göz yetirdik, aslynda ayralygyñ hem hemishe bizden ayrylmayan dostdugyna.
Her yyl soñky jañ kakylanda, 3 aylyk dync alsha cykmagyñ begenji bilen birlikde nabelli bir tukatlyk cökerdi kalbymyza. Ara düshen ayralyk uyadygyca, birek-birekden has dashlashyandygymyzy, üzñeleshyandigimizi duyardyk.

'Kalbyñ yaly påk shu sahypany maña ayranyñ ücin sag bol!' diyip bashlayan, her sahypasy yhlas bilen bezelen yatlama depderleri galardy elimizde. Herimiz bashga-bashga dünyalere yelken gererdik. Bizi bashga-bashga kenarlar garshy alardy.

Soñra möhum kakar beren pursatlarym hyyalymda janlanyar. Soñra synaglarym, soñra yadawlykdan stoly yassyk edinip uka giden gijelerim... we oylanyan:

Sheyle kån dost-yarlarymyzyñ, tanysh-bilshimiziñ bardygyna garamazdan, durmushda yeke yashayarysmy???

Hemishe adamlar bilen biie yalysyñ. Olar bilen shol bir howadan dem alyansyñ. Eliñdaki cöregiñi paylashan pursatlaryñ bolar jananlaryñ bilen. Olar bilen ömrüñ her pursatynda, her ädiminde bile bolaryn öydersiñ. Ynha-da garashman durkañ, kate bir düshünishmezlik, kate sähelce öyke-kine, kate bashga bir yere göcmek yagdayy ya-da ölüm habary ara düshüp, ayralygyñ sharpygyny dadarsyñ.

Göya, bedeniñ bir parcasy egsilen yaly bolar. Emma soñra, muñda-da öwrenishersiñ. Durmush yoluñda tåze adamlara satasharsyñ, täze tanyshlar edinersiñ. Yene-de, hic ayrylmajak yalysyñ. Wagtyñ köpüsini olar bn bile geciryansiñ, ruhlaryñyz erish-argac bolandyr.

Emma, kim bilyar, bu gör nacinji gezek aldanyshyñdyr???!!!

Özüñe iñ yakyn bolan adamlaryñ hem bir gün seni terk etjekdiklerine, ayralygyñ bir gun ara düshjekdigini bilmek nahili kyn.

Her elimi uzadanym salgym kibi menden uzaklashyarka we kimdir birine soñsuza cenli ynanmak, sygynmak ruhumyñ iñ esasy zerurlygyka, asla meni yalñyz goymajak, nepesinden panylygyñ, gecegciligiñ, ölümiñ ysy gelmejek, yakynlygy soñlanmajak birini gözleyan.

Yüregimde parca-parca söwdalarym, ellerimde solan güllerim, kalbymda ayralygyñ yzasy bilen, her pursatda---shat günümde, gamlananymda maña menden yakyn durjak birini gözleyan. Meniñ halymy, dertlerimi menden oñat biljek bilini...

Miweli daragtlarda gözleyan... Zemine yagtylyk we yylylyk cayyan Kuyashyñ shöhlelerinde; yagmyryñ her damjasynda gözleyan. Sejdelerde, rukuglarda, dileglerimde gözleyan. Göklerde yañlanyan azanlarda gözleyan. Yakynymdan, gan damarymdan has yakynymdan gözleyan.

Yer we wagt caklendirmelerinden has alyslarda gözleyan. Her elimi uzadanym salgym bolup gözden yityarka, yhlas bilen joshan ruhumyñ cuñluklaryndan gözleyan.

Men gözledigimce, yylgyryar gözleyanim, bilyan.

Bilyan, men görmesem hem, Ol meni göryar.

Men gözlesem hem, Ol meni tapyar.

Men unutsam hem Ol yatladyar.

Men yalñyshsam hem, Ol hatamy düzeldyar.

Ahli özge bil baglanlarym birin-birin meni terk edende, sygnan kenarlarymy tolkunlar basyp alanda, Ol meni asla yalñyz goymayar.

Bir tarapda soñsuz ejizligim, güycsüzligim, chäkliligim;

beyleki tarapda soñsuz maksatlarym, islegdir arzuwlary.

Yashly gözlerim bilen yüzümi Oña öwüryan:

Özüne ynananyñ hemishe yanynda bolana, Özüne sygnany yalñyzlyk girdabyna oklamayana...