Zenan sahabalar(Alla olardan razy bolsun)

Hz.Hafsa bint-i ömer
Hazret-i Hafza radyýallahu anha Hz. Ömeriň (r.a) gyzy. Bilimli we medeniýetli, erki kuwwatly sadyk bir yslam hanym sahabasy. Üçünji hijri ýylda Rasullahyň (s.a.w) maşgala agzalaryna goşulyp musulmanlaryň enesi bolma bagtyýarlygyna erişdi. Hz. Hafsa (r.anha) mekkede, pygamberlik gelmezden bäş ýyl öň eneden dogulýar. Kakasy yslam taryhynda adalaty bilen at gazanan ikinji halife hz. Ömerdir (r.a), ejesi zeýnep bint-i mazun (r.a) (osman ibni mazunyň gyz jigisi).
Hz. Hafsa mekkede kakasy bilen birlikde musulman boldy. Ashabdan huneýs ibni huzafe bilen durmush gurdy. Ilk musulmanlar hatarynda ýer alan bu iki bagtyýarlar ilki habeşistana sonra-da medinä hijret etdiler. Hz. Hafsanyň adamsy hz. Huneýs Bedir we uhud söweşlerine gahrymanlarça gatnaşýar. Uhud söweşinde agyr ýaralanýar we medinä dönüşde ýolda şehadet şerbetini ýudumlaýar(aradan çykýar). O döwürde dul galan aýallar wagt geçirilmän başy täzeden bogulsa gowy görülipdir. Hz. Ömer hem dul galan gyzynyň ykbalyny haýyrly bir ýanýoldaşa baglamak isläpdir. Şu niyet bilen aýaly aradan çykyp dul galan hz. Osmanyň ýanyna barypdyr. Hz. Osmandan makul sözüni eşitmedik hz. Ömer, hz. Ebu-bekiriň ýanyna barýar emma o-da oňa razylygyny beremeýär. Iki dostundan hem göwni ýykylan hz. Ömer pygamberimiziň ýanyna barýar we ýagdaýyny düşündirýär. Pygamberimiz (s.a.w) ýylgyryp hz. Ömere şeýle jogap berýär: eý ömer! Hafsa osmandan, osman bolsa hafsadan has haýyrly biri bilen durmuş gurar, diýýär. Muny duýan hz. Ömer geňgalyjylyk bilen pygamberimize seredip, osmandan haýyrly kime durmuşa çykararyn gyzymy diýip pikir edýär. Birnäçe günden soň pygamberimiz hz. Ömeriň gyzy hz. Hafsa üçin gudaçylyga barýar. Hz. Ömere: sen gyzyňy maňa nikahla menem gyzym ümmi gülsümi osmana nikahlarym diýýär we hz. Hafsa bilen nikalarynyň allanyň dergähinde gyýylandygyny buşlaýar.

Hz. Hafsa (r.anha) ýaradylyş häsiyedi boýunça biraz jelally birisi bolupdyr. Hz. Äşe enemiz o barada şeýle diýýär: hafsa hakyky öz kakasynyň hasiýedini alan gyzdyr, kuwwatly erkli we tutanýerlidir.

Birgün rasullah efendimiz hafsa enemiziň ýanynda hudeýbiýede biat eden sahabasyny ýatlap, inşallah hudeýbiýede biat eden sahabam jähenneme girmez diýýär. Hz. Hafsa: içiňizde o ýere ugramajak hiç bir kişi ýokdyr, bu rabbiň berk hökümidir (merýem suresi, 71 aýat) okaýar. Efendimiz muňa jogap edip: soňra biz allah`dan ätiýaç edenleri halas ederis, zalymlary bolsa o ýerde dyza çökmiş halda taşlarys (merýem suresi, 72 aýat) okaýar.
Hz. Hafsa enemiz ybadadyna bagly bolup köp nafile namaz okar we agyz beklär eken. Beýleki musulman enelerimiz ýaly garyplyk içinde ýaşapdyr. Ýatmak üçin ýekeje şiltesi bolupdyr. tomusyna ony aşagyna seripdir, gyşyna bolsa arasyna girip ýatar eken. Iýmäge bir döwüm çörek tapmaýan wagtlary bolupdyr, emma ol şonda-da hiç wagt halyndan şykaýatçy bolmandyr. Mydama şükür içinde ýaşapdyr.

Hijretiň 45-nji ýylynda Hz. Muaviyeniň halifeligi wagtynda 60 ýaşynda aradan çykypdyr. Jenaza namazy Medineniň valisi Mervan İbni Hakem tarapyndan okadylypdyr. Cenab-ı hak’tan şefaatlerini niyaz ederiz (amin)

Hz. Safiyye Binti Abdülmuttalib (r.anha)

Hazret-i safiyye (r.anha) rasulallah (s.a.w) efendimizin söýgüli halasydyr (çärjewde hala-kakanyň aýal dogany). kakasy abdülmuttalib, ejesi hale bint-i wehb bolupdyr. hz. Hamzanyň (r.a) gyz jigisi, hz. Zubeyriň (r.a) ejesi...ilkinji musulmanlardan...batyr we gaýduwsyz* hanym sahaba. Elinde gylyjy bilen söweşe gatnaşan ilkinji musulman hanym.

Hz. Safiýýe ýegeni söýgüli pygamberimizi örän gowy görer eken. Oňa kiçiliginden bäri seredip ene mähri bilen bagryna basypdyr, ejesiniň ýoklygyny bildirmändir. Pygamberimiziň gelejekde adamlaryň arasynda möhüm hyzmat derejesine eýe boljagyny aňyp ulalmagyny sabyrsyzlyk bilen garaşypdyr.

Mekkede dost duşman diýmän hemme kişi pygamberimizi örän gowy görüpdir, oňa çäksiz ynam bildiripdirler. Kureýşliler tarapyndan oňa Muhammedü'l-Emîn* lakamy berilipdir.<br><br> Aradan ýyllar geçýär. Hz. Safiýeniň ýegenine pygamberlik derejesi berilýär. Pygamberimiz (s.a.w) adamlary yslama çagyrmaga başlaýar. Allahdan “Ilki iň ýakyn garyndaşlaryňy duýdyr. Saňa uýan musulmanlara ýumuşak bol” (Şuâra Sûresi 214-215 aýaty) inýär. Mundan soň pygamberimiz ähli garyndaşlaryny toplap : “Eý Kureýş mähellesi! Özüňizi ataşdan halas ediň! Eň haşimogullary! Eý abdülmuttalib ogullary! Özüňizi ataşdan halas ediň! Eý muhammediň gyzy fatma! Eý abdülmuttalibiň gyzy safiýýe! Özüňi ataşdan halas et! Men size Allahdan geljek bir belanyň öňini alyp bilmerin, ýöne mende bolan islän zadyňyzy soraberiň. ” diýýär. <br> Hz. Safiýýe ogly zübeýr bilen birlikde hiç ätiýaç edmän yslamy kabul edipdirler. Pygamberimize uly goldaw beripdirler. Hz. Safiýýe dogany ebu-lehebiň hem musulman bolmagy üçin ençe gaýratlar görkezipdir. Kaderiň geňligine seret, hz. Safiýýe yslam ugruna jan bermäge taýýar, dogany ebu-leheb bolsa yslam duşmanlarynyň öňini çeken adam bolupdyr. <br><br> Hz. Safiýýe berk kadaly ene bolupdyr. Çagalarynyň terbiýesine uly üns beripdir. Çagalaryna söýgisini we mährini kem etmändir, emma welin gerek ýerinde olara gaşyny çytyp gulaklaryny çekipdir. Çünki terbiýe berk düzgün, üns we jogapkärçiligi talap edýär. Hz. Safiýýe ogly hz. Zubeýri peygamberimiziň hawarisi (yardamçysy) bolup biljek derejede terbiýeläp ýetişdirip bilen enedir.<br><br> Hz. Safiýýe (r.anha) yslam ugrunda hiç bir zatdan gaýra durmandyr. Jany we maly bilen özüni yslama bagşeden Örän tutanýerli*, batyr we gaýduwsyz hanym sahaba bolupdyr.<br><br> Bir gün pygamberimiz uhud söweşine gitmezinden öň ähli aýal-gyzlary, çagalary medinede iň beýik we berk bolan Hassan İbni Sâbit'in köşgüne ýerleşdiripdir. Hassanyň özüni hem kemli, urşa gatnaşyp bilmeýän yaşuly bolany üçin olaryň arasynda galdyrypdyr. Urşyň gyzgalaňly wagty bir müşrik pursatyny peýläp köşge tarap dyrmyşyp başlapdyr. Muny gören hz. Safiýýe hassana olary gorap müşrigi öldürmegini soraýar, hassan bir müşrige garşy duryp biljek güýji bolsa şu wagt şu ýerde däl-de eýsem pygamberimiz bilen söweşde boljagyny aýdypdyr. Ýagdaýy boýnuna alan hz. Safiýýe eline äpet taýagy alyp gapa tarap ýönelýär. Gapyny çalaja açyp taýagy bilen içerik girmek isleýän müşrigiň depesine berýär. Darba çydaman çaşan müşrik özünden gidişi ýalam şol ýerde jan berýär. Hz. Safiýýe köşgiň depesinden musulmanlaryň ýeňilip barýanlaryny görüp bir eline naýzany bir eline-de gylyjy alyp ýanynda bir näçe başga-da musulman hanymlary bilen söweşe tarap gitýärler. Jeňe girip girmänkä Birinji bilen yegeni hz. Muhammet (s.a.w) ýagdaýyny soraýar. Onuň sagdygyny emma dogany hz. Hamzanyň şehit bolandygyny öwrenýär. Gahar-gazap bilen doganynyň aryny almak üçin söweşiň içine özüni urýar, şehit bolan doganynyň jesedini görmek isleýärdi. Halasyny gören pygamberimiz hz. Zubeýre ejesini yza döndirmegini tabşyrýar. Hz. Zubeýr pygamberimiziň aýdanlaryny ejesine ýetirýär, hz. Safiýýe doganynyň jesedini görkezmek islenmeýänligini aňyp nä derejededigini çaklaýar. Allaha sygynyp uly sabyr bilen ogluna:”eger maňa doganymyň jesedini görkezmeýän bolsaňyz diýmek ol kesilip parçalanmyşdyr. Doganym Allah ugranda bu ýagdaýa sezewar boldy, mundan uly dereje bolup bilmez. Biz Allah ugranda mundan has beterlerine hem razydyrys. Enşallah sabyr bilen sogabyny Allahdan garaşaryn ” diýýär. Mundan soňra oňa doganynyň jesedini görmäge rugsat edilýär. Agzalary kesilip parça-parça edilen dogany hz. Hamzanyň başynda sessiz sessiz gözýaşlaryny göwnüne akytýar. Uly sabyr bilen biribara sygynyp İnnâ lillâh ve innâ ileyhi râciûn-biz Allahyň gullary we barymyz o`ňa gaýdyp bararys mealindäki bakara süresi, 156 aýatyny okaýar.

Hz. Safiýýe (r.anha) pygamberimiziň ölüminden 10 ýyl soň, hz. Ömer (r.a) halyfalygy wagtynda 73 ýaşlarynda bu dünýäden aýrylýar.

Egoist.:
Nurcu oyutyan sen Durmush gardash

zenan sahabalary bilmek ucin hokman bir zat bolmak gerek dalmika diyyan

Egoist.:
Yazyanyn ervet zat dal govy zatlar yazyan. Nurcu diyenmede gaty gormegin, menem nurcy boldum 4 yyl chilim chekyan diyip son meni kovdylar.Olor gul yaly adamlar hichkime ervetligi yok dost, gaytam begen sholardan bolanyna.

Adam oz-ozune dereje berer yaly ylymly dal. Elhemdulillah musulman. Pygamber Hz.Muhammet saw ymmatyndan her bir adama Allahyn NUR adyndan ozune yetik pay nesip etjekdir! Shon ucin Hakyky ymmat bolmak nesip etsin dogasy blen!!

Egoist.:
Yazyanyn ervet zat dal govy zatlar yazyan. Nurcu diyenmede gaty gormegin, menem nurcy boldum 4 yyl chilim chekyan diyip son meni kovdylar.Olor gul yaly adamlar hichkime ervetligi yok dost, gaytam begen sholardan bolanyna.

nurlanyp bilmansinda diymek😆

sagbolung paylashanynyza.

sagbol teman ucin

her birimize Sahaba enelermizden gorelde bolmak nesip eylesin🙂

=musulman oldur ki , goreningde Allahy ( j.j.) yatladar. Sagbol DURMUSH, bize Allahy we dostlaryny yatladanyng uchin!

mINNETDAR AWTOR.. 

gaty köp bomandyrmay🙂 dine in yokardaky temadakyny okap bildim sagbol awtor.

gowy zatlar yazypsyn

Ýazanlarymy täzeden okamak maňa-da gowy geldi. Ýöne, jan doganjan, agayunussyz eýlekisiz-beýlekisiz sap Özüň boljak bolsana. Özüň maglumat topla. Özüň ýaz. Haçana çenli beýleki ýazgylara hamallyk edip ýörjek. Öz ýazanlaň barmy temalaň içinde, ýa baram bir ýerden getirilip täzeden ýazylanmy