Gojanyñ pendi.

Bir gurply adamyñ ÿalñyz perzendi-ÿeke ogly bar eken. Ol " ÿurduny täzelemeginiñ" öñ ÿany oglyny çagyryp, şeÿle diÿipdir: " Men saña üç sany pent bereÿin, sen ömür boÿy oña berk eÿermelisiñ: hiç haçan birinji bolup salam bermegin, her gün agşamlyk süÿji tagamlar iÿginiñ, günde irden öÿden çykanyñda,täze köwüş geÿip çykgynyñ"
Şondan soñ uzak gitmän, kakasy " amanadyny tabşyrypdyr". Ogly bolsa atasynyñ wesÿetini berjaÿ edip ugrapdyr. Ÿöne geñ galaÿmaly zat, oba adamlary onuñ bilen salam-helikden ÿüz öwrüp başlapdyrlar, ähli puly hem süÿji tagamlary we aÿakgap satyn almaga gidÿärmişin.
Günleriñ birinde ol ejesiniñ ÿanyna barypdyr-da, şeÿle diÿipdir: " Eje, men kakama näme ÿamanlyk etdimkäm, näme üçin ol maña duşmanymyń etmejegini edip beÿle-öwüt-nesihat berdikä?"
Şonda ejesi şeÿle jogap beripdir: " Kakañ tä özüñ soraÿançañ, seniñ işleriñe goşulmagy maña gadagan edipdi. Onuñ " Hiç haçan birinji bolup salam bermegin" diÿen pendi- "Hemmelerden ir tur-da, meÿdan işe çyk, gabadyñdan geçip barÿan adamlar, goÿ saña birinji bolup salam bersinler" diÿen manydady. Ikinji-" Her gün agşamlyk süÿji tagamlar iÿ" diÿen pendi. Uzynly gün meÿdanda der döküp işläp, aryp öÿe gelseñ, agşamlyk nahar juda tagamly boljaklygyny añladÿardy. "Her gün irden täze köwüş geÿ" diÿmegi bolsa "Üst-başyñy, aÿakgabyñy tämiz saklagyn, her gije ÿatmazdan öñürti hökman egin- eşigiñi, köwşüñi arassalagyn" diÿildigidi. " Şeÿle etseñ, her gün irden öÿden çykanyñda, aÿakgabyñ täze ÿaly ÿalpyldar durar" diÿip tabşyrdygydy".
Şol günden başlap, ol ÿigit ähli zady ejesiniñ aÿdyşy ÿaly berjaÿ edipdir. Biraz wagtdan soñ ol gurplanypdyr, görmegeÿ bir gyza öÿlenip, maşgala bolupdyr, atasynyñ pendini bolsa çagalaryna hem öwredipdir.