Men bagtlylygy saylayaryn...

Ençeme şägirde halypalyk edip ýören akyldarlaryň biri elmydama bagtly halda eken, nurana ýüzünde hemişe ýakymly ýylgyryş bolupdyr. Onuň tutuş ömri uly bir baýramçylyk mysalymyşyn. Hatda ölüm ýassygynda ýatyrka-da, ýüzünden ýylgyryş alamatlary gitmändir. Töweregini gallap oturan şägirtlerinden biri sorapdyr:

- Halypa, näme üçin ýylgyrýarsyňyz? Siz ömürboýy ýylgyryrp, bagtyýar halda bolduňyz, şu çaka çenli soramaga ýaýdanyp ýördük, bu size neneň başardýar? Soňky demiňizde-de ýylgyryrp ýatyrsyňyz. Bu ýerde ýylgyrar ýaly sebäbem-ä ýok...

Şonda goja halypa şeýle jogap beripdir:

 - Esli ýyl mundan öň on ýedi ýaşly ýaş ýigit bolsam hem, gaýgy-gama basdyryp, ýegşerilip ýören wagtym halypamyň huzuryna barypdym. Halypa ýetmiş ýaşy arka atan goja kişidi, emma ol şonda-da hiç bir sebäpsiz hem güler, ýylgyrar ýörerdi. Menem ondan: "Bu Size neneň başardýar?" diýip sorapdym. Ol şeýle jogap beripdi:

 - Men içki dünýämde islän halymy saýlamaga hakly. Bu ýagdaý - meniň saýlan halym. Her gün säher bilen oýanyp, gözümi açanymda, özümden bu gün nähili ýagdaýy saýlamalydygym barada soraýaryn: bagtyýarlygymy ýa betbagtlylygy? Her gezek hem meniň saýlan halym bagtyýarlyk bolýar, munuň özi tebigy ýagdaý ahyry...

Nesil gazeti