Senem şolardanmyň?
Müňkürlik imandan aýyrar diýilýär. Emma, müňkürlik bizi gorar diýen düşünje-de bar. Salamlaşanyňdan müňkür bolup başlaýarlar. Sag bollaşyp yzyňdan "Şu ýöne adam däldir" diýýärler. Megerem adamyň müňkürlik etmäge haky bardyr. Ýöne onuň özünden müňkür bolaýsaň halamajagy belli. Özüňe ýakmajak zady ile edip bolarmy? Zadyňa berk bol goňşyňa ogrylyk ýapma diýilýär. Eger düşünjäm arassa bolsa, men kimden gorkaýyn ýa-da çekineýin? Işiň rowaç almagy, syryňy saklamak üçin (durmuşda her hili ýagdaýlar bolýar) seresaply bolmak gerekdir, ýöne eliňden gelýän zadam ýokka birine müňkür bolmakdan näme peýda? Müňkürlik adamlary bir-birine ynanmakdan aýyrýar. Gül ýaly oglanlaryň birine biri "Olam şolardan öýdýän" diýdi. Menem eger şolam şolardan bolsa, şenem düzüw bolmaly däl diýdim. Ol bir hili boldy. Belki içinden "Şoň arkasyny alýaň welin senem şolardan bolaýmasaň" diýen bolmagam mümkin.
Arhiwiň ýagdaýy
● Doly tekst
● 5/5 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 11 maý 2012 ý. · Asyl sahypany gör ↗
Teswirler 5
Salawmaleýkim!
Müňkürlik, güman etmek, şübhe etmek - bular sinonim düşünjeler ýaly görünse-de, tapawutlydyrlar.
Güman imandan aýrar diýipdirler. Diýmek, imanymyzdan aýyrýan bolsa oňa hakymyz ýok. Ýa-da men bu meselä birtaraplaýyn çemeleşýän bolmagym mümkin.
Marksdan iň gowy görýän zadyň näme diýip soranlarynda Hemme zady şübhe astyna almak diýip jogap beripdir.
Subhe iki durludir: 1) Inkar etmek islegi bilen edilen subhe; 2) Kabul etmek niyeti bilen edilen subhe. Birinji bolegini hemmeleriniz bilyansiniz, mysal getirip oturmayyn. Ikinji gornush shubhe bolsa, shubheden beter barlamak manysyny anladar,yagny her onunden cykan zat iyilmez, her eshiden zadyna ynanylmaz, ilki barlanyp son ozune mal edilmelidir. bir alymyn diyishi yaly 'shubheci bolun, yagny dogry zatlaryn arasyna yalnyshyn girmegine pursat berman, menin aydanlarymy hemmesini dogry diyip belleman, bellemezden oni Kuran we hadyslar bilen olcan, eger Kuran we hadysyn olceglerine gabat gelmese, menin aydanlarymy terk edin'. Emma bu yerden kabul ediljek zatlaryn hemmesi subhe esasynda kabul edilmelidir diyen netija gelmek yalnysdyr, cunki kabir hakykatlar bardyr, o hakykatlary subhesiz kabul etmeklik syddyklyk mertebesine mundirer.
Kab dost, Markysam hemme zady diýipdir, hemme kişini diýmändir. Hemme kişinem gujak açyp garşylap bolmaz. Emma, Pygamberimizem aralarynda ikiýüzlülik edip ýörenlere-de, özüne bar zat aýanam bolsa, sen ikiýüzli diýmändir. Bir admdan müňkür bolmak, maňa görä, içiňden, öz-özüň bilen başga biriniň gybatyny eden ýaly görünýär. Sen bu gybatyňy başga biri bilen paýlaşsaň onda eýýäm , günäň içine doly girýäň.
Yeke Hakykat Subhe diyip esidipdim bir yerde, 10 minut hemme zatdan suphe edip gordum hemme zatdan, cyadamadym... men ynanasym geldi, subhe adama gerek zat, yone ynam, ynam ynsany yasadyar....
güman hem bar, türklerdäki önyargi(ynsany görmäkäň ol barada beýleki ynsanlardan erbet/nädogry ýa gowy/gowy habar almak) hem bar mowzuga degişlilikde ynsanlarda.
ikinjisi has gorkunç.
birem, namaz okasaň ýa dini bir zat aýdaýsaň bulam wähäbi ekeni diýýänler bolup bilýär. häli görseň wahabiliň nämeliginem bilýän däldir.
ýene türkleriň bir sözi bar:Palçyk zyň, yzy galsyn! diýip. bulam şoňa barýar.
gynançly ýagdaý.