Ýigitler... ýigitler...

Ýigitkäň özüňden hoşal bolmak hemmeleriňem başyndan geçýän bolsa gerek. Senden akylly, senden görmegeý hiç kim ýok. Hemme gyzlar, hatda gyzlaryň kakasam seni kowalap ýören ýalydyr. Emma... Sen özüňemi ýa-da aýnadaky şekiliňe baha berýäň?
Biziň näçämiz şeýlekäk?
Dogrusy, meniň ýigitlik çagym bireýýäm geçip gitdi. Ýöne ýigitkäm menem şeýledim. Häzir welin, şeýle ekendigime gynanýan. Bir hili bu meselede öz iýen duzumyň öňünde günäli ýaly bolup duryn. Azajyk özümden talap edijilikli, sendenem bir adam bolarmy, beren sözüňde-de durup bileňok diýen bolsam, häzir ilime has köp peýdam degerdi.
Bu mowzuk siziň köpüňiziň çetine degmegi mümkin, m muny öz ýalňyşymy siz bir gaýtalamaň diýjek bolup açdym. Eger öte geçen bolsam bagyşlaň. Siz bizden has kämil, bilimli, owadan, has şahyr, has ýazyjy, has kinoçy, has kompýuterçi, has aýdymdan gowy baş çykarýanlar ahyryn...