Bu GÜN soygüliler GÜNI

Hany, bu gün söýgiňi görkez. Bu gün söýgüliler güni ahyry. Onuň üçin hemme zat et. Oňa özüňi eý görkez. Söýýän diýýäňä... Hany, görkez söýgüňi. Ol näme halaýar, nämäni halamaýar, bil. Hem söý söýenlerini. Halamaýanlaryndan uzak dur... Ol hem söýsün seni. Söýen, elbetde, söýüler, ýöne sözde galmasyn söýgiň. Hany, bu gün görkez Oňa söýgüňi...


Söýgüliler güni ahyry bu gün...Bilýäň, söýen diňe söýdügi hakda gürleşer. Bilbiliň 1000 hekaýasy barmyş - hemmeside Gül hakyndamyş. Bu gün gören kişiň bilen Ol hakda gürleş. Telefonda ýa-da ýüz-ýüze. Kalpdan ýa-da hereketiň bilen. Ony tanat. Ony, saňa sendenem ýakyn bolany... Ony, seni senden gowy bileni... Ony, sen ony terk etseňde, terk etmeýäni... Ony, iň gowy söýgi aýdymyny, baky owazy...

Söýgüliler güni bu gün. Bilýäň. Söýen diňe söýdügini pikir eder. Bu gün sen hem diňe Ony pikir et. Ony begendirjek bir zatlary et, begendir Ony. Meselem: häzire çenli isläp, ýerine ýetirmedigiň bir emrini berjäý et bu gün. Kylmaýan bolsaň bu gün namaza başla. Meselem: Gurhany hökman okajak diý. Okaýan bolsaň, birine öwret. Bu gün bir hadys öwren we öwret. Meselem: bu gün Söýgüliňi azyndan biri bilen tanyşdyr. Hiç tanamadynyň birine salam ber. Onuň üçin. Meselem: bir ýetimiň başygy ogşa, bir çagany begendir bu gün. Meselem: iş ýeriňe gideňde bir süýji al, ýa-da eliňdäki süýji bilen kak goňşyň gapysyny. Ýöregiňi bölüş, şol pursatda tanat Ony. Bu gün Onuň üçin bir zat et, ýöne diňe Onuň üçin bolsun. Nebsiňi hiç garyşdyrma. Jennet hasaplaryny etme bu gün...

Garşyňdan tamakin bolma, söwdasyz, özüňi görkezmek üçin etme her edeniňi. Bu gün şeýle pikir et... Söýýänleriňe we söýmeýänleriňe nä derejede baha berýäň? Pany diýilýän bu dünýä üçin nähili işleýäň? Ýarym sagatlyk myhmançylyga gitmek üçin, 10 minut iýjegiň nahar üçin, aşhanada naçe sagat eglenýäň? Enaýyja aglaýan çagaň sesine nahili turarsyň düşegiňden ol sowuk gijelerde? Synpy geçip bilmek üçin, ýokary baha almak üçin gijäňi gündize nahili goşarsyň? Aýalyňy, çagaňy, ene-ataňy, adalgyňy begendirmek üçin nähili çyrpynarsyň? 

Bularyň hemmesi başgalar üçin eden işleriň. Hany aýt, Allah üçin, Habibullah üçin şu güne çenli näçe göterimini ýerine ýetirdiň?

Hawa, bu gün söýgüliler güni bolsun! Bu gün senem Söýgüliň bilen duşuş... At seždä özüňi, toba et, hiç dönme yzyňa... Gözýäşlaryň sowgat bolsuň Oňa... Göz ýaşlaruň we aslynda hem Oňa degişli bolan ýüregiň... Bu gün we her gün...