Gurbannazar Ezizowdan bir go$gy

:

sag bolung paylashanyngyza!👍

ön hiç gabat gelmandim bu goşga Gülçemen sagbol paylaşanyn üçin =)

🙂

BIZIŇ GÜNÄMIZ

Durmuşda  köpleriň göwnüne degdim,
Köpler bolsa, meň göwnüme degdiler.
Il   içinde  çekdim  ýekelik  derdin,
(Ýekelik  derdini  çekenler   biler).

Köp zatlary  görmän  duşundan  ötdüm,
Köpüsini   bilgeşleýin   görmedim.
Ýyllar   geçip,   ahyr   bir   açyş   etdim,
Ýagny,   il   günäli  diýip   ýörmedim.

Şagalaňly   köçeleriň  ýeňsesin,
Ujy  çür  köwüşli  gaşap  barýaryn.
Hem   owadan   adamlaryň   hemmesin
Hudaýlar  dek sylap, salam  berýärin.

Emma,   ine,   gujagynda   balasy,
Bir  ýaş  ene ýaş  akdyryp  gözünden,
(Gäzýaşyndan   gördüm   ahy-nalasyn),
Barýar  bu  ajaýyp  ýeriň  ýüzünden.

Ilkinji   şatlygyn,   ilki   baharyn –
«Körpejigin ol  gysypdyr   bagryna.
Ärsumagy   dünýäniň   şu   säheri
Sowurypdyr   ony  ýeliň   ugruna.

Ýok!   Diňe   görmeýän   men   bu   aýaly,
Men  onuň  hasratyn   ýürekden  duýýan,
Ýaş  gelin öňünde özüm  günäli,
Hemme   adamlar-da   günäli   diýýän.

Il   içinde çekip ýekelik derdin,
Aramyzda  ýaşýar  şol juwan  gelin.
Men  oňa  baş  egip  salamam  berdim
Bagyşlaň günämiz, eý, merdan  gelin.

Gurbannazar Eziz

Birinji gezek okadym. Sagbol!

Gaty gowy goshgy eken,menem entak okap gormandim. Oylandyryjy...

gaty gowy

ÖZ SÖÝENMIZ ÜÇIN.....

Öz  söýenmiz  üçin   hemmämiz  jomart!
Biz  bu  dünýä öýe kimin garýarys.
Iň  gymmat,
In  zerur,
Gözel   zatlary
Alýarys-da   ýare   sowgat  berýäris.

Bütin  Ýeri   sowgat   berýäs  gyzlara,
Onuň  minaradyr  şäherlerini,
Onuň  al  şerap  deý  iňriklerini,
Dumanly-dumanly   säherlerini.

Soňra   ýyldyzlary,
Deňiz-derýany,
Soň kellämiz  gyzyp  gidiberse has,—
Aýy iki ýaryp zergär mysaly
Ondan  ýara   gulakhalka  ýasaýas.

Emma  bize  ýeň  berenok  eneler:
«Biz-ä asyl boş  sözlere düşemzok;
Asmanyň  ýyldyzyn   kakanyň  bilen
Olar ýere teňňe bolup duşenok.

Aý diýýärler,
Deňiz-derýa  diýýärler,
Tapanlarny   jomartlarça   seçýärler,
Emma   ujypsyzjä   galyň   tölemän,
şagal  deý   alyp   gaçýarlar...»

Sar  bol,  durmuş!
Sag bol   bereniň  üçin.
Şükür,  saçagymda.   kemenok   çörek.
Ýöne  adam
Çörek   bilen   adam   däl,
Oňa   başga-da   kän,
Kän   zatlar   gerek.

Sag   bol,   durmuş!
Sag   bol   bereniň  üçin,
Ýagyşlaryň   üçin,  garlaryň   üçin.
Ýöne   ýagyş,   gara  juda   höwrügip,
Adamyň   hasratdan   ölmegi   mümkin.

Sag  bol,  durmuş!
Sag   bol   bereniň  üçin.
Il deňinde ýar ýerinde ýar berdiň,
Ýöne  ýaryň  saçyn  ýassyk edinip
Ýatmak gylygyna syganok merdiň.

Dahana   sez berdiň   waspyn   diýere,
Dost berdiň şol dosta mynasyp saýyp,
Dost  kyn  gunüň gerek.
Duşmanam   berdiň.
Şat  günümde   aglap  biljek   ajaýyp.

Saglyk berdiň, duýgy  berdiň köňlüme,
Dözdüň   meni   gyşyň   aňzak  ýeline,
Şu  zatlaryň  zşagyndan  çyk diýip,
Iň soňunda  galam  berdiň elime.

Bu  baglaryň göwi,
Egri  hatary,
Gülleriň,  günleriň  müň  hili   reňki
Adamlaryň sary   aýralyklary,
Elwan   duşuşgy — bary   meniňki.

Gije-gündiz galamymy oýnatdym,
Habar  sorap  gülden, ýagyşdan, guşdan
Aşagyndan   çykar  ýaly   däl  eken,
Kän   zat  alan  ekenim   men  durmuşdan.
Ýöne  neçün
Mende  kinäň  bar   ýaly,
Berenlerňi   alýaň   ýuwaş-ýuwaşdan?
Ýa-da  onuň  bolmalysy  şeýlemi?
Eýýäm   aýra   düşdüm   inçs  deň-duşdan.

Atyň eýerinde  tans oýnaýyn,
Ýolbars   deý   böwseýin   oduň  halkasyn,
Köp   zat  berdim   diýip   gynama   meni.
Berenleriň  üçin   taňryýalkasyn.

Pursat ber,  howlukma,
Gyssama   meni,
Älemgoşaryňa  bir  gaş kakaryn,
Önümde ak kagyz.
Elimde   galam.
Menem   bir  gün  bergilemden  çykaryn!

özi taýynladymyka ýa başga birini taýynladaýdymyka ? 😉

@ Jorap ???

Öň okamandym. Tüweleme!

Ynsana bagt üçin nämeler gerek?
At gerek, ýol gerek hoş hyýal bilen;
Her goşgymda kämil bolmana derek,
Onuň barha kyn düşýänne razy men.

Razy — çynym bilen sadany söýýän,
Razy — halal saçagymda çöregim.
Razy — çalarypdyr saçlarym eýýäm,
Razy — hernä üýtgemändir ýüregim.

Razy — günler ýüpek sowsana döndi,
Razy — ýüregimde özgäň agysy.
Razy — «Mydam Güneş bolsun-a» doldy,
Asman bilen şu zeminiň arasy.

Razy — köp büdredim çaga mysaly,
Ýalňyşdym, ökündim ilkibadalar.
Şonda gökden inen perişde ýaly,
Duşdy maňa oňat-oňat adamlar.

Razy — köçelerim, ýüregim ýagty,
Razy — kükregimde diňenok owaz.
Berdi maňa bir ömürlik bu bagty
Geçip barýan ýaşlyk, geçip barýan ýaz.

Razy — joşdum topragymyň toýunda,
Duzuny syladym, sowuşdym ýasyn.
Eziz maňa şu topragyň goýnunda
Wysal bolan hem bolmadyk yhlasym.

Gerekli pursatym indim äleme,
Begendim, söýüldim, çekdim men zary.
Ine, şu zatlaryň meniň täleýme
Miýesser edenine müňde bir razy.

Gurbannazar Ezizow 

diysen ajayip goshgulary bar, menin soyguli shahyrym!