Beýik Saparmyrat Türkmenbashynyñ goshgylary
Salam agzalar.
Internetdan birzatlar gözläp ýörkäm Saparmyrat Türkmenbashyñ goshgularyna gabat geldim,bu goshgylary öñem okan bolsañyz ýene bir gezek okamañyzy maslahat berýän.Bu goshgular beýle täsirlidir öýtmeýädim,näme ücindir adam dirkä oñ aýdan sözleri ýa-da ýazan zatlary biz üçin o diýen täsirli bolmaýarka ýöne biz oñ täsirini we gymatyna giç düshünýäskäk..bu goshgylary okap siz bilen paýlashmagy makul bildim.
EJE
Gök astynda ýalñyz men,
ýer üstünde ýalñyz men,
Özüm aglap köşeşsem –
Hiç kimse bilmez, eje!..
Bagra basyp ýatardyñ,
Başym alyp otyrdyñ,
Süýjüje düýş getirdiñ...
Ol günler gelmez, eje!..
Toýda seni gözledim,
ýasda seni gözledim.
Wah, dözmezim, dözmezim,
Töwerek ýat, daşym ýat,
Jigerim-bagrym berbat,
Gideý diýsem başym ýaş,
Geçenok günler, eje!..
Gelinbarmak üzüm deý,
ýürek üzüm-üzüm-ley,
ýer ýok ýeriñ ýüzünde-ýeý,
Barmaga ýerim, eje!..
Ne ini barne aga,
Ne gapy bar barmaga...
Diýdirmen ýetim çaga!
ýok, ogluñ ölmez, eje!..
Ne iýmekde many bar,
Ne geýmekde many bar.
Men ýaşary pany dar –
Duşarsmy ölsem, eje!..
Eje-eje eje jan,
Tabyt boldy kejebäñ,
ýer astynda nije jan...
Üstde men tenha, eje!..
Uçrap eýmenç külpede,
ýalñyz galdym dünýede.
Nätjek, ýüzüm gülse-de,
ýüregim gülmez, eje!..
TÜRKMEN
Rehm eýle,
Rehm eýle,
Rehm eýle, Rebbim,
Heý-de, türkmen metjidini ýykarmy?
Heý-de, türkmen mähribany ýakarmy?
Alladan, Asmandan gelen Gurhany
Özi eli bilen oda ýakarmy?
Gurhany oda ýakdy keseki,
Metjit-mähribany ýykdy keseki,
ýok, onda türkmeniñ hiçbir günäsi.
Öz ýurdunda guldur, gandally türkmen,
Gandal onuñ erksizliginiñ güwäsi!
Rehm eýle,
Rehm eýle,
Rehm eýle, Rebbim,
Türkmen ýülük ýaly ajap milletdir.
Datlydyr – gülabyñ gylawy ýaly,
Otlydyr – ojaryñ alawy ýaly,
ýitidir – gylyjyñ ýalawy ýaly,
Türkmen – dünýä nusga bolup biljekdir!
Rehm eýle,
Rehm eýle,
Rehm eýle, Rebbim,
Türkmen Aýdan arydyr,
Günden gorlydyr türkmen!
Halaldyr lebzi ýaly,
Namys-arlydyr türkmen!
Päkizedir aby-zemzem suwundan,
Salyhatly – ummanlaryñ guwundan,
Görmegeýdir şahyryna göwünden,
Mele-myssyk nan deý gorlydyr, türkmen!
Desterhan deý mähriban,
Oguz han deý danadyr –
Türkmen jana-jandyr.
Gorkut ýaly pähimdar,
Görogly deý rehimdar,
Ol göwünden suw içip,
Ol göwünden ganadyr!
Günäsi ýok türkmeniñ,
ýokdyr halkyñ ýazygy.
Ençe müñ ýyl ýaşandyr,
Tug edinip adyny.
Ynsaplydyr pir ýaly,
Saýhallydyr şir ýaly,
Aklyn dünýä berendir,
Haka berip añyny!..
URUŞ BOLMADYK BOLSA
Ejem aglamazdy dokma dokanda,
ýa-da üçburç haty alyp okanda.
Belki, aglanardy seýrek-setanda,
Eger ganym uruş bolmadyk bolsa.
Başymyz bir bolup, daşymyz gülki,
ýa-da salardy ol baýlygy-mülki.
Haýsymyz götärdi kakamyz ilki,
Eger ganym uruş bolmadyk bolsa.
Bile örüp, bile ýatardyk gije,
Hemem oturardyk üýşip bileje.
Kakama düşmezdi betbagt bije,
Eger ganym uruş bolmadyk bolsa.
Urşy başda tapan ýeke tüpbozdy,
Meger, gözlese-de, ýaran tapmazdy,
Belki, ýerem yranmazdy, hopmazdy
Eger zalym uruş bolmadyk bolsa
Arhiwiň ýagdaýy
● Doly tekst
● 25/25 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 16 maý 2012 ý. · Asyl sahypany gör ↗
Teswirler 25
TÜRKMEN BEYiK MiLLETDiR
Kiçi däldir, beýik milletdir türkmen,
Bäş yklymda hanlyk süren milletdir.
Darkaş gurup depesinde döwürleñ,
Gylyç gemrip, ýaşandyr ol minnetsiz.
Adyllygy bilen beýikdir ilim,
Asyllygy bilen beýikdir halkym.
Ejiziñ arkasy, güýçlä garawsyz,
Zamanlañ sarpasy, dine haraýdyr,
Ynsanperwerligi söýüpdir halkym.
Sadalygy bilen beýikdir türkmen,
Sahylygy bilen parhlanar türkmen,
Rysgallydyr bereketli güýzünden,
Gahry gelse gyşdyr, ýylgyrsa bahar.
Parasady bilen belentdir türkmen,
Bedewine ganat bitirendir ol.
Halysyny türkmen tuguna öwrüp,
Rowaýata çenli göterendir ol.
Batyrlygy bilen bellidir ilim,
Horasan peleñi, Turan şiridir.
Asyl nusgasydyr edermenligiñ,
Ärleriñ äridir, şirleriñ piridir.
Kiçi däldir, türkmen uly milletdir,
Bäş müñ ýyllap ýaşandyr ol minnetsiz.
Saparmyrat, türkmen begdir, gerçekdir,
Onuñ taryhyny öwrenmek üçin
Iñ azyndan, müñ är ömri gerekdir!
Janym ejem, jan ejem!
Ejem, eje, eziz ejem,
Müñ ejeden saýlanardyñ.
Gündiz Gün deý, gije Aý deý
Daşymyzdan aýlanardyñ.
Gara dañdan işe gidip,
Gelip, nahar-nowa edip,
Darak kakyp, haly çitip,
Ne ýadar, ne ýatlanardyñ.
Gujagyña dolan wagtym,
Nämedigini bildim bagtyñ!
Ejem, mähir bolup ýagdyñ,
Müşkü-anbar ýaýradardyñ.
Goñşy-golam toý tutanda,
ýüzler gülüp, gam gidende,
Goluñ çyzgap iş edeñde,
Il-ulusda saýlanardyñ.
Geýdirerdiñ özüñ geýmän,
Iýdirerdiñ özüñ iýmän.
Gije diýmän, gündiz diýmän
Hak Allaga ýalbarardyñ.
Arkadag – ata ornuna,
ýürekýag – ene ornuna.
Ömür diläp üç ogluña
Daşymyzdan aýlanardyñ.
“Üç oglum bar, üç tugum bar,
Üç sany arkadagym bar,
Üç şazadam, üç şahym bar!”
Üç perzendiñ ýaýnadardyñ.
Gussam alyp, mähriñ berdiñ,
Derdim alyp, melhem berdiñ.
Iki jahanda serwersiñ –
Eziz ejem, ýalkanarsyñ,
Hak ýanynda ýalkanarsyñ!
Gökdepe
Gökdepe! Syrylyp gaflat perdesi,
Türkmene sowulmaz döwran dönüpdir.
Gökdepe metjidi – ajap erteki
Asman gämisi deý ýere gonupdyr.
Mermer metjit – wysal bolan hyýalym,
ýaraşypdyr owsun atyan zamana.
Uzynly gün zähmet çeken diýarym
Haka sygynyp, gulak salýar azana.
Minaralar – owazy deý azanyñ
Çar ýandan uzaýar asmana bakan.
Gökdepe şehidi – garry atamyñ
Ruhuna siz juma namazyn okañ!
Munda gazap bilen dişläpdir hyrçyn,
Paralanan döşden sarkyp gara gan,
Gujagyna alyp şahly hyrlysyn,
ýatyr garry atam – şehit Artyk han.
ýatyr munda gyrmyzy gan – pajyga,
Türkmeniñ namyrat gussasy ýatyr.
Ärleriñ-şirleriñ, pirleñ ganyna
Boýalyp erkeklik nusgasy ýatyr!
Jem bolup namaza durýar jemagat,
Mertligiñ alnynda başlar egilýär.
Şehitleriñ ruhuny ýagşy senandan
Gandyryp şirlere degsin edilýär.
Saparmyrat, geçmiş gaflat perdesi,
Türkmene sowulmaz döwran dönüpdir.
Gökdepe metjidi – Allanyñ emri,
Asman gämisi deý ýere gonupdyr.
GELMEZMi?
Uruş betermi, ýer beter,
Biri birinden hatar,
Hasratly älem tutar,
Giden gaýdyp gelmezmi?
Tama barmy jesetde,
Geñ gal, otur eset-de,
Gapyl galan kesekde
Ejem gaýdyp gelmezmi?
Turup giden jeñ diýip,
Bir jan-u-bir ten diýip,
“Gaýdyp gerin men” diýip,
Giden kakam gelmezmi?
Dogan doganyñ zary,
Olañ ikidi bary,
Indi bakmazmy bäri –
Dogan gaýdyp gelmezmi?
Iñ ulymyz - Nyýazmyrat,
Körpe – Muhammetmyrat,
Ikisi hem nämyrat –
Gitdi. Gaýdyp gelmezmi?
AýDYÑ BOLSUN!
Islegiñ bolsa şatlyk-toý
Maksadymyz aýdyñ bolsun!
Söý topragy, söý käbe deý,
Maksadymyz aýdyñ bolsun!
Gül Watana nazar aýla,
ýaşyl tuga togap eýle,
ýagşylyk et, dogry sözle,
Maksadymyz aýdyñ bolsun!
ýel azaşar, gonar-göçer,
Seýl geçer, seýran geçer,
Döwür geçer, döwran geçer,
Maksadymyz aýdyñ bolsun!
Saparmyrat, dowla düşme,
ýaşaýyşa bolgul teşne,
Bu deprenmez döwran içre,
Maksadymyz aýdyñ bolsun!
WATAN
Arşyñ-kürsüñ arasynda galamda
Sende açdym ganat-perlerim, Watan!
Sen aýlanýañ ykbalymda, ganymda,
Göz-guwanjym, serim-serwerim, Watan!
Señ barlygyñ – başa jyga-täjimdir,
Daglar – arkam, sähra – göwün täjimdir,
Ömrüm saña sadagadyr, pajymdyr,
Senden röwşen alar gözlerim, Watan!
Pederleriñ ruhy – tobagähimdir,
Yşkym bardyr Jeýhun, Hazar, Wasymda,
Geçdi ömrüm toýlaryñda-ýasyñda,
Ugradyp ýyllaryñ kerwenin, Watan!
Magrypdan Maşryga owazañ ýeten,
Zemine, arş-kürsüde howalañ ýeten,
Niçe är men diýip üstüñde öten,
Sen meniñ başymyñ täjisiñ, Watan!
'Turkmen' diyen goshgusyndaky '
Päkizedir aby-zemzem suwundan' setirleri welin bolmady. Sebabi,Abu-zemzem suwun dan pakize bolmak oz-aaa...umuman,gowy goshgy!
Hoş sözler söyleyin, bir-birinize(Hoş sözleri aýdyň birek-birege) - Saparmyrat Türkmenbaşy
saparmyrat türkmenbashy ''türkmen talyby''
türkmen talyby,
bosh wagtyñ yokdur,
gije-gündüz kitap bilen hemrasyñ.
okap-okap,
kitap yzyna kitap,
acarsyñ sen yaradanyñ dünyäsin!
okaber,
gynan-da wagtyñ azlygyna,
gije-gündiz okap ylym hakyñ al.
teññesi sanalgy talyp hakyña,
kitap satyn al,
soñ akyl yetirsiñ
alan baylygyña!
okaber,
okaber,
okaber, talyp,
ylym - bu dünyaniñ genji-känidir.
arsha ushjak bolsañ - ucurar ylym,
ummandan geshjekmi - ylym gämidir!
sen talypsyñ,
yashsyñ goja dünyäde.
yashlyk gursagyña sygarmy name?
damara sygyarmy dyñzayan ganyñ?
gözleriñden ucgun sycrap durandyr,
gursagyñda yshgyñ sycrap durandyr!
hey, sygarmyñ dünyäsine allanyñ?
bir garnyñ dok bolsa,
kyrkysy acdyr,
hem gowja geymeli - sebäp sen yashsyñ,
hem gowja iymeli - sebäp sen yashsyñ,
emma hemrañ bolsun kitap-depderiñ,
sebäp saña beyik geljek garashyar
talyby sen - iñ yokary mekdebiñ!
oka sen,
dünyäniñ kitabyn oka,
soñ kitap dey okarsyñ sen dünyäni.
pirler okap, okap barandyr haka,
kitap shuglasyny sacyar gün yaly.
okaber,
okaber,
okaber, talyp,
ylym bolsun seniñ toplan hazynañ,
kitap bolsun mugallymyñ, halypañ.
oka,
oka
bashga zada bakma-da,
diñe yhlas acyp biler adamy,
diñe ylym yetiryändir maksada!
ummandan geshjekmi - ylym gämidir! ... gowy aydypdyr.
Emma,shu setiri bilen ylalashyp bilmedim,yalnyshyandyrynam belki?
pirler okap, okap barandyr haka, ...
Okamadyklarymam bar eken sagja bol +
yene yokmy
Watana howp etjek 3 apaty yazayda gayrat et! Öran manyly
okasyn gelyan bolsa yorite edebiyat sayty bar,gyzyklanyanlar uchin!!!awtoram shol yerden alyan bolmagy mumkin!!!🙂
okuwcykak sanawac yaly aydyadyk bu goshgulary 🙂 inda yat bolup gitdi ...
hawwa,dogry belleyang! indi yat boldy ol zatlar 🙂
3 klas wagtlarym 65 goshgysyny yatlapdym B.S.T-nyn,
o wagtlar manysyna dushunmeyadim. Son 9-10 klasda
dushundim manysyna goshgy diyen zadyn. Sagbol awtor. Hazira 1 goshgysynam bilemok B.S.T-nyn :(
B.S.T gowy adamdy, gosgylaram manylydy
oran manyli gowy goshgy!!chyn yorekden chykan sozler!guryny yok!
yatan yery yagty bolsun ol beyk yinsanin!!!
amin
Paylasanyn un sagjabol dost. Oran manyly goshgular