Irde-giçde mähre zar bolsañ, ýatla..!

Sen niçik owadan, sen neneň gözel,
Gyrmyzy ýaňaklaň a:ly bar ýaly.
Nazaryň peýkam deý çenendi göze,
Aşyk gözlerimde ary bar ýaly.

şol peýkam gözlerden kanagat tapdym,
Gara gaşlaryňdan tapdym men karar.
Seni söydüm, seniň näziňi çekdim,
Geň, sen meň söýgimi etmediň ykrar.

Ykrar etmän ýöne söýenem bolsaň,
Aýtmadyň aşyga ýürekde baryñ.
Bu söýgi syr bolup galar göwünde,
Ony diňe öz ýanymda agzaryn.

Aýlar-ýyllar aýrar kalbyñ azaryn,
Aýyrmasa, iň bolmanda, ýeňleder.
Garaz, ýeňjek borun, dünýäde kyn zat
Ýogam bolsa, öz-özümi ýeňmedim.

Çyn söýgime ynanmadyň sen meniň,
Söýgä peýdasy ýok dilewarlygyň.
Irde-giçde mähre zar bolsaň, ýatla,
Seni söýen bir ýigidiň barlygyn!

Aýdymyñ sözleri