Haýyrly durmuş üçin peýdaly maglumat.

Töwhit: Lä ilähe illallah şaýatlygydyr. Manysy Bir Allahdan başka hak iläh ýok diýmekdir.

Töwhidi aýakta tutan rükünleri we şertleri bardyr. Eger bu rükünleri we şertleri ýerine getirmeden, diň sözde Töwhidi aýdan kişä onuň peýdasy bolmaz. Pygamberimiz sallallahu aleýhi we sellem döwründe mynafyklar Lä illähe illah diýýärdiler, emma şertlerini ýerine getirmän, ýürekden musulman bolmadylar, Allah tagala olar barada şu aýaty indirdi: “Haçanda mynafyklar seň ýanyňa gelenlerinde: “Şaýatlyk edýäris sen
Allahyň Resulusyň” diýerler. Allah bilýär, sen onyň Resuludygyňy. Allah şaýatlyk edýär mynafyklar ýalançydyrlar.”(Munafikun,1). Habar berlişi ýaly: “Lä ilähe illallah” jennetiň açarydyr. Emma her Lä ilähe illallah diýen kişä jennetiň gapylary açylarmy? Wahb ibn Munabbihyň(Allah oňa rahmet etsin) ýanyna biri gelip:“ Lä ilähe illallah” jennetiň açary dälmidir? diýip soranda, Ol :“ Elbetde, emma her açaryň diýşi bardyr. Eger seň hem getiren açaryň diýşi bar bolsa, ol gapy saňa açylar eger ýok bolsa, açylmaz.” diýendir. Alymlar bu şertleri Pygamberimiz sallallahu aleýhi we sellemiň hadyslaryndan çykarandyrlar. Musulman bolan kişi Lä
lähe diýende, ähli Allah tagaladan başga ybadat edilýän, ilählik ýöňkelýän zatlary red edýär. We illallah
diýende iläh diýip, diňe Allah tagalany kabul edýär. We Allah tagalany ilählikde, roblikde birledigi bolýar. Şonyň üçinem Lä ilähe illallah şaýatlygyna kelimeti-Töwhit diýilýär. Allah tagala müşrikler barada:“Aýdyň:
Kim siz ýerden we asmandan ryzyk berýär?Kim gulaklaryňyza we gözleriňize eýelik edýär? Kim öliden dirini we diriden ölini çykarýar?We kim ähli işleri dolandyryýar? Olar(müşrikler)elbetde“Allah”diýerler. Onda siz aýdyň: Eýsem, siz ondan gorkaňzokmy?(Yunus,31). Başka aýatda: “Eger sen olardan (müşriklerden): Gökleri we ýeri kim ýaratdy diýip, sorasaň. Ol göni:“Allah”diýerler.” (Lukman,25). Bu aýatlardan başgada, Pygamberimiz Muhammet sallallahu aleýhi we
sellemiň söweşen müşrikleriniň Allahyň ýaradyp, ryzyk berip, öldürip direldýändigine ynanýandyklaryny beýän eden ençeme aýat bardyr. Emma olaryň Allaha bolan ynançlary musulman bolmalary üçin ýeterli bolmady. Çünki olar Allah tagalany uluhuýetde, ybadatda birlemeýärdiler. Allaha şärik, arajy goşýardylar.