Sachdy MUHAMMET!

Friendship· 10 fewral 2012 ý. 17:01 · 252 gezek okaldy· halanan: 13ertir.com

Owwal deslap baryp Haýbar dagynda,

Kapyrlar ganyny saçdy Muhammet.

Leklaherde, Sekwan, Kabil şährinde,

Jepa çekip dini açdy Muhammet.

Aşyklar baş olup, yşka münende,

Tura nazar düşüp, daglar ýananda,

Byrag gökden gelip, ýere inende,

Refref münüp, arşa uçdy Muhammet.

Mikaýyl, Ysrafyl, Ezraýyl bile,

Geldiler, durdylar Jebraýyl bile,

Seýr etdi Selsebil, Zenjebil bile,

Köwser arygyndan içdi Muhammet.

Magrajyñ gijesi seýre baranda,

Ýa Jebraýyl emin bile ýörende,

Behişt gapysynda gelip duranda,

“Bissimilla!” diýp, işik açdy Muhammet.

Magtymguly, özge dini bozdular,

Yklym-yklym, şäher-şäher gezdiler,

Jepa çekip yslam dinin düzdüler,

Altmyş üç ýaşynda geçdi Muhammet.

Magtymguly Pyragy

Arhiwiň ýagdaýy

● Doly tekst

● 13/13 teswir saklanypdyr

Ýazylan saýty: ertir.com · Çeşme: Web Archive nusgasy — ertir.com, 10 maý 2012 ý. · Asyl sahypany gör ↗

Teswirler 13

Lazer Boy 10 fewral 2012 ý. 17:26 +4

Saola...

Magnit1 10 fewral 2012 ý. 18:45 +5

Halk aydymy hasam erediji 🙂

Meryem 11 fewral 2012 ý. 00:33 +4

👍

SALYH 11 fewral 2012 ý. 06:26 +6

Merv92 11 fewral 2012 ý. 09:55 +7

GİDER

Adam ogly, pelek seniň
Bir gün donuň biçer gider!
Saňa urar hanjaryny,
Jellat ganyň saçar gider!

Gezme dünýä meýil edip,
Bihuda ýerde seýl edip,
Öňki gonanlaryň ötüp,
Göz açynçaň geçer gider.

Ölseň, seni kimiň ýatlar,
Haýkyr galar bedew atlar,
Any münen goç ýigitler
Gara toprak guçar gider.

Dünýäniň soňy bibatdyr,
Binamazyň jaýy otdur,
Ölüm bir ajy şerbetdir,
Her kim andan içer gider.

Köňül aýdadyr: ölmeseň,
Lahatda tenha galmasaň,
Eýäňe dogry bolmasaň –
Içan senden gaçar gider.

Magtymguly, bu ne jaýdyr,
Ajap bir kerwensaraýdyr,
Dünýä bir loly heleýdir,
Bir gün seni guçar gider.

Sag boluñ yetireniñiz üçin....

beşiktaşly 11 fewral 2012 ý. 10:05 +4

sag bol awtor betnden goşgy.

Friendship 11 fewral 2012 ý. 10:09 +3

Eý ýaranlar, musulmanlar,
Bir gün ahyrzaman bolar!
Ölenden öň köp nyşanlar,
Ýeriň ýüzünde kän bolar!

Adalatsyz bolar hanlar
Bihaýa bolar zenanlar,
Köp döküler nahak ganlar,
Iliň päli ýaman bolar!

Pisat iş köp bolar, az bolmaz,
Bu öý ol öýe saz bolmaz,
Ýagmyrlar ýagar, ýaz bolmaz,
Bir gün bady-hazan bolar!

Hile eýlär, tapar ýollar,
Süýthorlukdan ýygyr mallar,
Din ýoluny taşlap iller,
Ne mekdep, ne azan bolar!

Namaz goýar, sözlär ýalan,
Ata-enä asy bolan,
Çakyr içip, zyna kylan,
Azaby müň elwan bolar!

Elin tut Taňry dostunyň,
Asy bolma, sakla diniň,
Enşalla, Magtymgulynyň
Din ýoldaşy iman bolar!