ÝÜZI GYZARÝANYŇ ÝÜREGINDE GARA BOLMAZ>>>>

<span style="font-size:14.0pt;mso-bidi-font-size:11.0pt;
line-height:115%">Bir üýşmeleňde oba ogrusy hakda gürrüň bolýar. Şonda Azady
şol ogrynyň gowy sypatyny açyp gözkezýän bir wakany oturanlara gürrüň beripdir.
Halypasyna belet sopylar dil düwşen ýaly, ýeke-ýekeden şol ogry diýilýän adamyň
gowy tarapy hakda söhbet edipdirler. Bu gürrüňe beýleki adamlar hem goşulypdyr,
garasaý, şol ogryny perişdäniň bäri ýanyndaky adam edip goýaýypdyrlar….

<span style="font-size:14.0pt;mso-bidi-font-size:11.0pt;
line-height:115%">Aý geçýär, gün geçýar, günleriň bir güni şol ogry Azadynyň
öýüne baryp:

<span style="font-size:14.0pt;mso-bidi-font-size:11.0pt;
line-height:115%">-Gudratyňyzdan aýlanaýyn. Azady ahun, meni ne günlere
saldyňyz? – diýip, galkyjaklapdyr. – Siziň pylan üýşmeleňde eden gürrüňiňiz
maňa baryp ýetdi, eşidip depäm gök diredi. Ogurlugy şol gün kesdim. Ýöne sähel
telek iş etsem “Azady ahun eşidäýse näme diýerkä?” diýip, gaty heläk bolýan.
Siz böwrimiň bir ýerinde otyrsyňyz – diýipdir.

<span style="font-size:14.0pt;mso-bidi-font-size:11.0pt;
line-height:115%">- Seniň böwrüňde ynsabyň otyr, inim, seniň ynsabyň oýanypdyr…

<span style="font-size:14.0pt;mso-bidi-font-size:11.0pt;
line-height:115%">Ýene bir üýşmeleňde Azadydan biri sorapdyr:

<span style="font-size:14.0pt;mso-bidi-font-size:11.0pt;
line-height:115%">-Ahun aga, siz pylanynyň ogrudygyny bilýädiňizem weli, arada
onymagtap, asyl adam edip goýaýdyňyz,
munuň hikmeti nedir?

<span style="font-size:14.0pt;mso-bidi-font-size:11.0pt;
line-height:115%">- Adam barada sen ýagşy gep aýtsaň, men ýagşy gep aýtsam, ol
ýagşy gep aýtsa, onuň bir topar ýagşy taraplary görner. Eger, tersine, adam
barada sen bir ýaman zat diýseň, men bir ýaman zat diýsem, ol gazanyň garasy
çalnan ýaly bor. Oňarsaň, adam barada ýamanyny ýapyp, ýagşysyny ýaýyň!