Arak, erbet pişe-öwrenmegin, öwrer pise...

Içmäňou, içmäň oglanlar,
Içip, içki syry, açmaň oglanlar.
Çünki arak - jadyly şerap,
Köpçülikde däliräp, çöçmäň oglanlar.

Gördüm emedekläp, gusup ýatany,
Gördüm sermenekläp, samrap ýatany.
Gördüm bir owurt, pis arak üçin,
Öz eziz dostun, dönüp satay.

Pul sorap elini, serenem gördüm,
Çüýşäni maňlaýyna, berenem gördüm.
Ýalaňaç märekede, duranam gördüm,
Atasyn däliräp, uranam gördüm.
Görmedigem gowy, ata-babamlaň,
Öwliýä ýykylyp, äht-kasam edip,
Ýene dolduryp, ýörenem gördüm.

******

Köçeden barýar, bir serhoş kişi,
Gyz gelin görse, lak atmak işi.
Nämäňe gerek, ýöräp bileňok,
Emma edenok, ýöne bu işi,
Çünki alypdyr, arak serbaşy.

Gözleri süzülip, ümezläp gaşy,
Sallangy köýnek, açylgy döşi.
Deňinden geçene, göwnem ýetenok,
Erni ýelmeşenok, syrtaryp dişi.

Mamalarna gelen dek, köçede ýatyr,
Maşynlar sowulyp, geçýär howatyr.
Halyndan habar, adam alanok,
Sebäbi alkaş ol, ýok oňa hatyr.

Ahyr turdy, ertesi irden,
Köçede ýatyr, seretse birden.
Bilmedi agşamky, içenin nirden,
Çünki arak aňyn, alypdy serden.

******

Gowy oglandy, mydam hormat goýardyk,
Şular ýaly oglanlar, köp bolsady diýerdik.
Bir gün toýda welin, jalbaryn açyp,
Märekäň öňünde, siýenin gördik.

******

Bir bulgur goýberdi, açyldy beýni,
Ikinji bulgur, daş etdi keýpi.
Galdyran bulgurlaň, sany köpeldi,
Şonçada gözüniň, gany köpeldi.

Ilki gaplaň deýin, arlap başlady,
Dosta nazar aýlap, hyrlap başlady.
Dosta duşman diýdi, tanaman dosty,
Ýogsa duşmanam ýokdy, onuň duşmany:
Her gezek galdyran, bulgurly tosty.

******

Içdiler: saglyga, ýene saglyga,
Hem gowluga, agzybirlige.
Agzybir oturyp, iýdi-içdiler,
Her hili maslahat, ölçäp biçdiler.

Çaknyşan badalaň, köpeldi sany,
Aýdylan tostlaryň, köpeldi şany.
-Içeliň, içeliň, ýene içeliň,
Diýdiler: "käte bolmaz zyýany".

Emma arak, eýeläp aňy,
Köpüsine ýetdi, şerabyň şaňy.
Bir-birniň açdylar syrtyn,
Eýse olar, agzybirdem ýaňy.

Agzybirlik üçin, içen tostlary,
Gyzyl ýumruga, saldy dostlary.
Şeýdip bulaşdy, dostlugyň soňy,
Şeýdip bulaşdy, doňlugyň soňy.

******

Aragyn taşlady, okady namaz,
Bäş wagtam özine, ýene gördi az.
Diýdiler: "indihä, akyl ol biraz,
Soňy düz bolsun, içmesin garaz".
Düşdi pygamber ýola, okady doga,
Soň ýene taşlady, gelmedi toba.

Ýene birin gördüm, okap bäş wagty,
Namazyň gapdalyndan, "urýar daş wagty".
"Bolýarmy bulam?" - diýip sorasam,
"Kalbyň gowy bolsa, uraý käwagty".

Nädöwür, nedünýä, geldi zamana,
Içmek mertlik ýaly, boldy hamana.
Döwür bizi nirelere äkitdi,
Ýolumyz garaňky, gelejek gümana.

Goşgy hemmä, degişli däldir,
Kim şerap süzse, özi bilýändir.
Okap biraz çykaryň many,
Göwnüne jüňk bolup, gülýänem kändir.

Içmäňou, içmäň arak, içmäň oglanlar,
Başarsaňyz, ondan ara açyň oglanlar.
Çünki arak, algyr-laçyn oglanlar.
Oňlasaňyz ýeke maslahatym bar:
Düşünseňiz, şu pişeden gaçyň oglanlar.
Düşüräýmesin bir gün:
Ähli saçyň oglanlar...

Bilýan, ol derejä barýanam ýokdur,
Ýöne bir öwrenseň, barjagyň hakdyr.
Gowusy görkezmesin, hiç kişä takdyr,
Yegen boldy tamam, saňada çakdyr.