Hazardaky ýaryş: Türkmenistan şowly başlady, ýöne şowsuzlyga uçrady.
2007-nji ýylyň iýunynda Awaza hakdaky proýekti eşidenimde başym göge ýetipdi. Halkara metbugaty tolgundyryjy meňzetmeleri ulanýardy – Las Wegas, Dubaý, Antalýa we ş.m. Üç aýdan soň demirgazykdaky goňşymyz gazaklardanam bir uly proýekt habary çykdy. Ýöne bu Awaza bilen deňeşdirende ägirt uly we has strategik proýektdi. Bahasy 40 milliard dollar bolup, dünýäniň iň esasy şereketleri gurnaýjylarynyň arasyna girýärdi. Şo barada ýazan blogumda Awazanyň “nakawt” bolandygyny aýdypdym. Çünki hakykatdanam biziň planymyzyň olaryňky bilen ýaryşmana ukyby ýokdy. Üstesine “seresaply” dolandyryş şertlerinde.
Beýleki bir energiýa eýesi hazarýaka döwleti hem kem duranok.
Azerbaýjan, türkmen we gazaklardan 3 ýyl gijigenem bolsa bir başlangyja bissimilla diýdiler. Bu blogumyzda şolaryň proýekti barada ýazmakçy.
Hazar Adalary Proýekti – Azerbaýjan
Paýtagt Bakudan 25 km uzaklykda Hazar deňzinde Aktawu ýa-da Awaza däl, Dubaýdaky Palma we Ýer adalaryna bäsdeş boljak taslama durmuşa geçirilýär. Üstesine gurluşygy Azerbaýjanyň şereketleri amala aşyrýar. Awesta azeri şereketi gurluşyk işlerine geçen ýyl başlapdyr we şugüne çenli 1 milliard dollardan gowrak pul harçlapdyr.
Aktawu bilen meňzeşligi
Awestanyň eýesiniň aýtmagyna görä dünýäniň iň gymmat proýekti eken. 60 milliard dollar gymmatynyň bardygy aýdylýar. Proýektiň plany, strategiýasy Aktawu proýektiniň ekizi.
Hazar adalarynda biznes we maliýe şereketleri üçin aýratyn şäherçe, ýaşaýyş jaýlary, turizm we saglyk merkezleri, bilim we tehnologiýa merkezleri üçin aýratyn şäherçeler gurlar.
Dünýäniň iň uzyn binasy – Azerbaýjan Towers
Dubaýdaky Burj Halifadan habaryňyz bardyr. Saud Arabystan hem şugünler Jidde şäherinde 1 kilometrlik bina gurjak bolup ýören bolmaly. Azerbaýjan bolsa bularyň ikisindenem uzyn boljak binany gurmaga taýýarlanýar – Azerbaýjan Towers. Burj Halifadan 222, saudylaryňkydan bolsa 50 metr uzyn bolar. Gurluşygy haýsydyr bir daşary ýurt firmasy tarapyndan däl, azeri Awesta şereketi tarapyndan amala aşyrylar. 2015-de başlamak we 2019-da tamamlamak niýeterinde bar.
Maliýe meseleleri
40 adadan düzüljek Hazar Adalaryň umumy gymmatynyň 60 milliard dollar boljakdygyny çaklaýarlar. Şonuň ýarysy, ýagny 30 milliardy halkara inwestisiýalardan, galan bölegi bolsa satyljak jaýlardan geler. Ýagny hökümetden 1 teňňe hem çykarmajak bolýarlar. Jaýlar entek gurulmadygam bolsa käbirleri satyldy. Indiki ýylda birinji tapgyry tamamlanar we ilkinji müşderiler täze jaýlaryna göçüp bilerler. Gurluşyk iki ýyl mundan ozal başlanypdyr we 2025-de doly tamamlajak bolýalar. Dünýäniň iň uzyn binasyny bolsa 2 milliard dollar çykdajy etmegi talap edýän eken.
Türkmenistan hem ada gurarmy?
Elbetde bizde şeýle plan bar. Ýöne ol guruljak adada azerileriňkiden tapawutlylykda 1 sany otel ýerleşer; azerileriň gurýan adalary bolsa 1 million ýaşaýja niýetlenen! Bizde guruljak adanyň ady ýok, Türkmenistanyň kartasy şeklinde gurlar we onda dünýäniň iň gowy 7 ýyldyzly oteli ýerleşer. Otel seretan ýyldyzynyň şeklinde planlanan. Seretan, Arkadagyň ýyldyzy eken.
Gowumy ýagdaýlar?
Öňümde goýan maksatlarym bar. Şolara ýetmek üçin planly hereket edýärin.(56%, 13 adam)
Çörek bilen suw bolsa bolýa, galanyny başgalar etsin.(13%, 3 adam)
Diplom aldygym başga ýurda uçýan.(17%, 4 adam)
Saçym agarýar.(13%, 3 adam)
Arhiwiň ýagdaýy
● Doly tekst
● 37/37 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 11 maý 2012 ý. · Asyl sahypany gör ↗
Teswirler 37
Etniki aýratynlygyň ösüşe we üstünlige täsiri ýok. Hemme zat her bir raýatyň hereketine bagly.
ay name hemme zady wagt gorkezer
Futbolda ynha öseris, goňşularymyz bilen ýaryşarys bilen edýän bolumyz ýok. Türkmen biz ölýänçägä hiç kim bilen ýaryşmazam, ösmezem.
Menem käwagt şeýle umytsyzlyga düşýän. Sen bilen men - biz haçan öljegimizi bilemzok. Şol sebäpli 'Biz ölýänçäk düzelmez' diýmek bolmaz. Ýöne ynha sende-de bolşy ýaly 'Uff besdir' diýjek adamlar köpelýär. Bu bolsa üýtgeýänligimizi görkezýär. Umumana 'Maňa näme' diýip arkaýyn ýaşamakdan saçyňy agardyp dertelnip ýaşamak has gowy.
Azerileriňki ýaşaýyş proýekti öýdýän. Awaza bolsa dynç alyş zolagy. Awaza turizmi ösdürmäge niýetlenen. Ýöne azerileň gaty gowy proýekti bar eken. Onsoňam olaň ilat sany biziňkiden iki esse kän. Bu hem täsir edýän faktor.
Blaaddd janym yanyp otur shuwagt. sumugumizi akdyryanymyza.... Bizin milletimiz kellesini ishletse yaman bet edip duzerler we oserler weli arman shu yokardaky ishleyanlerde para problemalary barda.. biram watana garshy soyguleri yok hic hili. Eger watanyny soyup oz mashgalasyny dalde watanyny birinji orunda goysalay oyun edemem turkmenistan in osen dowletlen biri bolup yetisher. JANYM yanayyada yone shu yokardakylary gorip chaltrak shu sssr den galanlar bir yok bolup taze osen nesiller gelip osduraymese derek yok bolmasa...
Prezdentam diktatorcylygny dowam etdirman demokratik yoretse bolarda. Taze achyljak firmalara poddejka yokda ussunden basylya.. Bir firma achayjak bolsanam burnundan getiryaler. Gaytam firma achjaklara komek etmeli weli.. Ana azerilerde dunya belli petrol gaz firmalary zatlary bar uje. name kemimiz bar sholardan?? Bizinema kellamiz ishleyahou..
Bagyshlan agzalar shuwagt chynym bilen janym yanyp post edendirn...
Proýektiň saýtynyň baş sahypasyndakylary görüp şeýle pikir edensiň. Menem başda şeýledir öýdüpdim. Ýöne 'Koroporatiw' bölümine girip metbugat üçin taýýarlanan dokumentlere seretseň nähili uly proýektdigine düşünersiň. Hem ýaşaýyş (1 million adama niýetlenen) hem turizm-saglyk-dynç alyş hem-de finans proýekti.
bujagaz proekt entäk azerilere gan siýdirer
Jorap dost, ilki bilen janyň ýanýanlygy üçin seni gutlaýan. Sebäbi taryha geçjek işler iň aladaly adamlar tarapyndan edilýär. Ýöne pikirleriňi üýtgetmegiň üçin käbir düzedişler girizmekçi.
1. Sen hem men hem şu milletiň parçalary. Eger biz kellämizi işletmeýän bolsak başgalardan bir zatlara garaşmak bolmaz.
2. Täze açyljak firmalara goldaw (podderžka) berilýär. Belki ýokary derejede däldir, ýöne ýagdaýyň 2006-dan gowudygy welin anyk. Meselem bu ýylky we mundan soňky gurluşyk işleriniň aglabasyny hususy şereketlerimize tabşyrmagy maksat edinýärler.
bilmedimdä...
Konkurensiyada sen garshyndakyny tozdyrmasan-
garshyndaky seni tozdyrar, goryesda biz azerinimi
ya olar bizimi? Biz olary eders diyp umyt edeli
1-njina jogap. Edil shu wagt elimden edip biljek zadym bolmansyn we yokarda ishlemagede mumkunciligim yok bolany ucin bashka edip biljek zadym yok...
2- . Ol beryan goldawlaryna goldaw diyesim gelenok mena. Firma achjak bolsan gaty erbet koseyaler. Ylgamaly yzlaryndan hemishe. Elbetde taze firma guruljak bolsa gozlemeli arkasyny mafiya zatmy govy ishgarlermi eylen beylen weli bizinkiler prosta ishini erteleyaler ertir gel birigun gel. Munun bolanok.
Ishgarler birzat gymyldatmaga gorkyalarmy namemi bilmedimda ...
Azerbaýjanda dünýäniň iň beýik binasynyň guruljakdygyna ynanýanlar elini galdyrsyn!! (Özem adanyň üstünde - GÜLKÜNÇ) Azeriler özlerini (mugt) reklama etjek bolýalar.
awaza hakykat, galanlary proyekt, arzuw, yada shuna menzesh gury sozler.. Hazir dine awaza hereketde we hakyka yuzunde ishleyar.. Dine awazada gum, chage bar, galanlary has erbet we hapa..
esasan azerbaijan bir osib baryan yurtlarin bire.men eşıdenım tm hem donyeda egtesadı osışda 10 yurdın arasında 11%osışe bar deır oytyan.emma tm onında suw meselese hem goz oğına gelyar
sistema boyunca ozbegistan bilen gyrgyzystany gecsek dal dine azerleri dunyanin kop yewropaly dowletininem ankasyny asyrarys weli sistema uytganok.Ilat sanymyz az birem agzala birem bilime 1 gram unus berilenok.Elbette azerilerinki yaly milletciligem(MILLETINI SOYMEK) HOKMAN!
Indi turkmenabady ösdirmesek😎