Gyşky transfer möwsüminiň iň gymmat futbolçylary

Görşümiz ýaly nobatdaky gyşky transfer möwsümi hem tamamlandy. 5-nji ýanwardan 31-nji ýanwara çenli dowam eden bu transfer möwsümi öňkilere seredeňde hereketsizräk geçdi. Transfer listinde Kaká, Pato, Tevez, Beckham ýaly ýyldyzlary agzadan Fransiýanyň PSG futbol topary bularyň hiç birini hem öz hataryna goşup bilmedi.



14,5 million € baha bilen Mahaçkalanyň Anžisinden Moskwanyň Dinamosyna transfer bolan Wengriýaly Balázs Dzsudzsák gyşky transfer möwsüminiň iň gymmat transferi bolmagy başardy. Bu transfer möwsüminiň iň gymmat 5 transferi şular:

1. Balázs Dzudzsák (Wengriýa) ― Anži >> Dinamo Moskwa - 14,5 million €.

2. Papiss Cissé (Senegal) ― Freiburg >> Newcastle United - 11,7 million €.

3. Moussa Sow (Senegal) ― Lille >> Fenerbahce - 10 million €.

4. Thiago Motta (Braziliýa/Italiýa) ― Inter >> Paris Saint-Germain - 10 million €.

5. Nikica Jelavić (Horwatiýa) ― Glasgo Rangers >> Everton - 9,5 million €.

Görşümiz ýaly iň gymmat 5 transfer-ä şular. Başga-da birnäçe tanymal futbolçylar öz klublaryny täzelediler.

Olardan Juventusly Luca Toniniň BAE-niň Al-Nasrna, Romaly Pizarronyň Manchester City-a, Catanialy Maxi Lopeziň Milana, Portoly Guariniň Intere, Boltonly Cahilliň Chelsea, Chelsealy Alexiň PSG-a, Interli Muntariniň Milana, Manchester Unitedli Gibsonyň Evertona, Tottenhamly Pavluchenkonyň Moskwanyň Lokomotiwine, Lasioly Cisseniň QPR-a, Ştutgartly Pogrebnýakyň Fulhama, Manchester Cityly Bridgeniň Sunderlanda, Manchester Unitedli Machedanyň QPR-a, Evertonly Louis Sahanyň Tottenhama, Evertonly Bilýaletdinowyň Moskwanyň Spartagyna, Juventusly Iaquintanyň Cesena, Chelsealy Anelkanyň Shanghai Shenhua, Rubiniň kapitany Noboanyň Moskwanyň Dinamosyna transfer bolandyklaryny aýratyn bellemek bolar.

Bu 5-ligiň haýsysy bahasyna degenok?

Balázs Dzudzsák (Dinamo) - 14,5 million €(57%, 8 adam)

Papiss Cissé (Newcastle United) - 11,7 million €(14%, 2 adam)

Moussa Sow (Fenerbahce) - 10 million €(28%, 4 adam)

Thiago Motta (Paris Saint-Germain) - 10 million €(0%, 0 adam)

Nikica Jelavić (Everton) - 9,5 million €(0%, 0 adam)