Eurail Bilen Gezelenç
Giriş
Köpüňiz öň hem eşidensiňiz, Interrail ýa-da otly bilen ýewropa ýurtlaryny gezmek, Eurail bolsa ýewropadan başga ýerde ýaşaýanlar üçin şu mümkinçiligi ýetirýär. Eurail.com-dan islän bilet görnüşini saýlap gezelenç edip bilersiňiz. Bilet görnüşleri,
* Global Pass - ýagny ýewropaň islendik ýurtlaryny 15 gün içinde gezmek
* Regional Pass - birnäçe gün ýewropada 2-3 döwleti saýlap gezmek
* Flexi Pass - alty aý içinde islendik gün, toplamda 15 gün islendik ýeri gezmek
ýaly bilet görnüşleri bar.
Biletler online satyn alynýar, we beren adresiňize iki hepde içinde ýetirilýär. Soň öňümizdäki alty aý içinde islendik wagt gezelençe başlap bolýar, ondan soň bilet köýýär. Şeýle sorag ýüze çykyp biler, "Wiza gerekmi?" gezelenç üçin, meň özümä gerek däl diýip bilýän, biletiň özi wiza ýerine geçýärmikä diýýän, haýsam bolsa bir ýewropa döwletine gelip başlabermeli aýlan-çaýlaňa. Ýöne anyk bilmeli, öňümizdäki günlerde soramakçy. Islän soragyňyzy Eurail Facebook sahypalarynda birem hepde içi chat wagtlary bar hergün 5 sagatmy birzat, bolmasa hem mail bilen sorap bilersiňiz, iki iş güni içinde jogap berýärler.(sales@eurail.com)
Taýýarlyk
Gezelenje taýýarlyk barada ýüzlerçe maslahat bar, ýöne şu ýerde öz eden
zatlarymy ýazmakçy. Ilki bilen rugzaga (sumka) nämeler alyşdyrdym,
- Eşikler: gyşlyk geýip bolaýjak, şarf, şapka wş.
- Ýuwynmak üçin gerek zatlar, sabyn, şampun, diş pastasy, iň esasy hem sakgal syrýan maşynka 😆
- Kitap: Game of Thrones (A Song of Ice and Fire, Book One), nesip bolsa gutaryp bilerin ýolda okap
- Music: AC/DC butin albomlaryny download etdim, hemme aýdymlaryny diňlemekçi we birem Pink Floyd-dan hem öň diňlemedik albomlarymy aldym
- Laptop: men munsyz gezip bilmeýän, iň agyram şul
- Fotoaparat
- Pasaport we Bilet
- We başgada birgiden akyr-ukur, karta, şarj enjamlar, kompass, fonarik, first aid üçin ýara bagy wş
Bulardan başga hem telefonyma Bahn (Germaniýaň otly sistemasy) app gurdym, ýewropadaky hemme şäherler arasy otly wagtlaryny tapsa bolýar, ýenede Free Wi-Fi Finder we birnäçe şäher guide-leri bolan Lonely Planet app-lerini guryşdyrdym.
Kyn, howply we şol bir wagtda gyzykly on bäş gün garaşýar..
Tourists don’t know where they’ve been, travellers don’t know where they’re going.
Arhiwiň ýagdaýy
● Doly tekst
● 18/18 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 8 maý 2012 ý. · Asyl sahypany gör ↗
Teswirler 18
sagaman gezin diyip dileg edilyami, ha birem, bize-de nesip etsin🙂
Kyndyr,gyzyklydyr, howply my? Bu gezelenje chykanda namazlary okamak nahili? yagny otlyn ichinde muna mumkinchilik bar my? yada wokzallarda, kochelerde gezip yorkan nadip namaz okamaly? Eger mumkin bolsa menem niyetim bar oza.
sag aman syýasat et doss... bizede belkam birgun nesip etsinda
ýörite namaz kompaslary bar, şoň bilen kabäni öwrenip arkaýyn okabermeli, diýeli otlyda, (aslynda otla hem bagly) giň aralyk bar, wokzal, galýan ýeriňde, aýlanýan ýeriňde hem okamak üçin birgiden mümkinçilik bar. Birem bärde freedom diýen zat gowy ornaşypdyr, häzir sen men muslim practice religion etjek men 5min diysen hickim hiczat diymeya. Ýöne abdest almagyň kyn bolar, bilýäň abdesthana ýok bärlerde, diňe hajathanalarda, muňa iň amatly çözgüt ýanyňa bir sandelet alyp gitmek (aslynda galýaň ýeriňde otlyda hem geýmek üçin gowy bir sandalet,sebäbi uzak gün gezip aýak döwülýär.)
Hajathanada abdest almany musulmanlaryn yurdy Turkiyede uniwersitetde owrenipdik. Sebabi metjit yokdy. Bilyansin Eskisehir-Anadolu Uniwersiteti mason gazany yalakdy. Abdest barada tejribamiz kopla. Sag bol jogabyna gaty begendim dogrusy. Onda hany sen bir sag aman gezelenjini dyn. Son detalno gurleshers.
sagaman dynch al 🙂
orazow sagja bol tema ucin🙂
syýasatmy ýa-da syýahat? =) 😆 😆
syýahatyňdan suratlary paýlaşarsyň...
web sahypasyndaky maglumatda bul pass diňe demir ýol bileti hökmündedigi barada gürrüň edilýär... meniň pikrimçe biz ilki şengen wiza almagymyz hökmany bolar...
ýol ak bolsun,ýoldash hak!
hayirli ekskursiya diyeli...
öz yurdumyzdaky welayatlary we ol yerlerı hem görmek nesıp etsın
hemmamıze nesıp etsın
@chishik, hawa bir flick hasap açyp goýmakçy hemme suraty..
Hawa agzalar herkime nesip etsin inşAlla.
habar berenin gowy boldy
SURATY owadan edip yasapsynyz baydak hormat size ....👏
ilki ezrail bilen gezelenç bolup göründi gözüme