BAGTLY bolmagyň bir ÝOLY
Kiçijek gyzjagaz bagtly bolmak isleýärmişin. Ony islemeýan barmy näme?! Ol bir gün mydamalyk bagtly bolmak üçin näme edip biljekdigi hakynda pikir edipdir. Näçe pikirlense-de, gelen netijesi bolmansoň, tamdyra nan ýapýan ejesiniň ýanyna barypdyr-da:
- Eje, hemişe bagtly bolmak üçin näme etsemkäm? - diýip sorapdyr.
Ejesi gyzynyň bu sowalyna ýylgyrypdyr-da, oňä mähir bilen bakyp, şeýle diýipdir.
- Içiň gysýar öýtýän, gyzym! Şu gün öýleden soň ikimiz gezelenje gideli, şonda bagtly bolarsyň.
Gyzjagaz öz ýanyndan "ejem maňa düşünmedi" diýip pikir edipdir. Sebäbi ol diňe bir pursatlyk däl-de, hemişelik bagtly bolmak isleýärmişin.
Öýleden soň ejesi onu otag gülleri satylýan dukana äkidipdir. Ol ýerden güldanda ýap-ýaşyl bolup oturan owadan bir gül satyn alypdyrlar. Öýe gelenlerinde ejesi:
- Gyzym, ine, bu gül seňki. Oňa ynjykgül diýýändirler. Gowuja seretginiň - diýipdir.
Gyzjagaz gülüni juda halapdyr. Güldany otagynda goýupdyr. Gül şeýle bir näzijekmişin. Şahajyklaryna degseň, ýygrylýarmyşyn, bir gün suw bermeseň, bada-bat süllerip başlaýarmyşyn. Gyz gülüni bagtly etmek üçin oňa wagtly-wagtynda suw berýärmişin, ýaprajyklaryny, şahajyklaryny ynjytmaýarmyşyn. Şeýlekilde, ynjykgül hemişe bagtly görünýärmişin.
Ol ejesine:
- Güljagazym bagtly boldugyça menem özümi bagtly duýýaryn - diýipdir.
Ejesi mähir bilen ýylgyryp, şeýle diýipdir:
- Hemişe bagtly bolmagyň bir ýolu-da özgeleri bagtly etmekdir.
Ine, şeýdip, şol gün gyzjagaz hemişe bagtly bolmagyň ýoluny öwrenipdir.
Terjime eden Orazmyrat MYRADOW
Arhiwiň ýagdaýy
● Doly tekst
● 24/24 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 24 maý 2012 ý. · Asyl sahypany gör ↗
Teswirler 24
godry al +jyk
gozum yashdan dolduryp,
Cyndan gulesim gelyar,
Ykbalyn icin yakyp
Menem bagtly bolasym gelyar!
👍
Bagt paýlansa üç baýlygy ilki al:
Ylgap baryp saglyk bilen erki al.
Ýany bilen çuwal-çuwal gülki al
Soň tapylar, galan zady zyňyp git.
👍bet
bagtly boljak bolsan şu 3 apatdan uzak dur.
Agent ulanyan gyzdan.
Türklerın ask memnu dızısını ızleyan gizlardan.
Vede toya bezenıp cıkıp toya barman köçede aylanyan gyzdan. Dönüşte toydan dal joyadan taparsın bular yalı gızları
:-)
hakykatdanam adama komek edip bilsen bir hili ozinem galkynyp gityang. shu tayda gurbannazar ezizowyn bir goshgysy kellame geldi, inni paylashmasam bolmaz.
Durna geçýär... misli adam
durmuşy.Durna geçýär... geçmesini
goýmaýar.
... Adamlara hiç etmändim
erbedi‚
Ýagşylygy bolsa az etdim juda.
Köçede maksatsyz entäp ebedi‚
Tekepbirdim. Düşdüm dostlamdam
jydaHiç kim maňa erbet adam
diýmedi.
Ýöne ýagşam diýmediler‚
elbetde.
Şeýle agyr jeza meni gynady.
Şeýle jeza goýdy meni ezýetde.👍
eden işıni diline çolajak bolsan etmeli dal.
bagtly bolmak üçin dine ene-atany dınlemelı
köçeden dal,tratuardan yöremelı
okuwçy gyzlar beyle ulu görünjek bolmaly dal,gelejegını alada edyan bolsan,gınırak geymelı
kıçılıkden işlap pul gazanmagyn namedığını düşünsen,gadryny bılsen
çalaja zada şatlanmany başarsan
durmuşda özüne mynasyp ornuny tapmana çalyşsan
sonunda bagtly bolarsyn!
bu döwürde gyzlarımizin 80 prosendı bikinili (içgi eşikde) gezmegi kabul eder yöne gin geyınmek. Ay nabileyında maymynjygy guduz açyandır
Bet soragmy 😉 haladymdaý
Bet soragmy 😉 haladymdaý
Dogry yazylan bir hikayejik,emma her hikayenin bir gerchegi bardyr bravo
👏
Gyzykly hekaya eken.
Bagt diýen zadyñ
Nämekä özi
Barmyka aýagy
Elleri, yzy...
(dowamy ýadyma dù$enok)
bagtly bol 🙂
senem bagtly bol smile 🙂 hemmamiz bagtly bolaly
hemmangizede hemishelik bagt nesip etsin
+haladym